ແມ່ພະຍາດໃນໝູເປັນອັນຕະລາຍຕໍ່ຮ່າງກາຍຫລືບໍ່ ?

- 030110 2018 - ແມ່ພະຍາດໃນໝູເປັນອັນຕະລາຍຕໍ່ຮ່າງກາຍຫລືບໍ່ ?
- Untitled design - ແມ່ພະຍາດໃນໝູເປັນອັນຕະລາຍຕໍ່ຮ່າງກາຍຫລືບໍ່ ?

ຂຶ້ນຊື່ວ່າເປັນແມ່ພະຍາດ ຫລື ແມ່ທ້ອງ ບໍ່ວ່າແນວໃດກໍຄົງບໍ່ມີໃຜຢາກໃຫ້ມັນມາຢູ່ໃນຮ່າງກາຍຂອງເຮົາແນ່ນອນ ແຕ່ຫາກເຮົາບັງເອີນພົບເຫັນແມ່ພະຍາດໂຕຍາວໆອ່ອນໆໃນຊີ້ນໝູ ຫລື ເຄື່ອງໃນໝູໃນຂະນະທີ່ກຳລັງປຸງແຕ່ງອາຫານ ຫລື ຮ້າຍແຮງໄປກ່ວານັ້ນແມ່ນກັດເຂົ້າປາກຫຍຳ້ ແລະ ກືນລົງທ້ອງໄປແລ້ວຄຳໜຶ່ງ ມັນຈະເປັນອັນຕະລາຍຕໍ່ຮ່າງກາຍຂອງເຮົາຫລືບໍ່ ?

ແມ່ພະຍາດໃນໝູດິບທີ່ເຮົາເຫັນກັນຈະເປັນພະຍາດໄສ້ເດືອນ ທີ່ມີລັກສະນະເປັນເສັ້ນຍາວໆ, ອ່ອນໆສີແດງ ເຊິ່ງຈະເຂົ້າສູ່ຮ່າງ ກາຍຂອງໝູຜ່ານການກິນ ໂດຍໝູອາດຈະກິນອາຫານທີ່ປົນເປື້ອນອາຈົມທີ່ມີໄຂ່ຂອງແມ່ພະຍາດຢູ່ໄຂ່ພະຍາດຈຶ່ງເຂົ້າໄປຈະເລີນເຕີບໃຫຍ່ຕາມລຳໄສ້, ປອດ ແລະ ອະໄວຍະວະພາຍໃນອື່ນໆຂອງໝູ ຫາກໝູບໍ່ໄດ້ຮັບການລ້ຽງດູຢ່າງສະອາດ, ຖືກສຸຂະອະນາໄມ ແລະ ບໍ່ໄດ້ຮັບການຖ່າຍພະຍາດຕາມທີ່ກຳໜົດ ກໍອາດພົບແມ່ພະຍາດ ຫລື ແມ່ທ້ອງໃນໝູໄດ້ ຫາກແມ່ຄົວເຮັດຄວາມສະອາດເຄື່ອງໃນຂອງໝູບໍ່ດີ ແມ່ພະຍາດກໍອາດຕິດມາກັບອາຫານຂອງເຮົາໄດ້ຄືກັນ.

ກິນແມ່ພະຍາດເຂົ້າໄປໃນຮ່າງກາຍຈະເປັນອັນຕະລາຍຫລືບໍ່ ?

ຂ່າວດີແມ່ນຫາກແມ່ພະຍາດນັ້ນຖືກປຸງແຕ່ງສຸກດີແລ້ວ ກິນໄດ້ບໍ່ເປັນອັນຕະລາຍຕໍ່ຮ່າງກາຍ, ແຕ່ຫາກບໍລິໂພກໝູດິບທີ່ມີໂຕພະຍາດ ຫລື ໄຂ່ພະຍາດເຂົ້າໄປ ພະຍາດກໍອາດເຂົ້າໄປຈະເລີນເຕີບໃຫຍ່ໃນຮ່າງກາຍໄດ້ ຫາກກາຍເປັນພະຍາດໄສ້ເດືອນ ອາດເກີດອາການແໜ້ນໜ້າເອິກ, ເມື່ອຍຫອບງ່າຍ, ມີໄຂ້ ແລະ ຫາກແມ່ພະຍາດຝັງໂຕຢູ່ໃນລຳໄສ້ອ່ອນ ຈະມີອາການທ້ອງໃຫຍ່ຂຶ້ນ, ປຸ້ນທ້ອງປວດຮາກ ແລະ ຫາກມີຈຳນວນແມ່ພະຍາດຫລາຍ ອາດຈະໂຮມໂຕກັນເປັນກ້ອນ ຈົນເຮັດໃຫ້ລຳໄສ້ອັດ ຕັນໄດ້.

- Wave100S AD to Website 2020 0 - ແມ່ພະຍາດໃນໝູເປັນອັນຕະລາຍຕໍ່ຮ່າງກາຍຫລືບໍ່ ?

– ວິທີປ້ອງກັນຈາກພະຍາດໄສ້ເດືອນ :

  1. ບໍລິໂພກຊີ້ນສັດທີ່ປຸງແຕ່ງສຸກດີແລ້ວ 100% ເທົ່ານັ້ນ.
  2. ເລືອກບໍລິໂພກຊີ້ນສັດຈາກແຫລ່ງຜະລິດທີ່ໄດ້ມາດຕະຖານ.
  3. ຫາກປຸງແຕ່ງອາຫານກິນເອງ ຄວນລ້າງເຮັດຄວາມສະອາດຊີ້ນສັດ ແລະ ເຄື່ອງໃນສັດໃຫ້ສະອາດດີແທ້ໆ.
  4. ຫາກກິນອາຫານສຸກໆດິບໆ ແລ້ວພົບວ່າມີອາການຜິດປົກກະຕິກັບຮ່າງກາຍຄືດັ່ງທີ່ກ່າວມາຂ້າງເທິງນັ້ນ ຄວນຮີບຟ້າວໄປໂຮງໝໍເພື່ອຮັບການກວດ ແລະ ບົ່ງມະຕິພະຍາດຢ່າງຖືກຕ້ອງ ແລະ ຮັບການປິ່ນປົວຕໍ່ໄປ.

ພຽງເທົ່ານີ້ທ່ານກໍບໍ່ຕ້ອງກັງວົນໃຈຈົນເກີນໄປ ຈົນເຮັດໃຫ້ບໍ່ຢາກກິນອາຫານປະເພດຊີ້ນສັດຍ້ອນຢ້ານວ່າຈະມີແມ່ພະຍາດ.

- WhatsApp Image 2020 05 27 at 5 - ແມ່ພະຍາດໃນໝູເປັນອັນຕະລາຍຕໍ່ຮ່າງກາຍຫລືບໍ່ ?
- WhatsApp Image 2020 05 27 at 5 - ແມ່ພະຍາດໃນໝູເປັນອັນຕະລາຍຕໍ່ຮ່າງກາຍຫລືບໍ່ ?
error: Alert: ເນື້ອຫາຂ່າວມີລິຂະສິດ !!