4 ເຄັດລັບຊ່ວຍໃຫ້ທ່ານຮັບມືກັບບັນຫາຢ່າງມີສະຕິ

- 020110 2018 - 4 ເຄັດລັບຊ່ວຍໃຫ້ທ່ານຮັບມືກັບບັນຫາຢ່າງມີສະຕິ
- Untitled design - 4 ເຄັດລັບຊ່ວຍໃຫ້ທ່ານຮັບມືກັບບັນຫາຢ່າງມີສະຕິ

ວິທີການຮັບມືກັບບັນຫາຂອງທ່ານຖືເປັນສິ່ງທີ່ສຳຄັນຢ່າງຍິ່ງ ໂດຍສະເພາະເມື່ອມີບັນຫາທີ່ບໍ່ໄດ້ຄາດຄິດເກີດຂຶ້ນ ໂດຍມື້ນີ້ພວກເຮົາມີ 4 ເຄັດລັບທີ່ຈະປ່ຽນທັດສະນະຄະຕິຂອງທ່ານໃຫ້ພ້ອມຮັບກັບທຸກສະຖານະການມາແນະນຳ.

  1. ເນັ້ນໄປໃສ່ອະນາຄົດ : ບໍ່ວ່າທ່ານຈະພົບກັບບັນຫາຫຍັງກໍຕາມ ສິ່ງທີ່ທ່ານຄວນເຮັດກໍແມ່ນເນັ້ນໄປໃສ່ອະນາຄົດ ແທນການມາກັງວົນກັບເລື່ອງບໍ່ດີໃນອະດີດວ່າມັນເປັນຄວາມຜິດຂອງໃຜ ? ທ່ານຄວນເນັ້ນໃສ່ກ່ຽວກັບເລື່ອງລາວໃນອະນາຄົດ ບໍ່ວ່າຈະແມ່ນບ່ອນທີ່ທ່ານຢາກຈະຢູ່ ຫລື ສິ່ງທີ່ທ່ານຢາກຈະເຮັດ ລອງວາດພາບອະນາຄົດທີ່ສຳເລັດຂອງທ່ານຂຶ້ນມາໃນຫົວ ແລະ ເຮັດສິ່ງທີ່ຈະນຳພາທ່ານໄປສູ່ຄວາມສຳເລັດ ໃຫ້ທັງຈິດໃຈ, ຄວາມຄິດ ແລະ ທັດສະນະຄະຕິຂອງທ່ານເນັ້ນໄປຍັງອະນາຄົດທີ່ຕັ້ງໃຈ.

ການເວລາ ແລະ ສະພາບການຕ່າງໆປ່ຽນແປງໄປຢ່າງໄວວາ ເຮົາຈຶ່ງຄວນຕັ້ງເປົ້າໝາຍໄປໃສ່ອະນາຄົດ – (Walt Disney).

