ສື່ລາວຈະກ້າວໄກ ຖ້າຫລຸດດ້ານພິທີການລົງໄດ້

- advert banner 728 90 728x90 - ສື່ລາວຈະກ້າວໄກ ຖ້າຫລຸດດ້ານພິທີການລົງໄດ້

 ໂດຍ: ຈານແຫຍ່ 

ອາທິດນີ້ໝົດທິດ ຂ່າວກ່ຽວ ກັບ ຄວາມຈຳເປັນໃນການພັດ ທະນາວຽກສື່ນັ້ນໄດ້ຍາດພື້ນ ທີ່ໜ້າໜັງສືພິມ, ພື້ນທີ່ຄື້ນ ແລະ ໜ້າຈໍຫລາຍທີ່ສຸດ.

 

12 ປີໜັງສືພິມລາວພັດທະນານ້ອງໃໝ່ລາຍວັນ2018/

ໜັງສືພິມ ແລະ ການຕະຫລາດ2017/

ຄຳຖາມ ທີ່ມັກຈະກ້ຽວໄປ ວຽນມາຄືກະປູໄຕ່ດົ້ງນັ້ນ ກໍຄື ເຮັດແນວໃດວຽກສື່ຂອງລາວ ເຮົາໃນປັດຈຸບັນຈະກ້າວທັນ ສື່ບ້ານເພິ່ນ ເມືອງທ່ານໃນຍຸກ ດີຈີຕອນ (Digital) ນີ້? ແລະ ເຮັດຈັ່ງໃດກົນໄກ ແລະ ເນື້ອໃນ ສື່ ແບບເກົ່າ ຫລື ແບບດັ້ງເດີມ (Traditional Media) ຈະ ສາມາດປັບໂຕເອງໃຫ້ມີສີສັນ ທັນລະບົບສື່ໃນຍຸກແຫ່ງການ ປ່ຽນແປງແບບສາຍຟ້າແລບ.

ຕໍ່ຄຳຖາມນີ້ ກໍມີຄຳຕອບ ສາລະພັດ ສາລະເພ ໂດຍສະ ເພາະກໍແມ່ນມາຈາກປາກບັນ ດາ ທ່ານ ທີ່ຮັບຜິດຊອບຂັດ ທ້າຍ ເຮືອວົງການສື່ລາວແຕ່ກໍມີ ໜ້ອຍ ທີ່ຈະອອກມາຈາກປາກຜູ້ບໍລິ ໂພກສື່ໂດຍກົງ.

- lattana 1 - ສື່ລາວຈະກ້າວໄກ ຖ້າຫລຸດດ້ານພິທີການລົງໄດ້
- 1 1 - ສື່ລາວຈະກ້າວໄກ ຖ້າຫລຸດດ້ານພິທີການລົງໄດ້

ເລື່ອງການທາບທາມ ແບບລະດົມສະໜອງປັບປຸງ ວຽກສື່ ຢູ່ບ້ານເຮົານີ້ເຮັດກັນ ມາຈົນກາຍເປັນນົກລື້ງຜຽກ ແລ້ວ, ບໍ່ນັບການສຳມະນາ, ການຝຶກອົບຮົມວິທີຂຽນ, ວິ ທີສະເໜີຂ່າວ, ມີຫລາຍຄັ້ງ ກໍໄດ້ເຊື້ອເຊີນຜູ້ຊ່ຽວຊານ ວຽກສື່ຈາກຕ່າງປະເທດມາ ຊ່ວຍຖອດຖອນບົດຮຽນ ເພາະ ພວກເຮົາພາກັນເວົ້າເອົາເອງ ວ່າ ສື່ຂອງພວກເຮົາ “ຍັງອ່ອນ ນ້ອຍ” ທັງໆ ທີ່ໄດ້ຜ່ານແດດ ຜ່ານຝົນມາແລ້ວ 48 ປີ (ສຳອາ ຍຸ ສປປ ລາວ) ບໍ່ນັບບົດຮຽນ ທີ່ ສະສົມມາຈາກຍຸກສື່ກາງສະ ໜາມ, ກາງຮ່າລະເບີດ ແລະ ສຽງປືນອີກ 30 ປີ.

ແຕ່ພວກເຮົາກໍຍັງຕ້ອງ ຖອດ ແລະ ສືບຕໍ່ຖອດເພາະ ຍາມໃດກໍຍັງ “ອ່ອນນ້ອຍ”. ຈານແຫຍ່ ເອງກໍເລີຍເກີດມີ ຄວາມສົງໄສຢູ່ວ່າມັນ “ອ່ອນ ນ້ອຍແທ້ບໍ?” ຫລື “ ອ່ອນແອ” ຍ້ອນບໍ່ກ້າແກ້ບັນຫາທີ່ເຫັນ ເຕັມຕາ, ບັນຫາທີ່ເປັນໂສ້ຈ່ອງ ດຶງວຽກສື່ຂອງພວກເຮົາບໍ່ໃຫ້ ກ້າວໄກວ່ອງໄວສົມກັບຍຸກ ແລະ ກໍແມ່ນ ແທ້ບໍ່ທີ່ວ່າ ພວກ ເຮົາຍັງບໍ່ທັນມີບົດຮຽນ ຫລື ເປັນຍ້ອນພວກເຮົາຮູ້ແຕ່ “ຖອດ” ແລ້ວກໍຖິ້ມ? ເອີ້ນ ວ່າ “ຖອດຖິ້ມ”.

