ລະວັງອາຍຸສັ້ນຫາກກິນເຂົ້າອີ່ມແລ້ວນອນທັນທີ

- 052709 2018 - ລະວັງອາຍຸສັ້ນຫາກກິນເຂົ້າອີ່ມແລ້ວນອນທັນທີ
- Untitled design - ລະວັງອາຍຸສັ້ນຫາກກິນເຂົ້າອີ່ມແລ້ວນອນທັນທີ

ຕໍ່ໄປນີ້ແມ່ນຄວາມສ່ຽງການເກີດອາການຕ່າງໆຫາກນອນທັນທີຫລັງຈາກກິນອາຫານອີ່ມ :

  1. ອາການແສບ – ອອກຮ້ອນກາງໜ້າເອິກ : ອາການແສບອອກຮ້ອນກາງເອິກ ເປັນຄວາມຮູ້ສຶກແສບຮ້ອນທີ່ເກີດບໍລິເວນກະເພາະອາຫານກ່ອນ ແລ້ວລາມໄປສູ່ບໍລິເວນກາງເອິກ ແລະ ໃນລຳຄໍ ອາການນີ້ເກີດຈາກລະດັບກົດໃນກະເພາະອາຫານທີ່ເພີ່ມຂຶ້ນ ເຊິ່ງເປັນຜົນມາຈາກການນອນທັນທີຫລັງກິນເຂົ້າອີ່ມແລ້ວ.
  2. ອາການກົດໄຫລຍ້ອນ : ອາການກົດໄຫລຍ້ອນເກີດຂຶ້ນເມື່ອລີ້ນລະຫ່ວາງກະເພາະອາຫານ ແລະ ຫລອດອາຫານປິດບໍ່ແຈບ ເຮັດໃຫ້ກົດໃນກະເພາະອາຫານໄຫລຍ້ອນກັບຂຶ້ນມາສູ່ລຳຄໍ ການນອນລົງທັນທີຫລັງຈາກກິນອາຫານເປັນສິ່ງທີ່ກະຕຸ້ນໃຫ້ເກີດອາການນີ້ ຫາກກົດຍັງຄົງຄ້າງຢູ່ເນື້ອເຍື່ອຜິວອາດຖືກທຳລາຍໂດຍກົດໃນກະເພາະອາຫານໄດ້.
  3. ອາການຫລອດເລືອດໃນສະໝອງ : ຜົນວິໄຈເປີດເຜີຍວ່າ ການນອນທັນທີຫລັງຈາກກິນເຂົ້າອີ່ມ ອາດເພີ່ມຄວາມສ່ຽງການເປັນຫລອດເລືອດໃນສະໝອງ ນັກວິໄຈສຶກສາຜູ້ທີ່ມີສຸຂະພາບດີຈຳນວນ 500 ຄົນ ພົບວ່າ : ເຄິ່ງໜຶ່ງຂອງກຸ່ມວິໄຈນີ້ເກີດອາການຂອງພະຍາດຫລອດເລືອດໃນສະໝອງ ແລະ ອີກເຄິ່ງໜຶ່ງມີອາການຫົວໃຈຂາດເລືອດກະທັນຫັນ ຜູ້ທີ່ເວັ້ນໄລຍະເວລາຈາກການກິນອາຫານດົນທີ່ສຸດ ມີໂອກາດເກີດຫລອດເລືອດໃນສະໝອງໜ້ອຍທີ່ສຸດ ເຖິງວ່າການວິໄຈນີ້ບໍ່ໄດ້ສະແດງເຖິງສາເຫດທີ່ແນ່ນອນທີ່ກ່ຽວຂ້ອງກັບອາການເຫລົ່ານີ້ ແຕ່ບັນດານັກວິໄຈເຊື່ອວ່າ : ອາການກົດໄຫລຍ້ອນອາດເປັນສາເຫດໜຶ່ງ ອາການກົດໄຫລຍ້ອນອາດເຮັດໃຫ້ເກີດການຢຸດຫາຍໃຈຂະນະທີ່ນອນຫລັບ ເຊິ່ງກ່ຽວຂ້ອງກັບພະຍາດຫລອດເລືອດໃນສະໝອງ ຂະບວນການຍ່ອຍອາຫານຍັງສົ່ງຜົນຕໍ່ຄວາມດັນເລືອດ, ລະດັບນຳ້ຕານໃນເລືອດ ແລະ ຄໍເລສເຕີໂຣນ ເຊິ່ງເປັນປັດໄຈຕໍ່ການເກີດຫລອດເລືອດໃນສະໝອງ.

