ແລກປ່ຽນຄຳເຫັນກ່ຽວກັບໂຄງການໄຟຟ້າພະລັງງານນໍ້າປາກລາຍເພື່ອສ້າງຄວາມເຂັ້ມແຂງການວາງແຜນອ່າງໃນແມ່ນໍ້າຂອງ

- Untitled design - ແລກປ່ຽນຄຳເຫັນກ່ຽວກັບໂຄງການໄຟຟ້າພະລັງງານນໍ້າປາກລາຍເພື່ອສ້າງຄວາມເຂັ້ມແຂງການວາງແຜນອ່າງໃນແມ່ນໍ້າຂອງ

ກອງປະຊຸມລະດັບພາກພື້ນກ່ຽວກັບໂຄງການໄຟຟ້າພະລັງງານນໍ້າປາກລາຍ ແລະ ບັນດາຂໍ້ລິເລີ່ມອື່ນໆ ທີ່ດຳເນີນມາເປັນເວລາສອງວັນ ໄດ້ສໍາເລັດລົງໃນວັນທີ 21 ກັນຍານີ້ທີ່ນະຄອນຫລວງວຽງຈັນ, ໂດຍມີພາກສວນທີ່ກ່ຽວຂ້ອງຈາກອົງການຈັດຕັ້ງທາງສັງຄົມ, ລັດຖະບານ ແລະ ອົງການຈັດຕັ້ງ ທີ່ບໍ່ສັງກັດລັດຖະບານ, ນັກວິຊາການ, ພາກເອກະຊົນ ແລະ ຄູ່ຮ່ວມພັດທະນາເຂົ້າຮ່ວມນໍາດ້ວຍ ແລະ ຕ່າງຝ່າຍໄດ້ສະແດງຄວາມກັງວົນ ແລະ ສະເໜີຄຳເຫັນຮ່ວມກັນ ເພື່ອສ້າງຄວາມເຂັ້ມແຂງໃນການວາງແຜນອ່າງ ແລະ ການຄຸ້ມຄອງສິ່ງແວດລ້ອມໃນແມ່ນໍ້າຂອງ.

ທ່ານ ອານປິກ ຫັດດາ ຜູ້ຮັກສາການ ແລະ ຫົວໜ້າພະແນກແຜນການ ປະຈຳກອງເລຂາ ຄະນະກຳມາທິການແມ່ນໍ້າຂອງສາກົນ (ຄມສ) ກ່າວວ່າ: ຄມສ ເຊື່ອໝັ້ນວ່າ ການມີສ່ວນຮ່ວມ ແລະ ການຮັບຟັງທັດສະນະ ແລະ ຄວາມຕ້ອງການ ທີ່ແຕກຕ່າງກັນ ຈະສ້າງຄວາມເຂັ້ມແຂງໃນການຮ່ວມມື ດ້ານການຄຸ້ມຄອງນໍ້າໃນອ່າງ ແລະ ເປັນໝາກຫົວໃຈໃນການບັນລຸວິໄສທັດ ຂອງພວກເຮົາ. ຜູ້ເຂົ້າຮ່ວມກອງປະຊຸມ ໄດ້ທົບທວນ ແລະ ປຶກສາຫາລື ບັນຫາກ່ຽວກັບອຸທົກວິທະຍາ, ອຸທົກກະສາດ, ການຕົກຕະກອນ, ຄວາມປອດໄພຂອງເຂື່ອນ, ການເດີນເຮືອ, ຄຸນນະພາບນໍ້າ, ການປະມົງ ແລະ ເສດຖະກິດສັງຄົມຂອງໂຄງການປາກລາຍທີ່ມີກຳລັງການຜະລິດສູງ.

- Wave100S AD to Website 2020 0 - ແລກປ່ຽນຄຳເຫັນກ່ຽວກັບໂຄງການໄຟຟ້າພະລັງງານນໍ້າປາກລາຍເພື່ອສ້າງຄວາມເຂັ້ມແຂງການວາງແຜນອ່າງໃນແມ່ນໍ້າຂອງ

ນອກນີ້, ຜູ້ເຂົ້າຮ່ວມ ຍັງໄດ້ຮັບຟັງຄວາມຄືບໜ້າ ກ່ຽວກັບບັນດາໜ້າວຽກ ຂອງ ຄມສ ເປັນຕົ້ນຄວາມຄືບໜ້າ ແລະ ຜົນການປືກສາຫາລືກ່ຽວກັບແຜນດຳເນີນງານຮ່ວມກັນຂອງໂຄງການປາກແບ່ງ, ການປະເມີນການປັບປຸງການອອກແບບໂຄງການໄຊຍະບູລີ ແລະ ບົດແນະນຳ ການອອກແບບເບື້ອງຕົ້ນເຂື່ອນໃນລຳນໍ້າຂອງໃນອ່າງແມ່ນໍ້າຂອງຕອນລຸ່ມ.

- WhatsApp Image 2020 05 27 at 5 - ແລກປ່ຽນຄຳເຫັນກ່ຽວກັບໂຄງການໄຟຟ້າພະລັງງານນໍ້າປາກລາຍເພື່ອສ້າງຄວາມເຂັ້ມແຂງການວາງແຜນອ່າງໃນແມ່ນໍ້າຂອງ
- WhatsApp Image 2020 05 27 at 5 - ແລກປ່ຽນຄຳເຫັນກ່ຽວກັບໂຄງການໄຟຟ້າພະລັງງານນໍ້າປາກລາຍເພື່ອສ້າງຄວາມເຂັ້ມແຂງການວາງແຜນອ່າງໃນແມ່ນໍ້າຂອງ
error: Alert: ເນື້ອຫາຂ່າວມີລິຂະສິດ !!