ບາງຄຳເວົ້າທີ່ຄວນລະວັງ ແລະ ບໍ່ຄວນເວົ້າໃນສະໜາມບິນ

- 052809 2018 - ບາງຄຳເວົ້າທີ່ຄວນລະວັງ ແລະ ບໍ່ຄວນເວົ້າໃນສະໜາມບິນ
- Untitled design - ບາງຄຳເວົ້າທີ່ຄວນລະວັງ ແລະ ບໍ່ຄວນເວົ້າໃນສະໜາມບິນ

ເຮືອບິນຖືວ່າເປັນການຄົມມະນາຄົມອີກໜຶ່ງຊະນິດທີ່ຜູ້ຄົນນິຍົມເລືອກໃຊ້ກັນ ເຊິ່ງແນ່ນອນວ່າກົດລະບຽບ ແລະ ມາລະຍາດຕ່າງໆຂອງການເດີນທາງແຕ່ລະຊະນິດກໍມີຄວາມແຕກຕ່າງກັນໄປ, ແຕ່ສຳລັບເຮືອບິນນັ້ນຈະມີຄວາມເຂັ້ມງວດຫລາຍກ່ວາການເດີນທາງໃນວິທີອື່ນໆ ເຊິ່ງນີ້ກໍໍແມ່ນຄຳຕ້ອງຫ້າມ ຫລື ຄຳເວົ້າທີ່ບໍ່ຄວນເວົ້າໃນສະໜາມບິນທີ່ທ່ານບໍ່ຄວນເວົ້າເດັດຂາດ ຖ້າບໍ່ຢາກມີບັນຫາຕາມມາໃນພາຍຫລັງ.

     – ລະເບີດ : ຄຳນີ້ຖືວ່າເປັນຄຳຕ້ອງຫ້າມ ແລະ ບໍ່ສົມຄວນເວົ້າເປັນຢ່າງຍິ່ງ ເຊິ່ງຂໍ້ນີ້ຖືວ່າເປັນກົດລະບຽບທີ່ປະຕິບັດກັນທົ່ວໂລກ ເພາະຖ້າຫາກທ່ານເວົ້າຄຳນີ້ອອກມານັ້ນຈະກາຍເປັນສະຖານະການສຸກເສີນໃນທັນທີ ເຊິ່ງນັ້ນໝາຍຄວາມວ່າເຈົ້າໜ້າທີ່ສາມາດດຳເນີນມາດຕະການຂັ້ນສູງສຸດກັກໂຕຜູ້ໂດຍສານທີ່ເວົ້າເພື່ອໄປດຳເນີນການສືບສວນ ຫລື ນັກບິນຈະສາມາດມີອຳນາດສູງສຸດໃນການຕັດສິນໃຈພາຜູ້ໂດຍສານທັງໝົດບິນລົງໄປຍັງສະໜາມບິນທີ່ໃກ້ທີ່ສຸດໄດ້ນັ້ນເອງ, ແຕ່ຖ້າຢູ່ໃນໄລຍະ BroadingTime ຫລື ໄລຍະທີ່ຜູ້ໂດຍສານກຳລັງຈະຂຶ້ນເຮືອບິນ ກໍໍອາດຈະເກີດບັນຫາຖືກກັກໂຕບໍ່ໃຫ້ຂຶ້ນເຮືອບິນ ແລະ ຖືກກວດສອບສຳພາລະ, ກວດສອບເທິງເຮືອບິນໝົດລຳ ຈົນເຮັດໃຫ້ເວລາບິນ Delay ຫລື ລ່າຊ້າໄດ້.

ອັນນີ້ແຖມ ສຳລັບຄົນລາວທີ່ນິຍົມໃສ່ຊື່ ບອມເພື່ອຄວາມສະດວກ ແລະ ປອດໄພ ຂໍແນະນຳໃຫ້ ໃຊ້ຊື່ແທ້ ຫລື ນາມສະກຸນໃນການເອີ້ນຊື່ກັນໃນສະໜາມບິນຈະດີກ່ວາ ເພື່ອປ້ອງກັນການເຂົ້າໃຈຜິດ (ບອມ = Bomb).

     – ອາວຸດ ແລະ ວັດຖຸອັນຕະລາຍ ເຊັ່ນ : ປືນ ຫລື ສານອັນຕະລາຍຕ່າງໆ : ເຖິງວ່າລະເບີດຈະເປັນສິ່ງທີ່ຕ້ອງຫ້າມອັນດັບໜຶ່ງ, ແຕ່ຄຳເວົ້າອື່ນໆ ເຊັ່ນ : ປືນ ຫລື ມີດກໍອັນຕະລາຍບໍ່ແຕກຕ່າງຈາກລະເບີດ ເພາະຄວາມປອດໄພຂອງການບິນນັ້ນຖືວ່າເປັນສິ່ງທີ່ເຂັ້ມງວດຫລາຍ ຖ້າທ່ານເຜີເວົ້າອອກໄປ ບໍ່ວ່າຈະເວົ້າຫລິ້ນໆ ຫລື ບໍ່ໄດ້ຕັ້ງໃຈ ເຈົ້າໜ້າທີ່ອາດຈະດຳເນີນການໃນຖານະບຸກຄົນຕ້ອງສົງໄສໄດ້ທັນທີ.

