ນອນຫລາຍກໍສ່ຽງອັນຕະລາຍ

- 010110 2018 - ນອນຫລາຍກໍສ່ຽງອັນຕະລາຍ
- Untitled design - ນອນຫລາຍກໍສ່ຽງອັນຕະລາຍ

ການນອນກ່ຽວຂ້ອງກັບອາການຊຶມເສົ້າແນວໃດ ?

ບັນຫາກ່ຽວກັບການນອນເປັນສິ່ງທີ່ບົ່ງບອກອາການຊຶມເສົ້າໄດ້ ທ່ານອາດນອນຫລາຍເກີນໄປ ຫລື ນອນບໍ່ພໍເມື່ອມີອາການຊຶມເສົ້າ. ສຳລັບຜູ້ທີ່ທໍລະມານຈາກການນອນຫລາຍເກີນໄປ (hyper somnia) ເປັນຄວາມຜິດປົກກະຕິທາງສຸຂະພາບຢ່າງແທ້ຈິງ ໃນຄົນປ່ວຍອາການຊຶມເສົ້າສ່ວນຫລາຍແລ້ວ ອາການນອນບໍ່ຫລັບມັກພົບໄດ້ທົ່ວໄປ ໂດຍສະລັບກັນແລ້ວ ຜູ້ທີ່ມີອາການນອນບໍ່ຫລັບມີຄວາມສ່ຽງໃນການເປັນອາການຊຶມເສົ້າໄດ້ຫລາຍກ່ວາຜູ້ທີ່ນອນຫລັບປົກກະຕິໄດ້ເຖິງ 10 ເທົ່າ.

ຜົນກະທົບຂອງອາການຊຶມເສົ້າແມ່ນເຮັດໃຫ້ທ່ານຮູ້ສຶກໂສກເສົ້າ, ຫງ່ວມເຫງົາ, ໝົດຫວັງ, ໄຮ້ຄ່າ ແລະ ໄຮ້ປະໂຫຍດ ແນ່ນອນວ່າເຮົາທັງໝົດສາມາດຮູ້ສຶກເສົ້າ ຫລື ຫົດຫູ່ໄດ້ໃນໄລຍະເວລາໃດໜຶ່ງ, ແຕ່ເມື່ອທ່ານຮູ້ສຶກເສົ້າເປັນເວລາດົນ ແລະ ຄວາມຮູ້ສຶກດັ່ງກ່າວຮຸນແຮງຂຶ້ນ ອາລົມຊຶມເສົ້າ ແລະ ອາການທາງຮ່າງກາຍທີ່ສຳພັນກັນ ຈະເຮັດໃຫ້ທ່ານບໍ່ສາມາດໃຊ້ຊີວິດໄດ້ຕາມປົກກະຕິ. ສ່ວນອາການຊຶມເສົ້າອື່ນໆໄດ້ແກ່ :

– ຮູ້ສຶກເສົ້າ ຫລື ວ່າງເປົ່າ.

– ຮູ້ສຶກໝົດຫວັງ, ໄຮ້ຄ່າ ຫລື ຮູ້ສຶກຜິດ.

– ຮູ້ສຶກອ່ອນເພຍ ແລະ ເຊື່ອງຊ້າຫລາຍ ຫລື ວິຕົກກັງວົນ ແລະ ກະວົນກະວາຍ.

– ຂາດຄວາມສົນໃຈໃນສິ່ງຕ່າງໆທີ່ເຄີຍສົນໃຈມາກ່ອນ.

– ໝົດແຮງ.

– ມີບັນຫາກ່ຽວກັບເຮັດສະມາທິ, ການຄິດ ຫລື ການຕັດສິນໃຈ.

– ຄວາມຢາກອາຫານປ່ຽນແປງໄປ ເຊິ່ງເຮັດໃຫ້ນຳ້ໜັກຮ່າງກາຍປ່ຽນແປງ.

- Wave100S AD to Website 2020 0 - ນອນຫລາຍກໍສ່ຽງອັນຕະລາຍ

– ຄວາມຢາກນອນເພີ່ມຂຶ້ນ ຫລື ຫລຸດລົງ.

ຫາກມີອາການເຫລົ່ານີ້ຢ່າງໜ້ອຍ 5 ອາການ ເປັນເວລາດົນກ່ວາ 2 ອາທິດ ທ່ານຄວນໄປພົບແພດ.

ອາການ ຫລື ພະຍາດຕໍ່ໄປນີ້ແມ່ນສິ່ງທີ່ກ່ຽວຂ້ອງກັບການນອນ ຫລື ອາດເຮັດໃຫ້ເກີດບັນຫາການນອນໄດ້ :

– ເບົາຫວານ : ຜູ້ທີ່ນອນຫລາຍເກີນໄປ ຫລື ນອນໜ້ອຍເກີນໄປ ມີຄວາມສ່ຽງຕໍ່ການເປັນພະຍາດເບົາຫວານໄດ້ຫລາຍກ່ວາ.

