ການລະບາດ​ຂອງ​ໄຂ້​​ເລືອດ​ອອກ​ຢູ່​ສະຫວັນ​ນະ​ເຂດ​ອາດ​ເພີ່ມ​ຂຶ້ນ ສະ​ເພາະ​ຢູ່​ເມືອງ​ພີນມີ​ຜູ້​ເສຍ​ຊີວິດ​ແລ້ວ 4 ຄົນ

- 38437967 2194756624104850 1504655678059315200 n - ການລະບາດ​ຂອງ​ໄຂ້​​ເລືອດ​ອອກ​ຢູ່​ສະຫວັນ​ນະ​ເຂດ​ອາດ​ເພີ່ມ​ຂຶ້ນ ສະ​ເພາະ​ຢູ່​ເມືອງ​ພີນມີ​ຜູ້​ເສຍ​ຊີວິດ​ແລ້ວ 4 ຄົນ
- Untitled design - ການລະບາດ​ຂອງ​ໄຂ້​​ເລືອດ​ອອກ​ຢູ່​ສະຫວັນ​ນະ​ເຂດ​ອາດ​ເພີ່ມ​ຂຶ້ນ ສະ​ເພາະ​ຢູ່​ເມືອງ​ພີນມີ​ຜູ້​ເສຍ​ຊີວິດ​ແລ້ວ 4 ຄົນ

ສາທາລະນະ​ສຸກ​ເມືອງ​ພີນ ​ແຂວງ​ສະຫວັນ​ນະ​ເຂດ ລາຍ​ງານ​ວ່າ: ສະພາບ​ການລະບາດ​ຂອງ​ໄຂ້​​ເລືອດ​ອອກ​ຢູ່​ເມືອງ​ຂອງ​ຕົນ ມາ​ຮອດ​ປັດຈຸບັນ​ພົບ​ຜູ້​ຕິດ​ເຊື້ອ​ແລ້ວ​ຈຳນວນ 414 ຄົນ ​ເປັນຕົ້ນ​ໃນ​ເຂດ​ບ້ານ​ນາ​ທອງ, ພີນ, ອະນຸ​ສັນຍາ, ​ເວີນ​ຫົງ​ຄຳ ​ແລະ ບ້ານ​ປະສົມ​ໄຊ ​ແລະ ມີ​ຜູ້​ເສຍ​ຊີວິດ​ແລ້ວ 4 ຄົນ ​ໃນ​ນີ້​ມີ​ຍິງ 2 ຄົນ ທັງ​ໝົດ​ຍັງ​ແມ່ນ​ເດັກນ້ອຍ ​ເຊິ່ງພະຍາດ​ດັ່ງກ່າວ​ເລີ່​ມລະບາດ​ມາ​ແຕ່​ກາງ​ເດືອນ​ສິງຫາ​ຜ່ານ​ມາ​ນີ້ ​ແລະ ​ເຈົ້າ​ແຂວງ​ກໍ​ໄດ້​ແນະນຳ​ໃຫ້​ອຳນາດ​ການ​ປົກຄອງ​ເມືອງ​ພີນ ​ແລະ ພະ​ແນ​ກສາທາລະນະ​ສຸກ​ແຂວງ​ວາງ​ມາດ​ຕະການ​ຄວບ​ຄຸມ​ການລະບາດ​ຂອງ​ພະຍາດ​ດັ່ງກ່າວ​ ດ້ວຍ​ການ​ພົ່ນ​ຢາ​ກຳຈັດ​ຍຸງ​ລາຍ​ໃນ​ກຸ່ມ​ບ້ານ​ຕ່າງໆ​ທີ່​ມີ​ການລະບາດ.

ຮອງ​ຫົວໜ້າ​ຂະ​ແໜງ​ຄວບ​ຄຸມພະ​ຍາດຕິ​ດຕໍ່ ພະ​ແນ​ກສາທາລະນະ​ສຸກ​ແຂວງ ລາຍ​ງານ​ວ່າ: ພະຍາດ​ໄຂ້​ເລືອດ​ອອກ​ລະບາດ​ໃນ​ເມືອງ​ພີນປີ​ນີ້​ແມ່ນ​ເປັນ​ວົງ​ກວ້າງ ​ເຊິ່ງພົບ​ຜູ້​ຕິດ​ເຊື້ອສະ​ສົມ​ເຖິງ 400 ກວ່າ​ຄົນ ​ເຊິ່ງ​ໃນ​ນີ້​ຢູ່​ບ້ານ​ນາ​ທອງ​ພົບ​ຜູ້​ປ່ວຍ​ເຖິງ 65 ຄົນ, ນາ​ໂພ 59 ຄົນ, ອາ​ລວຍ​ໃໝ່ 49 ຄົນ, ອະນຸ​ສັນຍາ 32 ຄົນ, ປະສົມ​ໄຊ 38 ຄົນ, ນາ​ທະລັງ 27 ຄົນ, ບ້ານ​ພີນ ​ແລະ ບ້ານ​ເວີນ​ຫົງ​ຄຳ ບ້ານ​ລະ 24 ຄົນ. ຈາກ​ນີ້​ບ້ານ​ອື່ນໆ​ກໍ​ມີ​ການ​ແຜ່​ລະບາດ​ກວມ​ເຖິງ 45 ບ້ານ​ແລ້ວ.