ຈານແຫຍ່ ຂໍຍົກແຕ່ບັນ ຫາ ດຽວຄືໃຜໆ ກໍຮູ້ວ່າໜ້າໜັງ ສືພິມລາຍວັນຂອງພວກເຮົາ (ບໍ່ນັບສື່ ເອເລັກໂຕຼນິກ) ນັ້ນ, ມັນຮົກເຮື້ອໄປດ້ວຍຮູບພາບ ຊ້ຳຊາກ, ຮູບທີ່ເບິ່ງແລ້ວກໍ ຮູ້ໂລດວ່າ ເນື້ອຂ່າວຈະເວົ້າ ເລື່ອງຫຍັງ, ເວົ້າເຖິງໃຜ, ເບິ່ງແລ້ວກໍຮູ້ກັບບາດວ່າ ຮູບ ພາບຕໍ່ໄປຈະເປັນຮູບໃຜ, ຮູບຫຍັງ? ຄັ້ງໜຶ່ງ ໃນກອງ ປະຊຸມແລກປ່ຽນບົດຮຽນ ກ່ຽວກັບການສະເໜີຂ່າວຄຸນ ນະພາບໃຫ້ຄົນຕິດໃຈອ່ານ, ບັນ ດານັກສຳມະນາກອນ ຕ່າງໆ ກໍເຫັນເປັນລວງດຽວກັນວ່າ, ຮູບພາບ, ບົດໃນໜ້າໜັງສືພິມ- ໃນໜ້າຈໍ ແລະ ໃນຄື້ນສຽງ ລະບົບສື່ຂອງພວກເຮົານັ້ນ ຍັງເຕັມອະຍະໄປດ້ວຍພະຍາດ ພິທີການເຊັ່ນ: ຮູບບຸກຄົນ ສຳ ຄັນ, ຂ່າວການເຄື່ອນໄຫວ ຂອງເພິ່ນນັ້ນຕ້ອງເອົາຂຶ້ນໜ້າ, ສ່ວນຂ່າວກໍຕ້ອງເປັນຂ່າວ ໃຫຍ່ທັງໆ ທີ່ວຽກທີ່ບຸກຄົນ ສຳຄັນ ເຫລົ່ານັ້ນເຮັດກໍເປັນ ວຽກ ປົກກະຕິ, ເປັນວຽກຕໍ່ເນື່ອງ ຂອງເພິ່ນ, ຈາກນັ້ນຮູບພາບ ແລະ ບົດກ່ຽວກັບບຸກຄົນສຳ ຄັນຖັດມາກໍຕໍ່ແຖວກັນລົງຕາມ ລະດັບຂະໜາດວ່າ ຫລັບຕາກໍ ຍັງສາມາດແນມເຫັນ.

ຫລາຍຄົນເປັນເອກະພາບກັນວ່າພຽງແຕ່ຫລຸດຜ່ອນພະ ຍາດພິທີລາຍການໃນການສະ ເໜີຂ່າວ-ບົດລົງເທົ່ານັ້ນ, ໜ້າ ໜັງສືພິມ-ໜ້າຈໍສື່ກໍຈະມີສະເໜ່ ຂຶ້ນທັນຕາເຫັນໂລດ.

ຈານແຫຍ່ຈຳໄດ້ວ່າ ໃນ ກອງປະຊຸມແລກປ່ຽນບົດຮຽນວັນນັ້ນໃຜໆ ກໍຍ້ອງຍໍໜັງສືພິມ ວຽງຈັນທາມ (Vientiane Times) ວ່າ ເປັນຕົວແບບ ທີ່ດີ, ຖືກຕ້ອງກັບຫລັກການ ໜັງສືພິມ, ຮູ້ຄັດຈ້ອນຮູບປະກອບ ທີ່ເໝາະສົມກັບຂ່າວໃຫຍ່ຂ່າວ ເດັ່ນປະຈຳວັນ.
ແຕ່ກໍມີຄຳເຫັນສີຂັດໆ ຈາກບ່າວນັກສື່ທ່ານໜຶ່ງທີ່ ບອກວ່າ ເລື່ອງຫລັກການໜັງ ສືພິມ ຫັ້ນໃຜໆ ກໍພໍຮູ້ ຢູ່ດອກ, ແຕ່ຈະໃຫ້ເຮັດຄືວຽງຈັນທາມ ນັ້ນຄົງເປັນໄປບໍ່ໄດ້.

ໜັງສືພິມວຽງຈັນທາມ ເນັ້ນນັກອ່ານຊາວຕ່າງປະເທດ, ສ່ວນຄົນລາວເຮົາມີຈັກຄົນ ແດ່ທີ່ອ່ານພາສາອັງກິດເປັນ? ຖ້າໜັງສືພິມອື່ນທີ່ເປັນພາ ສາລາວ, ເຮັດແບບວຽງຈັນ ທາມ ແນ່ນອນຕ້ອງຖືກ “ຕອນ” “ກອງບັນນາທິການກໍຈະເມື່ອຍຮັບສາຍທີ່ມີສຽງແຄ້ນໆ ໄຕ່ ມາຖາມວ່າ: ຮູບຂ້ອຍເດຂ່າວ ຂ້ອຍເດຄືບໍ່ເຫັນອອກ?”
ເລື່ອງກໍເລີຍຈາວກັນສ່ຳ ນີ້ແລ!

- 6663 - ສື່ລາວຈະກ້າວໄກ ຖ້າຫລຸດດ້ານພິທີການລົງໄດ້
(ພາບປະກອບ)
error: Content is protected !!