- Wave100S AD to Website 2020 0 - 4 ເຄັດລັບຊ່ວຍໃຫ້ທ່ານຮັບມືກັບບັນຫາຢ່າງມີສະຕິ
  1. ພິຈາລະນາກ່ຽວກັບວິທີແກ້ໄຂບັນຫາ : ເມື່ອໃດທີ່ທ່ານພະເຊີນກັບຄວາມຍາກລຳບາກ ໃຫ້ທ່ານເນັ້ນໄປໃສ່ວິທີການແກ້ໄຂ ຫລາຍກ່ວາເນັ້ນໄປໃສ່ບັນຫາທີ່ເກີດຂຶ້ນແລ້ວ, ລອງພິຈາລະນາ ແລະ ປຶກສາຫາລືກັນກ່ຽວກັບວິທີການແກ້ໄຂບັນຫາສຳລັບອຸປະສັກ ແລະ ຄວາມລົ້ມເຫລວທີ່ເກີດຂຶ້ນ ແທນການຈະມາເສຍເວລາໄປກັບການທົບທວນບັນຫາຊຳ້ໄປຊຳ້ມາ ເພາະບັນຫາຍ່ອມເປັນພະລັງງານລົບໃນໂຕຂອງມັນເອງ ໃນຂະນະທີ່ການຄິດຫາວິທີແກ້ໄຂນັ້ນແມ່ນພະລັງງານດ້ານບວກ. ລອງໃຊ້ເວລາຈັກໜ້ອຍຂຽນກ່ຽວກັບລາຍລະອຽດຂອງບັນຫາ ແລະ ໃຊ້ວິທີທີ່ສົມເຫດສົມຜົນທີ່ສຸດໃນການແກ້ໄຂບັນຫາເຫລົ່ານັ້ນ.
  2. ແນມຫາຂໍ້ດີຂອງມັນ : ບອກກັບໂຕເອງວ່າທ່ານຈະພົບສິ່ງທີ່ດີເຊື່ອງຢູ່ໃນຄວາມຍາກລຳບາກ ແລະ ຄວາມທ້າທາຍສະເໝີ ໂດຍ ທ່ານ ນໍແມນ ວິນເຊນ ພີລ (Norman Vincent Peale) ຜູ້ສະໜັບສະໜູນແນວຄິດຄວາມຄິດບວກ ໄດ້ກ່າວວ່າ : “ເມື່ອພະເຈົ້າຢາກຈະໃຫ້ຂອງຂັວນແກ່ເຮົາ ເພິ່ນຈະເຊື່ອງມັນມາໃນບັນຫາ, ຍິ່ງບັນຫາໃຫຍ່ເທົ່າໃດ ຂອງຂັວນກໍຈະຍິ່ງອັນໃຫຍ່ຂຶ້ນເທົ່ານັ້ນ, ແຕ່ສິ່ງທີ່ມະຫັດສະຈັນກໍຄື ເມື່ອທ່ານແນມຫາຂອງຂັວນ ທ່ານກໍຈະພົບມັນ”.
  3. ຮຽນຮູ້ຢູ່ສະເໝີ : ເຖິງວ່າສະຖານະການທີ່ທ່ານຈະຕ້ອງພະເຊີນນັ້ນ ມັນຈະນຳພາທ່ານໄປສູ່ຄວາມສຳເລັດໃນທ້າຍທີ່ສຸດ ມັນຖືກສົ່ງມາເພື່ອໃຫ້ທ່ານຮຽນຮູ້, ພັດທະນາ ແລະ ເຕີບໃຫຍ່. ສະນັ້ນ ຈົ່ງຄົ້ນຫາຄຸນຄ່າບົດຮຽນທີ່ທ່ານໄດ້ຮັບ, ຂຽນບັນທຶກໄອເດຍ ແລະ ຄວາມຮູ້ໃໝ່ໆທີ່ທ່ານໄດ້ຮັບຈາກຄວາມລົ້ມເຫລວ ແລະ ຄວາມຍາກລຳບາກ.

ທັດສະນະຄະຕິດ້ານບວກຈຳເປັນຢ່າງຍິ່ງຕໍ່ຄວາມສຳເລັດ ຈົ່ງຄິດເຖິງອະນາຄົດ ແລະ ດ້ານດີຂອງສິ່ງຕ່າງໆ, ຖືເອົາຄົນທີ່ປະ ສົບຄວາມສຳເລັດເປັນໂຕຢ່າງຕົ້ນແບບ ແລະ ໃຊ້ຄວາມຄິດໃນການແກ້ບັນຫາ ແລ້ວທ່ານຈະກາຍເປັນຄົນເບິ່ງໂລກໃນແງ່ດີ, ລ່າເລີງສົດໃສ ແລະ ແນ່ນອນ ລວມເຖິງການເກັບກ່ຽວຜົນປະໂຫຍດທີ່ເກີດຂຶ້ນຈາກຄວາມສຳເລັດນຳ.

- WhatsApp Image 2020 05 27 at 5 - 4 ເຄັດລັບຊ່ວຍໃຫ້ທ່ານຮັບມືກັບບັນຫາຢ່າງມີສະຕິ
- WhatsApp Image 2020 05 27 at 5 - 4 ເຄັດລັບຊ່ວຍໃຫ້ທ່ານຮັບມືກັບບັນຫາຢ່າງມີສະຕິ
error: Alert: ເນື້ອຫາຂ່າວມີລິຂະສິດ !!