ລາວຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018

- Dog day - ລາວຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018
- Untitled design - ລາວຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018

ໃນວັນທີ 28 ກັນຍານີ້, ກົມລ້ຽງສັດ ແລະ ການປະມົງ ກະຊວງກະສິກໍາ ແລະ ປ່າໄມ້ ຮ່ວມກັບ ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018 ( 28/9/2007-28/9/2018) ຂຶ້ນທີ່ສວນເຈົ້າຟ້າງຸ່ມ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ສົມຈັນ ຈັນເພັງໄຊ ຫົວໜ້າກົມລ້ຽງສັດ ແລະ ການປະມົງ ກະຊວງກະສິກໍາ ແລະ ປ່າໄມ້, ທ່ານຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ມີທ່ານຜູ້ຕາງໜ້າອົງການອະນາໄມໂລກ ປະຈໍາລາວ, ຜູ້ຕາງໜ້າອົງການອາຫານ ແລະ ການກເສດ ປະຈໍາລາວ ເຂົ້າຮ່ວມນໍາດ້ວຍ.

ການຈັດງານດັ່ງກ່າວ ກໍເພື່ອພ້ອມກັນສະແດງພະລັງ ພ້ອມກັນຄວບຄຸມ ແລະ ຕ້ານພະຍາດວໍ້ ໂດຍເນັ້ນໃສ່ເປົ້າໝາຍໂຄສະນາເຜີຍແຜ່ຂໍ້ມູນຂ່າວສານ ເພື່ອປູກຈິດສໍານຶກໃຫ້ຄວາມຮູ້ຄວາມເຂົ້າໃຈ ກ່ຽວກັບຜົນກະທົບ, ຄວາມຮ້າຍແຮງຂອງພະຍາດວໍ້ ແລະ ການຮ່ວມມືຂອງປະຊາຊົນໃຫ້ຫຼາຍຂຶ້ນ ໂດຍສະເພາະ ແມ່ນຄວາມຮັບຜິດຊອບໃນການລ້ຽງໝາ, ແມວຂອງຕົນ ໃຫ້ມີການຄຸ້ມຄອງ, ລ້ຽງເກືອ ເອົາໃຈໃສ່ຮັກສາສຸຂະພາບ ໂດຍນໍາເອົາສັດລ້ຽງຂອງຕົນໄປສັກວັກຊິນວໍ້ເປັນປົກກະຕິ ໃຫ້ຖືກຕາມກໍານົດເວລາ ແລະ ຕໍ່ເນື່ອງ, ຖ້າພົບໝາ, ແມວ ມີອາການຜິດປົກກະຕິ ຫຼືສົງໄສເປັນພະຍາດວໍ້ ກໍໃຫ້ຢູ່ຫ່າງໆ ມີຄວາມລະມັດລະວັງບໍ່ໃຫ້ຖືກຂູດ ຫຼືກັດ ຊຶ່ງອາດຈະຕິດເຊື້ອວໍ້ໄດ້.

