ຊີວິດງ່າຍຂຶ້ນດ້ວຍປັດຊະຍາທັງ 5 ຂໍ້

- 062709 2018 - ຊີວິດງ່າຍຂຶ້ນດ້ວຍປັດຊະຍາທັງ 5 ຂໍ້
- Untitled design - ຊີວິດງ່າຍຂຶ້ນດ້ວຍປັດຊະຍາທັງ 5 ຂໍ້
  1. ໃນໂລກນີ້ບໍ່ມີໃຜເຫັນທ່ານສຳຄັນເທົ່າໂຕທ່ານເອງ : ມັນເປັນຄວາມຈິງ ການໃຊ້ຊີວິດຕາມທີ່ຄວາມຄິດ ຫລື ຄວາມຄາດຫວັງຂອງຜູ້ອື່ນເປັນການທຳຮ້າຍໂຕເອງ ເພາະແຕ່ລະຄົນກໍມີຊີວິດມີບັນຫາຂອງຕົນເອງ. ສິ່ງທີ່ທ່ານເຊື່ອວ່າຄົນອື່ນຄິດ ຫລື ເບິ່ງທ່ານແນວໃດ ຄວາມຈິງແລ້ວອາດຈະບໍ່ແມ່ນດັ່ງທີ່ທ່ານຄິດເລີຍກໍມີ ມັນອາດເປັນສິ່ງທີ່ທ່ານຄິດຂຶ້ນມາເອງຈາກສາຍຕາຂອງເຂົາ ຫລື ປະສົບການທີ່ທ່ານເຄີຍພົບ ດັ່ງນັ້ນ ການເປັນໂຕຂອງໂຕເອງໂດຍບໍ່ສົນໃຈຄວາມຄິດຂອງຜູ້ອື່ນຈະເຮັດໃຫ້ຊີວິດມີຄວາມສຸກຍິ່ງຂຶ້ນ.
  2. ໂຕທ່ານປ່ຽນແປງຕະຫລອດເວລາ : ທ່ານອາດຈະຄິດວ່າເຖິງເວລາຈະຜ່ານໄປສິບປີ ໂຕທ່ານກໍຄົງຈະຄືເກົ່າ ເປັນຄົນເກົ່າໆ ບໍ່ປ່ຽນແປງ ເຊິ່ງຄວາມຈິງແລ້ວ ສະຖານະການ ແລະ ປະສົບການທີ່ທ່ານພົບໃນຊີວິດປະຈຳວັນເປັນສິ່ງທີ່ເຮັດໃຫ້ທ່ານປ່ຽນແປງຕະຫລອດເວລາ ດັ່ງນັ້ນເວລາຕັດສິນໃຈຫຍັງ ຄວນຍຶດຖືຄວາມຄິດໃນປະຈຸບັນ ເພາະທ່ານບໍ່ສາມາດປ່ຽນແປງອະດີດ ແລະ ຄາດເດົາອະນາຄົດໄດ້ ທ່ານຈຶ່ງຕ້ອງເຮັດປະຈຸບັນໃຫ້ດີທີ່ສຸດ.
  3. ເຊົາປຽບທຽບໂຕເອງກັບຜູ້ອື່ນ : ຄົນເຮົາມັກຈະເອົາແຕ່ເລື່ອງດີໆ, ແງ່ຄິດດີໆໃນຊີວິດລົງໃນໂລກອອນລາຍ ຄືກັນກັບຊີວິດຈິງທ່ີທ່ານມັກຈະບໍ່ເຜີຍຊ່ອງວ່າງທີ່ສ່ຽງຖືກວິພາກວິຈານໃຫ້ຄົນອື່ນເຫັນງ່າຍໆ ເພາະສາເຫດນີ້ທ່ານຈຶ່ງອົດບໍ່ໄດ້ທີ່ຈະປຽບທຽບໂຕທ່ານກັບຄົນອື່ນໆ, ແຕ່ໃນຄວາມຈິງແລ້ວ ບໍ່ມີໃຜສົມບູນແບບ ທຸກຄົນລ້ວນຢາກເປັນທີ່ຍອມຮັບຈາກຄົນໃນສັງຄົມ. ຢ່າເສຍເວລາເມົາແຕ່ຄິດວ່າຄົນອື່ນມີຊີວິດທີ່ດີກ່ວາ ແລະ ຮູ້ສຶກບໍ່ດີກັບຊະຕາຊີວິດໂຕເອງ ເພາະເຖິງວ່າຄົນພວກນັ້ນຈະຍິ່ງໃຫຍ່ເທົ່າໃດ ພາຍໃນໃຈເຂົາກໍມີຄວາມກັງວົນ, ຢ້ານກົວ ບໍ່ໜ້ອຍໄປກ່ວາທ່ານຄືກັນ.