– ຕຸ້ຍ : ນຳ້ໜັກທີ່ເພີ່ມຂຶ້ນອາດຈະເກີດໄດ້ຈາກການນອນຫລາຍເກີນໄປ ການສຶກສາໜຶ່ງກ່ຽວກັບຄວາມສຳພັນລະຫ່ວາງການນອນ ແລະ ຄວາມຕຸ້ຍ ເຜີຍວ່າ : ຜູ້ທີ່ນອນເປັນເວລາ 9 – 10 ຊົ່ວໂມງຕໍ່ມື້ທຸກຄືນ ມີໂອກາດ 21% ທີ່ຈະເປັນຄົນຕຸ້ຍເປັນເວລາ 6 ປີ ຫລາຍກ່ວາຄົນທີ່ໄດ້ນອນເປັນເວລາລະຫວ່າງ 7 – 8 ຊົ່ວໂມງຕໍ່ຄືນ.

– ເຈັບຫົວ : ທ່ານອາດຄິດວ່າການນອນຫລັບແຈບສາມາດປິ່ນປົວອາການເຈັບຫົວໄດ້ ຄວາມຈິງແລ້ວການນອນຫລາຍຂຶ້ນໃນທ້າຍອາທິດ ຫລື ໃນມື້ພັກຜ່ອນ ອາດກໍ່ໃຫ້ເກີດອາການເຈັບຫົວໄດ້ໃນບາງຄົນ ການນອນຫລາຍເກີນໄປອາດສົ່ງຜົນຕໍ່ສານສື່ປະສາດໃນສະໝອງທີ່ເຮັດໃຫ້ເກີດອາການເຈັບຫົວໄດ້ໃນຕອນເຊົ້າ.

– ເຈັບຫລັງ : ໃນເມື່ອກ່ອນຜູ້ທີ່ມີອາການເຈັບຫລັງມັກໄດ້ຮັບຄຳແນະນຳໃຫ້ພັກຜ່ອນຫລາຍຂຶ້ນ ແນວໃດກໍຕາມ ວິທະຍາສາດສະໄໝໃໝ່ພິສູດວ່າ ວິທີການປິ່ນປົວແບບດັ້ງເດີມນັ້ນເປັນສິ່ງທີ່ບໍ່ຖືກຕ້ອງ ແລະ ເຮັດໃຫ້ອາການຮຸນແຮງຂຶ້ນ. ການອອກກຳລັງກາຍຢ່າງສະໝໍ່າສະເໝີມີຄວາມຈຳເປັນຕໍ່ການຄົງໄວ້ເຊິ່ງຄວາມຫົດຢືດຂອງຮ່າງກາຍ ຫາກທ່ານມີອາການເຈັບຫລັງໃຫ້ໄປພົບແພດ ເຊິ່ງແພດອາດແນະນຳບໍ່ໃຫ້ນອນຫລາຍເກີນໄປ.

– ອາການຊຶມເສົ້າ : ຄົນປ່ວຍອາການຊຶມເສົ້າປະມານ 15% ທີ່ມີອາການນອນຫລາຍເກີນໄປຈະເພີ່ມຄວາມສ່ຽງໃຫ້ອາການຊຶມເສົ້າຮຸນແຮງຂຶ້ນກ່ວາເກົ່າ ເນື່ອງຈາກນິໄສການນອນຕາມປົກກະຕິເປັນສິ່ງສຳຄັນຕໍ່ຂະບວນການຟື້ນຟູຂອງຮ່າງກາຍ.

– ການເສຍຊີວິດ : ການສຶກສາຈຳນວນຫລາຍພົບວ່າຜູ້ທີ່ນອນເປັນເວລາ 8 – 9 ຊົ່ວໂມງຕໍ່ຄືນ ມີອັດຕາການເສຍຊີວິດທີ່ສູງກ່ວາຜູ້ທີ່ນອນ 7 – 8 ຊົ່ວໂມງຕໍ່ຄືນ. ບໍ່ມີການລະບຸເຫດຜົນສຳລັບຄວາມສຳພັນດັ່ງກ່າວ, ແຕ່ນັກວິໄຈພົບວ່າ ອາການຊຶມເສົ້າ ແລະ ສະຖານະພາບທາງເສດຖະກິດ ແລະ ສັງຄົມທີ່ຕໍ່າ ມີຄວາມສຳພັນກັບການນອນເປັນເວລາດົນຂຶ້ນ. ນັກວິໄຈຄາດວ່າ ປັດໄຈເຫລົ່ານີ້ອາດສຳພັນກັບການເສຍຊີວິດທີ່ເພີ່ມຂຶ້ນທີ່ພົບໃນການສຶກສາຜູ້ປ່ວຍທີ່ນອນຫລາຍເກີນໄປ.

- WhatsApp Image 2020 05 27 at 5 - ນອນຫລາຍກໍສ່ຽງອັນຕະລາຍ
- WhatsApp Image 2020 05 27 at 5 - ນອນຫລາຍກໍສ່ຽງອັນຕະລາຍ
error: Alert: ເນື້ອຫາຂ່າວມີລິຂະສິດ !!