ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ

- Road no 11 upgrade - ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ
- Untitled design - ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ

ເສັ້ນທາງຫລວງແຫ່ງຊາດເລກທີ 11 ແຕ່ບ້ານຄົກເຂົ້າດໍ-ບ້ານໂນນສະຫວັນ-ເມືອງຊະນະຄາມ-ບ້ານວັງ-ບ້ານນໍ້າສັງ, ມີຄວາມຍາວ 124 ກິໂລແມັດ ຈະໄດ້ຮັບການຍົກລະດັບໃຫ້ໄດ້ມາດຕະຖານໃນອີກບໍ່ດົນນີ້, ຫລັງຈາກອົງການຮ່ວມມືພັດທະນາເສດຖະກິດກັບປະເທດເພື່ອນບ້ານ (NEDA) ແຫ່ງຣາຊະອານາຈັກໄທ, ໄດ້ສະໜອງເງິນກູ້ຈໍານວນ 1,82 ຕື້ບາດ (ສະກຸນເງິນໄທ) ໃຫ້ລັດຖະບານລາວເພື່ອປະຕິບັດໂຄງການດັ່ງກ່າວ, ເຊິ່ງໄດ້ມີພິທີລົງນາມສັນຍາກູ້ຢືມໃນວັນທີ 26 ກັນຍານີ້ ທີ່ນະຄອນຫລວງວຽງຈັນ ລະຫວ່າງທ່ານນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ ແລະ ທ່ານ ພີຣະເມດ ວຸດທິທອນເນຕິຣັກ ປະທານອົງການ NEDA.

ການຍົກລະດັບເສັ້ນທາງດັ່ງກ່າວ, ເພື່ອເຊື່ອມຈອດເສັ້ນທາງຈາກແຂວງໄຊຍະບູລີກັບບັນດາແຂວງພາກເໜືອຂອງໄທ, ແນ່ໃສ່ອຳນວຍຄວາມສະດວກໃນການສັນຈອນ ແລະ ຂົນສົ່ງສິນຄ້າຂອງປະຊາຊົນໃນເຂດດັ່ງກ່າວໃຫ້ນັບມື້ດີຂຶ້ນ,ທັງເປັນການສືບຕໍ່ໂຄງການກໍ່ສ້າງເສັ້ນທາງແຕ່ບ້ານຕາດທອງຫາເມືອງສັງທອງ ທີ່ໄດ້ຮັບທຶນຈາກອົງການ NEDA ໃນປີ 2010 ຜ່ານມາ, ນອກນີ້ຍັງຈະປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ຫລຸດຜ່ອນຄວາມທຸກຍາກຂອງປະຊາຊົນນໍາດ້ວຍ.

ປັດຈຸບັນ, ສປປ ລາວ ໄດ້ຮັບການຊ່ວຍເຫລືອຈາກອົງການ NEDA ມີທັງໝົດ 18 ໂຄງການ, ລວມມີມູນຄ່າ 10,36 ຕື້ກວ່າບາດ, ມີທັງຮູບແບບການຊ່ວຍເຫລືອດ້ານວິຊາການ ແລະ ໃຫ້ເງິນກູ້ຢືມດອກເບ້ຍຜ່ອນຜັນ ເພື່ອຈັດຕັ້ງປະຕິບັດບັນດາໂຄງການພັດທະນາເສດຖະກິດ-ສັງຄົມຕິດພັນກັບຍຸດທະສາດການເຊື່ອມຈອດລະຫວ່າງລາວ-ໄທ, ໂດຍສະເພາະການພັດທະນາໂຄງລ່າງພື້ນ ຖານ, ເຊິ່ງແຜນການຮ່ວມມືດັ່ງກ່າວຈະດໍາເນີນໄປຮອດປີ 2022.

- Wave100S AD to Website 2020 0 - ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ
- WhatsApp Image 2020 05 27 at 5 - ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ
- WhatsApp Image 2020 05 27 at 5 - ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ
error: Alert: ເນື້ອຫາຂ່າວມີລິຂະສິດ !!