ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍ

- 010405 -  ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍ
- Untitled design -  ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍ
  1. - 010405 300x155 -  ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍເຮັດໂຕໃຫ້ເຢັນ :

– ດື່ມນຳ້ເລື້ອຍໆຈະຊ່ວຍເຮັດໃຫ້ຮ່າງກາຍເຢັນຂຶ້ນ, ພະຍາຍາມດື່ມນຳ້ທຸກໆຊົ່ວໂມງ ອາດຈະເພີ່ມໃບຜັກຫອມລາບ, ເປືອກໝາກກ້ຽງ, ໝາກນາວລົງໃນນຳ້ທີ່ດື່ມ ຈະຊ່ວຍໃຫ້ສົດຊື່ນຂຶ້ນ.

– ແຊ່ຂໍ້ມືໃນນຳ້ເຢັນ ເບື້ອງລະ 10 ນາທີ ໂດຍວິທີນີ້ຈະຊ່ວຍຫລຸດອຸນຫະພູມໃນຮ່າງກາຍລົງໄດ້ ປະມານ 10 ຊົ່ວໂມງ.

– ແຊ່ຕີນໃນຊາມນຳ້ເຢັນ ຄວາມເຢັນຈະແຜ່ກະຈາຍໄປຫາມື, ຕີນ, ໃບໜ້າ ແລະ ຫູ ເພື່ອລະບາຍຄວາມຮ້ອນ.

- Wave100S AD to Website 2020 0 -  ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍ
  1. ນຸ່ງເຄື່ອງບາງໆ ຫລື ບໍ່ນຸ່ງ (ຂຶ້ນກັບສະຖານະການ) ເພື່ອຫລຸດຄວາມຮ້ອນ : ຖ້າທ່ານຢູ່ໃນສະຖານະການທີ່ສາມາດນຸ່ງເຄື່ອງບາງໆ ຫລື ບໍ່ນຸ່ງເຄື່ອງໄດ້ກໍຄວນເຮັດ ເພາະການເຮັດແບບນີ້ຈະຊ່ວຍໃຫ້ຮູ້ສຶກເຢັນສະບາຍໄດ້ຢ່າງເປັນທຳມະຊາດທີ່ສຸດ ຮ້ອນຫລາຍບໍ່ນຸ່ງຫຍັງເລີຍ, ຮ້ອນໜ້ອຍກໍນຸ່ງຊຸດບາງໆ ຫລື ນຸ່ງເຄື່ອງຊ້ອນໃນຢູ່ເຮືອນກໍໄດ້ ເຢັນສະບາຍໄດ້ອີກວິທີໜຶ່ງ.

– ເຄັດລັບແມ່ນການເລືອກເຄື່ອງນຸ່ງຄວນເປັນຜ້າທີ່ຜະລິດຈາກໄຍທຳມະຊາດ ເຊັ່ນ : ຜ້າຝ້າຍ, ຜ້າໄໝ, ຜ້າລິນິນ ຈະເຮັດໃຫ້ຮູ້ສຶກເຢັນຂຶ້ນກ່ວາຜ້າທີ່ເຮັດມາຈາກໄຍສັງເຄາະ ແລະ ຄວນນຸ່ງເຄື່ອງສີອ່ອນໆ ເພາະຜ້າສີເຂັ້ມຈະດູດແສງ ແລະ ເກັບຄວາມຮ້ອນໄດ້ດີກ່ວາ ຈຶ່ງຂໍແນະນຳໃຫ້ນຸ່ງເຄື່ອງສີຂາວ ເພາະຈະຊ່ວຍສະທ້ອນແສງໄດ້ດີທີ່ສຸດ ທັງບໍ່ເກັບຄວາມຮ້ອນນຳອີກ.