  4. ຢ່າຄິດວ່າຈະມີໃຜຟັງຄຳແນະນຳຂອງທ່ານ : ເຖິງວ່າຍາມທີ່ໝູ່ຂອງທ່ານມີບັນຫາ ແລະ ມາຂໍຄຳປຶກສາຈາກທ່ານ ຄຳປຶກສາທີ່ທ່ານໃຫ້ໄປກໍບໍ່ມີປະໂຫຍດ ເປັນຄືກັບລົມຜ່ານຫູຊ້າຍອອກຫູຂວາ ແລະ ເຮັດໃຫ້ທ່ານຮູ້ສຶກໃຈຮ້າຍ ເພາະເບິ່ງຄືວ່າຄວາມຊ່ວຍເຫລືອທີ່ທ່ານຍື່ນໃຫ້ມັນເສຍລ້າ ໂດຍຄວາມເປັນຈິງແລ້ວ ບໍ່ມີໃຜຮັບຟັງຄວາມຄິດຂອງຄົນອື່ນຕາບໃດທີ່ເຂົາບໍ່ເປີດໃຈ ຫລື ມັນເປັນຄຳຕອບທີ່ເຂົາຢາກຈະໄດ້ຍິນ ເພາະສຸດທ້າຍແລ້ວຄວາມຄິດຄົນເຮົາຈະປ່ຽນໄປຕາມສະຖານະການຄວາມເປັນຈິງ ແລະ ຈາກປະສົບການທີ່ເຄີຍພົບມາ ບາງເທື່ອມັນອາດມາໃນຮູບແບບຂອງຄຳແນະນຳຂອງເຮົາເອງ.
  5. ທ່ານເທົ່ານັ້ນທີ່ຈະກຳນົດຊີວິດໂຕເອງ : ສິ່ງທີ່ໜ້າກັງວົນບໍ່ແມ່ນບັນຫາທີ່ທ່ານພົບໃນຊີວິດປະຈຳວັນ ແຕ່ເປັນວິທີການແກ້ໄຂບັນຫາຕ່າງຫາກ, ທັດສະນະຄະຕິເປັນໂຕບົ່ງບອກຄວາມຄິດ ແລະ ປະລິມານຄວາມສຸກໃນຊີວິດທ່ານ ແລະ ສົ່ງຜົນໄປເຖິງອະນາຄົດຂອງທ່ານ. ບາງເທື່ອທ່ານອາດພົບສະຖານະການຮ້າຍໆ ຈົ່ງຕັ້ງສະຕິ ແລະ ຄ່ອຍໆຄິດຫາວິທີແກ້ໄຂບັນຫາ ຢ່າໃຈຮ້ອນຟ້າວເຮັດ ເພາະທ່ານຈະໄດ້ໃຊ້ເວລາທົບທວນຄວາມຄິດເພື່ອປ້ອງກັນຜົນກະທົບອັນບໍ່ດີທີ່ຈະຕາມມາ.
- Wave100S AD to Website 2020 0 - ຊີວິດງ່າຍຂຶ້ນດ້ວຍປັດຊະຍາທັງ 5 ຂໍ້
- WhatsApp Image 2020 05 27 at 5 - ຊີວິດງ່າຍຂຶ້ນດ້ວຍປັດຊະຍາທັງ 5 ຂໍ້
- WhatsApp Image 2020 05 27 at 5 - ຊີວິດງ່າຍຂຶ້ນດ້ວຍປັດຊະຍາທັງ 5 ຂໍ້
error: Alert: ເນື້ອຫາຂ່າວມີລິຂະສິດ !!