ວໍ້ ແມ່ນພະຍາດຕິດຕໍ່ຮ້າຍແຮງ ໄດ້ເກີດຂຶ້ນ ແລະ ຍັງຄົງຢູ່ໃນໂລກມາດົນກວ່າ 4 ພັນປີ, ເປັນພະຍາດຕິດຕໍ່ຈາກສັດສູ່ສັດ ແລະ ຈາກສັດສູ່ຄົນ ໂດຍສະເພາະເກີດຂຶ້ນກັບສັດລ້ຽງລູກດ້ວຍນໍ້ານົມທຸກຊະນິດ ດ້ວຍເສັ້ນທາງການຕິດຕໍ່ໂດຍກົງຈາກການກັດຂອງໝາ, ແມວ ທີ່ມີເຊື້ອວໍ້ຢູ່ນໍານໍ້າລາຍເຂົ້າສູ່ຮ່າງກາຍຂອງຄົນທາງບາດແຜ, ໝາແມ່ນໂຕຮັກສາເຊື້ອວໍ້ທີ່ສໍາຄັນສໍາລັບການແຜ່ກະຈາຍເຊື້ອວໍ້.  ບໍ່ວ່າຄົນ ຫຼືສັດທີ່ໄດ້ຮັບເຊື້ອວໍ້ ຖ້າມີອາການສະແດງອອກາໃຫ້ເຫັນໄດ້ງ່າຍ ແລະ ພະຍາດນີ້ບໍ່ສາມາດປິ່ນປົວໃຫ້ຫາຍດີໄດ້ ອັດຕາການຕາຍແມ່ນສູງເຖິງ 99%. ປັດຈຸບັນຢູ່ໃນໂລກ ມີຄົນຖືກໝາກັດ ແລະ ເປັນວໍ້ເສຍຊີວິດ ສະເລ່ຍປະມານ 55.000 ຄົນຕໍ່ປີ, ໂດຍສະເພາະຢູ່ເຂດອາຟຣິກກາ ແລະ ອາຊີ, ໂດຍສະເລ່ຍມີຄົນເປັນວໍ້ຕາຍທຸກໆ 15 ນາທີ, ສ່ວນໃຫຍ່ແມ່ນເດັກນ້ອຍອາຍຸຕໍ່າກວ່າ15 ປີ. ປັດຈຸບັນມີຫຼາຍໆປະເທດສາມາດກໍາຈັດ ແລະ ປະກາດລົບລ້າງວໍ້ໃຫ້ໝົດໄປຈາປະເທດຂອງຕົນຢ່າງຊິ້ນເຊີງ ເປັນຕົ້ນແມ່ນ: ສປ ຈີນ, ເກົາຫຼີ, ຍີ່ປຸ່ນ, ອົດສະຕາລີ, ນິວຊີແລນ ແລະ ຫຼາຍປະເທດໃນເຂດເອີຣົບ ແລະ ອາເມລິກາ.

- Wave100S AD to Website 2020 0 - ລາວຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018

ລາວເຮົາກໍແມ່ນໜຶ່ງໃນປະເທດທີ່ໄດ້ຮັບຜົນກະທົບຈາກພະຍາດວໍ້ຕະຫຼອດມາ ສາເຫດຕົ້ນຕໍແມ່ນຖືກໝາ ຫຼືແມວກັດ ຫຼືຂູດ ປະມານ 30-40% ຂອງຕົວຢ່າງທີ່ສົ່ງໄປກວດຢູ່ສູນວິໄຈພະຍາດສັດ ຂອງກົມລ້ຽງສັດ ແລະ ການປະມົງ ພົບເຊື້ອວໍ້ ເປັນສາເຫດເຮັດໃຫ້ມີຫຼາຍຄົນເສຍຊີວິດຢ່າງໜ້ອຍ 3-5 ຄົນຕໍ່ປີ. ຈາກຜົນກະທົບທີ່ກ່າວມາຂ້າງເທີງ ໄດ້ຮຽກຮ້ອງໃຫ້ໂລກກໍຄືອົງການຈັດຕັ້ງສາກົນ ແລະ ປະເທດຕ່າງໆໃຫ້ຫັນມາເອົາໃຈໃສ່ປ້ອງກັນ ແລະ ຄວາມຄຸມພະຍາດວໍ້ຢ່າງເອົາຈິງເອົາຈັງ ແລະ ໃນທີ່ສຸດອົງການສະຫະປະຊາຊາດ ໂດຍໄດ້ປະສານສົມທົບກັບຄູ່ຮ່ວມງານ 4 ອົງການຈັດຕັ້ງຄື, ອົງການອະນາໄມໂລກ, ອົງການອາຫານ ແລະ ການກະເສດ, ອົງການສຸຂະພາບສັດສາກົນ ແລະ ອົງການພັນທະມິດຕ້ານວໍ້ໂລກ,  ໄດ້ກໍານົດເອົາວັນທີ 28 ກັນຍາ ຂອງທຸກໆປີເປັນວັນວໍ້ໂລກ ພ້ອມທັງວາງແຜນຍຸດທະສາດຕ້ານວໍ້ໂລກ ໂດຍມີເປົ້າໝາຍຮອດປີ 2030 ບໍ່ໃຫ້ມີຄົນຕາຍຍ້ອນພະຍາດວໍ້ ໂດຍຖືກສັດລ້ຽງກັດຢ່າງເດັດຂາດ.

- WhatsApp Image 2020 05 27 at 5 - ລາວຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018
- WhatsApp Image 2020 05 27 at 5 - ລາວຈັດງານໂຮມຊຸມນຸມ ວັນວໍ້ໂລກ ປະຈໍາປີ 2018
error: Alert: ເນື້ອຫາຂ່າວມີລິຂະສິດ !!