– ຄວນເວັ້ນເວລາດົນປານໃດຫລັງກິນອາຫານ : ລະບົບຍ່ອຍອາຫານອາດໃຊ້ເວລາດົນເຖິງ 3 ຊົ່ວໂມງໃນການຍ່ອຍອາຫານ ດັ່ງນັ້ນ, ທ່ານຈຶ່ງບໍ່ຄວນນອນທັນທີຫລັງຈາກກິນອາຫານອີ່ມແລ້ວ, ແຕ່ຄວນເວັ້ນໄລຍະປະມານ 2 – 3 ຊົ່ວໂມງ ຫລັງຈາກຂະບວນການຍ່ອຍອາການເຮັດວຽກແລ້ວໆ ຈຶ່ງສາມາດພັກຜ່ອນໄດ້ດີຂຶ້ນ.

      – ສິ່ງອື່ນທີ່ບໍ່ຄວນເຮັດທັນທີຫລັງຈາກກິນເຂົ້າອີ່ມ :

- Wave100S AD to Website 2020 0 - ລະວັງອາຍຸສັ້ນຫາກກິນເຂົ້າອີ່ມແລ້ວນອນທັນທີ
  1. ສູບຢາ : ການສຶກສາຫລາຍເທື່ອເປີດເຜີຍວ່າ ການສູບຢາຫລັງກິນເຂົ້າອີ່ມເພີ່ມຄວາມສ່ຽງເຖິງ 10 ເທົ່າ. ການສູບຢາ ຫລັງກິນເຂົ້າອີ່ມທັນທີເພີ່ມຄວາມສ່ຽງພະຍາດມະເຮັງປອດສູງຂຶ້ນ.
  2. ອາບນຳ້ : ເຮັດໃຫ້ມີບັນຫາການຍ່ອຍອາຫານ ເມື່ອອາບນຳ້ ເລືອດຈະຟອກໄປທົ່ວຮ່າງກາຍ, ໄປຍັງມື ແລະ ຕີນ ດັ່ງນັ້ນ ການອາບນຳ້ຈຶ່ງເຮັດໃຫ້ເລືອດຖືກສົ່ງໄປຍັງລະບົບຍ່ອຍອາຫານ ຫາກທ່ານຢາກອາບນຳ້ ຄວນລໍຖ້າຢ່າງໜ້ອຍ 40 ນາທີ ຫລັງຈາກກິນເຂົ້າອີ່ມແລ້ວຈຶ່ງຄ່ອຍອາບ.
  3. ກິນໝາກໄມ້ : ທ່ານຄວນກິນໝາກໄມ້ກ່ອນຈະກິນເຂົ້າປະມານ 1 – 2 ຊົ່ວໂມງ ຫາກທ່ານກິນໝາກໄມ້ທັນທີຫລັງຈາກກິນ ເຂົ້າອີ່ມ ທ່ານອາດມີອາການຍື່ງທ້ອງໄດ້.
  4. ດື່ມຊາ : ຄວາມເປັນກົດໃນຊາເຮັດໃຫ້ເກີດອາການອາຫານບໍ່ຍ່ອຍ ກົດໃນຊາເຮັດໃຫ້ຮ່າງກາຍຍ່ອຍໂປຣຕິນໄດ້ຍາກ ການດື່ມຊາຫລັງກິນເຂົ້າອີ່ມເຮັດໃຫ້ຄວາມສາມາດການດູດຊຶມທາດເຫລັກຂອງຮ່າງກາຍເຮັດວຽກໄດ້ໜ້ອຍລົງ.

ຮູ້ແນວນີ້ແລ້ວ ເມື່ອທ່ານກິນເຂົ້າອີ່ມກໍບໍ່ຄວນນອນທັນທີ ຄວນນັ່ງ ຫລື ຍ່າງຫລິ້ນເບົາໆກ່ອນ ເພື່ອລໍຖ້າໃຫ້ອາຫານຍ່ອຍ.

- WhatsApp Image 2020 05 27 at 5 - ລະວັງອາຍຸສັ້ນຫາກກິນເຂົ້າອີ່ມແລ້ວນອນທັນທີ
- WhatsApp Image 2020 05 27 at 5 - ລະວັງອາຍຸສັ້ນຫາກກິນເຂົ້າອີ່ມແລ້ວນອນທັນທີ
error: Alert: ເນື້ອຫາຂ່າວມີລິຂະສິດ !!