- Wave100S AD to Website 2020 0 - ການລະບາດ​ຂອງ​ໄຂ້​​ເລືອດ​ອອກ​ຢູ່​ສະຫວັນ​ນະ​ເຂດ​ອາດ​ເພີ່ມ​ຂຶ້ນ ສະ​ເພາະ​ຢູ່​ເມືອງ​ພີນມີ​ຜູ້​ເສຍ​ຊີວິດ​ແລ້ວ 4 ຄົນ

​ໃນ​ປີ 2017 ຜ່ານ​ມາ, ຢູ່​​ແຂວງ​ສະຫວັນ​ນະ​ເຂດ​ມີ​ຜູ້​ຕິດ​ເຊື້ອ​​ໄຂ້​ເລືອດ​ອອກ​ສູງ​ເຖິງ 958 ຄົນ, ​ເສຍ​ຊີວິດ 3 ຄົນ ​ເຊິ່ງທ່າ​ອ່ຽງຜູ້​ປ່ວຍ​ໃນ​ປີ​ນີ້​ຄາດ​ວ່າ​ຈະ​ເພີ່ມ​ຂຶ້ນ ​ເພາະ​ມີ​ລາຍ​ງານ​ຈາກ​ເມືອງ​ໃກ້​ຄຽງ​ກໍ​ມີ​ການລະບາດ​ຂອງ​ພະຍາດ​ໄຂ້​ເລືອດ​ອອກ​ແລ້ວ​ເຊັ່ນ​ຢູ່​ເມືອງ​ນອງ, ​ເມືອງ​ເຊ​ໂປ​ນ, ພະ​ລານ​ໄຊ ​ແລະ ​ເມືອງ​ວິລະ​ບູລີ ​ເຊິ່ງພື້ນທີ່​ດັ່ງກ່າວ​ມີ​ຄວາມ​ສ່ຽງ​ທີ່​ຈະ​ກໍ່​ໃຫ້​ເກີດ​ການລະບາດ​ຂອງ​ໄຂ້​ເລືອດ​ອອກ​ໄດ້​ງ່າຍ ຍ້ອນ​ມີ​ແຫ​ລ່ງນ້ຳອັ່ງ​ຂັງ ​ແລະ ມີ​ຊຸມ​ຊົນ​ກຸ່ມ​ບ້ານ​ທີ່​ໜາ​ແໜ້ນ, ມີນ້ຳຖ້ວມ​ຂັງ​ມັນ​ຈຶ່ງ​ເປັນ​ແຫ​ລ່ງ​ເພາະ​ພັນ​ຂອງ​ຍຸງ​ລາຍ​ໄດ້.

- WhatsApp Image 2020 05 27 at 5 - ການລະບາດ​ຂອງ​ໄຂ້​​ເລືອດ​ອອກ​ຢູ່​ສະຫວັນ​ນະ​ເຂດ​ອາດ​ເພີ່ມ​ຂຶ້ນ ສະ​ເພາະ​ຢູ່​ເມືອງ​ພີນມີ​ຜູ້​ເສຍ​ຊີວິດ​ແລ້ວ 4 ຄົນ
- WhatsApp Image 2020 05 27 at 5 - ການລະບາດ​ຂອງ​ໄຂ້​​ເລືອດ​ອອກ​ຢູ່​ສະຫວັນ​ນະ​ເຂດ​ອາດ​ເພີ່ມ​ຂຶ້ນ ສະ​ເພາະ​ຢູ່​ເມືອງ​ພີນມີ​ຜູ້​ເສຍ​ຊີວິດ​ແລ້ວ 4 ຄົນ
error: Alert: ເນື້ອຫາຂ່າວມີລິຂະສິດ !!