  1. ສ້າງຄວາມເຢັນໂດຍບໍ່ອາໄສເຄື່ອງປັບອາກາດ : ເລີ່ມຕົ້ນໂດຍການເອົາພາຊະນະໃສ່ນຳ້ໄປວາງໄວ້ຊ່ອງແຊ່ແຂງຂອງຕູ້ເຢັນ ຈາກນັ້ນເອົານຳ້ກ້ອນທີ່ໄດ້ມາໃສ່ພາຊະນະໃບໃຫຍ່ຕັ້ງໄວ້ໜ້າພັດ ລົມອາຍເຢັນຈາກນຳ້ກ້ອນກຳລັງເປື່ອຍຈະເຮັດໃຫ້ທ່ານສະບາຍຄືກັບເປີດເຄື່ອງປັບອາກາດ. ນອກຈາກນັ້ນ, ນຳ້ກ້ອນທີ່ເປື່ອຍແລ້ວ ທ່ານຍັງສາມາດເອົາໄປແຊ່ແຂງໃໝ່ໄດ້ອີກ ປະຢັດທັງໄຟ, ປະຢັດທັງນຳ້ ເຊິ່ງຊ່ວຍໃຫ້ເຄື່ອງປັບອາກາດຂອງທ່ານບໍ່ຕ້ອງເຮັດວຽກໜັກເກີນໄປ ແລະ ຄວາມເຢັນທີ່ໄດ້ທຽບເທົ່າກັບການເປີດເຄື່ອງປັບອາກາດ 13 ອົງສາ.
  2. ໝອນເຢັນ : ຫລື ແຜ່ນຮອງ ໝອນເຢັນຈະຊ່ວຍໃຫ້ຄວາມເຢັນສົດຊື່ນຈາກສະພາບອາກາດຮ້ອນອົບເອົ້າ ພຽງແຕ່ວາງຮອງເທິງໝອນຕອນເຂົ້ານອນ ແຜ່ນເຈວຈະຄ່ອຍໆດູດ ແລະ ຖ່າຍເທຄວາມຮ້ອນຈາກຮ່າງກາຍ ເຮັດໃຫ້ອຸນຫະພູມໃນຮ່າງກາຍຫລຸດລົງ ເຢັນສະບາຍ ແລະ ນອນຫລັບໄດ້ງ່າຍຂຶ້ນນຳອີກ. ອີກວິທີໜຶ່ງແມ່ນເອົາໝອນໜ່ວຍນ້ອຍໆໄປແຊ່ຕູ້ເຢັນກ່ອນທີ່ຈະນອນປະມານ 1 – 2 ຊົ່ວໂມງ ໂດຍເອົາຖົງຢາງຫໍ່ຫຸ້ມໝອນໄວ້ກ່ອນຈຶ່ງເອົາໄປແຊ່ເພື່ອບໍ່ເຮັດໃຫ້ໝອນປຽກຊຸ່ມຈາກອາຍນຳ້ກ້ອນ ຫລື ຈະເອົາຜ້າປູບ່ອນ ຫລື ຜ້າຫົ່ມໄປແຊ່ກໍໄດ້, ແຕ່ຢ່າລືມເອົາໃສ່ຖົງຢາງປລາສະຕິກທຸກເທື່ອ ຈຶ່ງຈະບໍ່ປຽກຈົນເກີນໄປ.
  3. ເພີ່ມຄວາມຊຸ່ມຊື່ນດ້ວຍຜ້າກັ້ງ : ສີດນຳ້ເຢັນໆລົງເທິງຜ້າກັ້ງ ຫລື ຜ້າຜືນບາງໆພໍໝາດໆ ຈາກນັ້ນເອົາໄປຫ້ອຍໄວ້ປ່ອງຢ້ຽມທີ່ເປີດຢູ່ ເວລາທີ່ລົມພັດຜ່ານເຂົ້າມາຈະໄດ້ຮັບຄວາມເຢັນ ແລະ ຄວາມຊຸ່ມຊື່ນຈາກຜ້າທີ່ຕາກໄວ້ ຈະຊ່ວຍເຮັດໃຫ້ອຸນຫະພູມໃນຫ້ອງຂອງທ່ານເຢັນຂຶ້ນ.
  4. ໃຊ້ວິທີອີຢິບບູຮານ : ວິທີນີ້ເປັນວິທີການເກົ່າແກ່ຂອງຄົນອີຢິບບູຮານທີ່ໃຊ້ຫລຸດຄວາມຮ້ອນຕອນກາງຄືນ ພຽງແຕ່ແຊ່ຜ້າບາງຜືນໃຫຍ່ ຫລື ຜ້າຫົ່ມແຊ່ໃນນຳ້ເຢັນ ຈາກນັ້ນເອົາໄປຜື່ງປະໄວ້ພໍໝາດໆ ແຕ່ບໍ່ແຫ້ງ ແລະ ບໍ່ປຽກຈົນມີນຳ້ຢອດ ເອົາຜ້າຫົ່ມມາປົກໂຕໄວ້ຕອນນອນ ຈະຊ່ວຍໃຫ້ຮ່າງກາຍເຢັນຂຶ້ນ ຫລື ອີກວິທີໜຶ່ງແມ່ນເອົາແພັກນຳ້ກ້ອນມາວາງໄວ້ເທິງຫົວ ຫລື ຂໍ້ມືກ່ອນນອນ ຈະຊ່ວຍໃຫ້ສະບາຍຂຶ້ນ ແລະ ຕ້ອງໃຫ້ໝັ້ນໃຈວ່າແພັກນຳ້ກ້ອນບໍ່ມີນຳ້ຢອດ ຫລື ຈະເອົາຖົງຕີນຈຸ່ມນຳ້ພໍໝາດໆໃສ່ກ່ອນນອນກໍເຢັນດີຄືກັນ.
  5. ລະບາຍຄວາມຮ້ອນອອກນອກຫ້ອງ : ເປັນການຖ່າຍເທຄວາມຮ້ອນຈາກໃນຫ້ອງອອກໄປທາງນອກ ໂດຍການເປີດພັດລົມຕັ້ງໂຕະແລ້ວປິ່ນໜ້າອອກໄປນອກປ່ອງຢ້ຽມເພື່ອເປັນການລະບາຍຄວາມຮ້ອນ ຈາກນັ້ນໃຫ້ເປີດພັດລົມເພດານ ເພື່ອເປັນການໝູນວຽນອາກາດ ດຶງຄວາມຮ້ອນຂຶ້ນ ແລະ ພັດອອກໄປໂດຍພັດລົມຕັ້ງໂຕະຢູ່ປ່ອງຢ້ຽມ ພຽງເທົ່ານີ້ກໍສາມາດເຮັດໃຫ້ຫ້ອງຂອງທ່ານເຢັນຂຶ້ນໄດ້.
- WhatsApp Image 2020 05 27 at 5 -  ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍ
- WhatsApp Image 2020 05 27 at 5 -  ເຄັດລັບຫລຸດຄວາມຮ້ອນຊ່ວຍໃຫ້ນອນຫລັບສະບາຍ
error: Alert: ເນື້ອຫາຂ່າວມີລິຂະສິດ !!