ຊາຍຮົງກົງຕິດເຊື້ອຕັບອັກເສບ ທີ່ພົບໃນໜູເປັນຄົນທຳອິດຂອງໂລກ

- 1538109861800 960x0 - ຊາຍຮົງກົງຕິດເຊື້ອຕັບອັກເສບ ທີ່ພົບໃນໜູເປັນຄົນທຳອິດຂອງໂລກ
- Untitled design - ຊາຍຮົງກົງຕິດເຊື້ອຕັບອັກເສບ ທີ່ພົບໃນໜູເປັນຄົນທຳອິດຂອງໂລກ

ມະຫາວິທະຍາ​ໄລ​ຮົງ​ກົງ ​ເປີດ​ເຜີຍ​ວ່າ: ຊາຍ​ຊາວ​ຮົງ​ກົງ​ຄົນ​ໜຶ່ງ​ຕິດ​ເຊື້ອ​ໄວຣັດຕັບ​ອັບ​ເສບ​ອີ​ທີ່​ພົບ​ໃນ​ໜູ ຖື​ເປັນ​ຜູ້​ປ່ວຍ​ຄົນ​ທຳ​ອິດ​ຂອງ​ໂລກ ​ແລະ ​ເປັນ​ເລື່ອງ​ໃຫຍ່​ດ້ານ​ສາທາລະນະ​ສຸກ.

ໜັງສືພິມ​ເຊົາ​ໄຊ​ນາ​ມໍ​ນິງ​ໂພດ ລາຍ​ງານ​ການຄົ້ນພົບ​ຂອງ​ມະຫາວິທະຍາ​ໄລ​ຮົງ​ກົງ​ວ່າ: ຖື​ເປັນ​ເທື່ອ​ທຳ​ອິດ​ຂອງ​ໂລກ​ທີ່​ສາມາດ​ພິສູດ​ໄດ້​ວ່າ ​ເຊື້ອ​ໄວຣັດຕັບ​ອັກ​ເສບ​ອີທີ່​ພົບ​ໃນ​ໜູ​ສາມາດ​ຕິດ​ຕໍ່​ສູ່​ຄົນ ​ແລະ ​ເຮັດ​ໃຫ້​ບໍ່​ສະບາຍ​ໄດ້. ​ເຊື້ອນີ້​ເກືອບ​ບໍ່​ມີ​ຄວາມ​ກ່ຽວຂ້ອງ​ກັບ​ໄວຣັດຕັບ​ອັກ​ເສບ​ອີ​ທີ່​ພົບ​ໃນ​ຄົນ, ຜູ້​ຕິດ​ເຊື້ອ​ເປັນ​ຊາຍ​ອາຍຸ 56 ປີ ຜົນ​ກວດກາ​ນ​ເຮັດ​ວຽກ​ຂອງ​ຕັບ​ຜິດ​ປົກກະຕິ​ຢ່າງ​ຕໍ່​ເນື່ອງ​ນັບ​ແຕ່​ຮັບ​ການ​ປູກ​ຖ່າຍ​ຕັບ. ນັກວິ​ໄຈ​ສັນນິຖານ​ວ່າ: ລາວ​ອາດ​ຕິດ​ເຊື້ອຈາກ​ອາຫານ​ປົນ​ເປື້ອນຂີ້ໜູ​ທີ່​ຕິດ​ເຊື້ອ ​ເພາະ​ອາ​ໄສ​ຢູ່​ໃນ​ອາຄານ​ທີ່​ມີ​ໜູ​ເປັນ​ຈຳນວນ​ຫລາຍ, ປັດຈຸບັນ​ເຊົາ​ແລ້ວ ພາຍຫລັງ​ໄດ້​ຮັບ​ການ​ປິ່ນປົວ.

ສ່ວນ​ເຊື້ອ​ໄວຣັສຕັບ​ອັກ​ເສບ​ອີ​ທີ່​ພົບ​ໃນ​ຄົນ ຂໍ້​ມູນ​ຂອງ​ອົງການ​ອະນາ​ໄມ​​ໂລກ ລະບຸ​ວ່າ: ທົ່ວ​ໂລກ​ມີ​ຜູ້​ຕິດ​ເຊື້ອປີ​ລະ 20 ລ້ານ​ຄົນ ມັກ​ຕິດ​ຕໍ່​ຈາກ​ການ​ດື່ມນ້ຳປົນ​ເປື້ອນ​ເຊື້ອ, ຜູ້​ຕິດ​ເຊື້ອຈະ​ເປັນ​ໄຂ້, ປວດຮາກ ​ແລະ ອາດ​ເກີດ​ອາການ​ຕັບ​ວາຍ​ໃນ​ບາງ​ຄົນ.

- Wave100S AD to Website 2020 0 - ຊາຍຮົງກົງຕິດເຊື້ອຕັບອັກເສບ ທີ່ພົບໃນໜູເປັນຄົນທຳອິດຂອງໂລກ
- WhatsApp Image 2020 05 27 at 5 - ຊາຍຮົງກົງຕິດເຊື້ອຕັບອັກເສບ ທີ່ພົບໃນໜູເປັນຄົນທຳອິດຂອງໂລກ
- WhatsApp Image 2020 05 27 at 5 - ຊາຍຮົງກົງຕິດເຊື້ອຕັບອັກເສບ ທີ່ພົບໃນໜູເປັນຄົນທຳອິດຂອງໂລກ
error: Alert: ເນື້ອຫາຂ່າວມີລິຂະສິດ !!