- Wave100S AD to Website 2020 0 - ບາງຄຳເວົ້າທີ່ຄວນລະວັງ ແລະ ບໍ່ຄວນເວົ້າໃນສະໜາມບິນ

     – ການກໍ່ການຮ້າຍ : ຍ້ອນວ່າເລື່ອງການກໍ່ການຮ້າຍບໍ່ແມ່ນເລື່ອງທີ່ຈະເອົາມາເວົ້າຫລິ້ນໆກັນ ໂດຍສະເພາະກັບໃນສະໜາມບິນ ເພາະວ່າຫລັງເກີດເຫດການ 911 (ເຫດການກໍ່ການຮ້າຍເຮືອບິນຖືກຈີ້ຕຳໃສ່ຕຶກເວີເທຣດເຊັນເຕີໃນສະຫະລັດອາເມລິກາ ວັນທີ 11 ກັນຍາ ປີ 2001) ເຊິ່ງຖືເປັນເຫດການກໍ່ການຮ້າຍທີ່ຮຸນແຮງທີ່ສຸດໃນປະຫວັດສາດນັ້ນ ໂລກຂອງການບິນກໍປ່ຽນໄປທຸກດ້ານ ເພາະຜູ້ຄົນອ່ອນໄຫວຕໍ່ເລື່ອງນີ້ຫລາຍ ອາດຍ້ອນຍັງມີຄວາມຝັງໃຈ ແລະຮູ້ສຶກຢ້ານກັບເຫດການໃນຄັ້ງນັ້ນຢູ່ ຖ້າເຜີເວົ້າອອກໄປ  ທ່ານອາດຈະຖືກກັກໂຕກາງສະໜາມບິນ.

     – ພະຍາດລະບາດຮ້າຍແຮງ : ດັ່ງທີ່ເຮົາໄດ້ກ່າວໄປແລ້ວນັ້ນ ວ່າຄວາມປອດໄພຂອງການບິນນັ້ນຖືວ່າເປັນສິ່ງທີ່ເຂັ້ມງວດຫລາຍທີ່ສຸດ ການທີ່ທ່ານຈະມາເວົ້າຫລິ້ນກ່ຽວກັບພະຍາດລະບາດກໍບໍ່ແມ່ນເລື່ອງທີ່ທາງເຈົ້າໜ້າທີ່ຈະປ່ອຍໄປງ່າຍໆຄືກັນ ໂດຍສະເພາະພະຍາດທີ່ສາມາດຕິດຕໍ່ໄດ້ທາງອາກາດ ເພາະນອກຈາກຈະສ້າງຄວາມແຕກຕື່ນໃຫ້ກັບຜູ້ໂດຍສານຜູ້ອື່ນແລ້ວ ທ່ານອາດຈະພົບວ່າສະຖານທີ່ທີ່ທ່ານຈະໄດ້ໄປນັ້ນອາດຈະບໍ່ແມ່ນປາຍທາງທີ່ທ່ານຢາກບິນໄປ, ແຕ່ອາດຈະກາຍເປັນໂຮງໝໍກໍເປັນໄດ້.

     – ຄຳເວົ້າຫຍາບຄາຍ : ຢ່າລືມວ່າ ພາສາບອກຊາດ ມາລະຍາດບອກຕະກຸນ ຄຳທີ່ເຮົາໃຊ້ມັນສະແດງເຖິງໂຕຕົນຂອງເຮົາໄດ້ ດັ່ງນັ້ນເຮົາຄວນເກັບຄຳເວົ້າຫຍາບຄາຍເອົາໄວ້ໃຊ້ໃນກຸ່ມໝູ່ມ່ວນໆຈະດີກ່ວາ ໂດຍຄຳເວົ້າຫຍາບຄາຍທີ່ສະແດງຄວາມໂຫດຮ້າຍ, ໂມໂຫໂທສະ ລວມເຖິງຄຳຢອກລໍ້ ໃນທາງອະນາຈານນັ້ນສາມາດກໍ່ຄວາມລຳຄານ ຫລື ອາດເປັນໄພໄດ້ ລວມທັງອາດເຮັດໃຫ້ຜູ້ໂດຍສານທ່ານອື່ນຮູ້ສຶກບໍ່ສະບາຍໃຈໄດ້ ໂດຍສະເພາະກັບການເວົ້າດ້ວຍນຳ້ສຽງ ຫລື ອາລົມທີ່ຮຸນແຮງ ທ່ານອາດຈະຖືກກັກໂຕໃຫ້ໄປສະຫງົບສະຕິອາລົມໄດ້.

- WhatsApp Image 2020 05 27 at 5 - ບາງຄຳເວົ້າທີ່ຄວນລະວັງ ແລະ ບໍ່ຄວນເວົ້າໃນສະໜາມບິນ
- WhatsApp Image 2020 05 27 at 5 - ບາງຄຳເວົ້າທີ່ຄວນລະວັງ ແລະ ບໍ່ຄວນເວົ້າໃນສະໜາມບິນ
error: Alert: ເນື້ອຫາຂ່າວມີລິຂະສິດ !!