ສານ​ໄທ​ຕັດສິນ​ປະຫານ​ຊີວິດ​ທ້າວ ​ໄຊຊະນະ​ໃນ​ຂໍ້​ຫາຄ້າ​ຢາ​ເສບ​ຕິດ

- Untitled 2 copy 1 - ສານ​ໄທ​ຕັດສິນ​ປະຫານ​ຊີວິດ​ທ້າວ ​ໄຊຊະນະ​ໃນ​ຂໍ້​ຫາຄ້າ​ຢາ​ເສບ​ຕິດ
- Untitled design - ສານ​ໄທ​ຕັດສິນ​ປະຫານ​ຊີວິດ​ທ້າວ ​ໄຊຊະນະ​ໃນ​ຂໍ້​ຫາຄ້າ​ຢາ​ເສບ​ຕິດ

ສຳນັກ​ຂ່າວ​ໄທ ລາຍ​ງານ​ວ່າ: ສານ​ຂັ້ນຕົ້ນ ສັ່ງ​ປະຫານ​ຊີວິດທ້າວ ​ໄຊຊະນະ ​ແກ້ວ​ພິມ​ພາ ສັນຊາດ​ລາວ ກັບພັກ​ພວກ​ໃນ​ຂໍ້​ຫາ​ຄ້າ​ຢາ​ເສບ​ຕິດ ​ແຕ່​ຜູ້ກ່ຽວ​ໄດ້​ໃຫ້ການ​ເປັນ​ປະ​ໂຫຍ​ດສານ​ຈຶ່ງຫລຸດ​ໂທດ 1 ​ໃນ 3 ​ເປັນຈຳ​ຄຸກ​ຕະຫລອດ​ຊີວິດ.

ສານ​ອາຍາຣັດຊະດາ ອ່ານ​ຄຳ​ພິພາກສາ​ສານ​ຂັ້ນຕົ້ນ ຄະດີ​ພະນັກງານ​ໄອ​ຍະ​ການຍື່ນ​ຟ້ອງ​ທ້າວ ​ໄຊຊະນະ, ທ້າວ ຊຸມພອນ ພະນົມ​ໄພ ​ແລະ ທ້າວ ລັດ​ຊະ​ພົນ (ກິມ​ແລ້ງ) ຖານ​ສົມຮູ້​ຮ່ວມ​ຄິດ​ກະທຳ​ຄວາມ​ຜິດ​ກ່ຽວ​ກັບ​ຢາ​ເສບ​ຕິດ, ຮ່ວມ​ກັນ​ມີ​ຢາ​ເສບ​ຕິດ​ປະ​ເພດ 1 ​ໄວ້​ຄອບ​ຄອງ ​ໂດຍ​ໃນ​ວັນ​ທີ 23 ກໍລະກົດ 2015 – 30 ທັນວາ 2016 ຈຳ​ເລີຍ​ທັງ 3 ຄົນ ຮ່ວມ​ກັນ​ມີ​ຢາ​ບ້າ 3.381.400 ​ເມັດ ​ໄວ້​ໃນ​ຄອບ​ຄອງ​ໂດຍບໍ່​ຖືກ​ກົດໝາຍ ​ແລະ ພະນັກງານ​ໄອ​ຍະ​ການ​ໄດ້​ແຍກ​ສຳນວນ​ຟ້ອງ​ຄະດີ​ຢາ​ເສບ​ຕິດ​ເປັນ 2 ສ່ວນ​ຄື: ຈຳນວນ 2.381.400 ​ເມັດ ​ແລະ 1.000.000 ​ເມັດ.

ສານວິ​ເຄາະ​ພະຍານ​ຫລັກ​ຖານ​ທີ່​ໂຈດ​ນຳ​ສືບ​ໃນ​ສ່ວນ​ທຳ​ອິດ ຄື​ຢາ​ບ້າ 2.381.400 ​ເມັດ ພິພາກສາ​ຍົກ​ຟ້ອງ​ຈຳ​ເລີຍ​ທັງ​ໝົດ,​​ ​ແຕ່​ໃນ​ສ່ວນ​ຂອງ​ຢາ​​ເສບ​ຕິດ 1.000.000 ​ເມັດ ການ​ນຳ​ສືບ​ຂອງ​ໂຈດ​ມີນ້ຳໜັກ​ຮັບ​ຟັງ​ໄດ້​ວ່າ​ທ້າວ ​ໄຊຊະນະ ​ເປັນ​ຜູ້​ສັ່ງ​ການ​ໃຫ້​ມີ​ການ​ລຳລຽງ​ຢາ​ບ້າ ​ແລະ ທ້າວ ຊຸມພອນ ​ເປັນ​ຜູ້ນຳ​ຢາ​ບ້າ​ມາ​ຊຸກ​ເຊື່ອງ​ໃນ​ລົດ​ກະບະ ​ເພື່ອ​ສົ່ງລູກ​ຄ້າ​ໃນ​ປະ​ເທດ​ໄທ ສົມຮູ້​ຮ່ວມ​ຄິດ​ກັນ​ເພື່ອ​ກະທຳ​ຄວາມ​ຜິດ​ກ່ຽວ​ກັບ​ຢາ​ເສບ​ຕິດຕາມ​ຟ້ອງ ຈຶ່ງພິພາກສາ​ໃຫ້​ປະຫານ​ຊີວິດ​ທ້າວ ​ໄຊຊະນະ ກັບ​ທ້າວ ຊຸມພອນ ​ແຕ່ຈໍາ​ເລີຍ​ໃຫ້ການ​ເປັນ​ປະ​​​ໂຫຍ​ດ ສານ​ໄດ້ຫລຸດ​ໂທດ 1 ​ໃນ 3 ຄື​ໃຫ້ຈຳ​ຄຸກ​ຕະຫລອດ​ຊີວິດ.

- Wave100S AD to Website 2020 0 - ສານ​ໄທ​ຕັດສິນ​ປະຫານ​ຊີວິດ​ທ້າວ ​ໄຊຊະນະ​ໃນ​ຂໍ້​ຫາຄ້າ​ຢາ​ເສບ​ຕິດ

ສ່ວນ​ທ້າວ ລັດ​ຊະ​ພົນ ຜູ້​ຮັບ​ໂອນ​ເງິນ​ຈາກ​ການ​ຄ້າ​ຢາ​ເສບ​ຕິດ ພະຍານ​ຫລັກ​ຖານ​ບໍ່​ສາມາດ​ນຳ​ສືບ​ໄດ້​ວ່າ​ກ່ຽວຂ້ອງ​ກັບ​ການ​ຮັບ​ເງິນ​ທີ່​ໄດ້​ຈາກ​ຢາ​ເສບ​ຕິດ​ໃນ​ສຳນວນ​ທີ່​ໄອ​ຍະ​ການ​ຍື່ນ​ຟ້ອງ​ໃນ​ຄັ້ງນີ້.

- WhatsApp Image 2020 05 27 at 5 - ສານ​ໄທ​ຕັດສິນ​ປະຫານ​ຊີວິດ​ທ້າວ ​ໄຊຊະນະ​ໃນ​ຂໍ້​ຫາຄ້າ​ຢາ​ເສບ​ຕິດ
- WhatsApp Image 2020 05 27 at 5 - ສານ​ໄທ​ຕັດສິນ​ປະຫານ​ຊີວິດ​ທ້າວ ​ໄຊຊະນະ​ໃນ​ຂໍ້​ຫາຄ້າ​ຢາ​ເສບ​ຕິດ
error: Alert: ເນື້ອຫາຂ່າວມີລິຂະສິດ !!