ໂຮນລັງຈະຫ້າມຄົນ ຂີ່ລົດຖີບໃຊ້ສະມາດໂຟນ

- advert banner 728 90 728x90 - ໂຮນລັງຈະຫ້າມຄົນ ຂີ່ລົດຖີບໃຊ້ສະມາດໂຟນ

ລັດຖະບານ​ໂຮ​ນລັງຈະ​ອອກ​ກົດໝາຍ​ຫ້າມ​ໃຊ້​ໂທລະສັບ​ສະມາ​ດ​ໂຟນ​ໃນ​ລະຫວ່າງ​ຂັບ​ຂີ່​ລົດຖີບ, ຍົກ​ເວັ້ນຈະ​ໃຊ້​ອຸປະກອນ​ຫູ​ຟັງ, ພາຍຫລັງ​ຈຳນວນ​ອຸປະຕິ​ເຫດ​ທີ່​ກ່ຽວຂ້ອງ​ກັບ​ການ​ຂີ່​ລົດຖີບ ​ແລະ ​ໂທລະສັບ​ມື​ຖື​ເພີ່ມ​ຂຶ້ນ​ເລື້ອຍໆ​ໃນ​ໂຮ​ນລັງ ​ເຊິ່ງ​ເປັນ​ປະ​ເທດ​ທີ່​ມີ​ການ​ໃຊ້​ລົດຖີບ​ຢ່າງ​ກວ້າງຂວາງ.

ທ່ານ ຄໍຣາ ຟານ ນິອູ​ເນ​ຮຸຍ​ເຊ​ນ ລັດຖະມົນຕີ​ຂົນ​ສົ່ງ​ຂອງ​ໂຮ​ນລັງ ກ່າວ​ວ່າ: ຮ່າງ​ກົດໝາຍ​ເລື່ອງ​ລົດຖີບ​ຈະ​ມີ​ຜົນ​ບັງຄັບ​ໃຊ້​ໃນ​ເດືອນ​ກໍລະກົດປີໜ້າ ​ເຊິ່ງຕາມ​ຮ່າງ​ກົດໝາຍ​ນີ້ ຈະ​ຫ້າມ​ການ​ໃຊ້​ໂທລະສັບ​ໃນ​ລະຫວ່າງ​ຂັບ​ຂີ່​ຍານພາຫະນະ​ທຸກ​ປະ​ເພດ ​ເຊິ່ງລວມທັງ​ລົດຖີບ. ກ່ອນ​ໜ້າ​ນີ້ ມີ​ກົດໝາຍ​ຫ້າມ​ຄົນ​ຂັບ​ລົດ​ໃຫຍ່ ​ແລະ ລົດ​ບັນທຸກ​ໃຊ້​ໂທລະສັບ​ໃນ​ລະຫວ່າງ​ຂັບ​ລົດ ຍົກ​ເວັ້ນຈະ​ໃຊ້​ຫູ​ຟັງ ​ໂດຍ​ຜູ້​ທີ່​ຝ່າຝືນ​ຈະ​ຕ້ອງ​ຖືກ​ປັບ​ໄໝ 230 ​ເອີ​ໂຣ, ​ແຕ່​ໃນ​ກົດໝາຍ​ໃໝ່​ນີ້​ຈະ​ລະບຸ​ສະ​ເພາະ​ເຈາະ​ຈົງ​ເຖິງ​ລົດຖີບ ​ເຊິ່ງຄ່າ​ປັບ​ໄໝ​ສຳລັບ​ນັກ​ຂັບ​ຂີ່​ລົດຖີບ​ທີ່​ຝ່າຝືນ​ຄາດ​ວ່າ​ຈະ​ເທົ່າ​ກັນ, ​ແຕ່​ລັດຖະບານ​ກຳລັງ​ລໍຖ້າ​ຜົນ​ການ​ຟັງສຽງ​ປະຊາຊົນ​ກ່ອນ. ສຳລັບ​ໂຮ​ນລັງ​ນັ້ນ ລົດຖີບ​ຖື​ເປັນ​ວິຖີ​ຊີວິດ​ຂອງ​ປະຊາຊົນ ຈຳນວນ​ລົດຖີບ​ມີ​ຫລາຍ​ກວ່າ​ຈຳນວນ​ປະຊາກອນ ຄື​ມີ​ລົດຖີບ​ປະມານ 23 ລ້ານ​ຄັນ ຂະນະ​ທີ່​ມີ​ປະຊາກອນ​ປະມານ 17 ລ້ານ​ຄົນ. ສຳນັກງານ​ຄວາມ​ປອດ​ໄພ​ແຫ່ງ​ຊາດ ລະບຸ​ວ່າ: ສະມາດ​ໂຟນມີ​ສ່ວນ​ກ່ຽວຂ້ອງ​ກັບ​ການ​ເກີດ​ອຸປະຕິ​ເຫດ​ໃນ​ໂຮ​ນລັງ 1 ຄັ້ງ​ໃນ​ທຸກໆ​ອຸປະຕິ​ເຫດ​ທີ່​ເກີດ​ຂຶ້ນທີ່​ກ່ຽວຂ້ອງ​ກັບ​ຄົນ​ໄວ​ໜຸ່ມ 5 ຄັ້ງ.

- 1 1 - ໂຮນລັງຈະຫ້າມຄົນ ຂີ່ລົດຖີບໃຊ້ສະມາດໂຟນ
- lattana 1 - ໂຮນລັງຈະຫ້າມຄົນ ຂີ່ລົດຖີບໃຊ້ສະມາດໂຟນ
error: Content is protected !!