ສອງເກົາຫລີຮ່ວມກັນ ເກັບກູ້ລະເບີດຕາມຊາຍແດນ

- advert banner 728 90 728x90 - ສອງເກົາຫລີຮ່ວມກັນ ເກັບກູ້ລະເບີດຕາມຊາຍແດນ

ສປປ ​ເກົາຫລີ ​ແລະ ສ.​ເກົາຫລີ ​ເລີ່​ມຂະ​ບວນການ​ເກັບ​ກູ້​ລະ​ເບີດ​ຕາມ​​ເຂດ​ປອດ​ທະຫານ ຕາມ​ຂໍ້​ຕົກລົງ​ສ້າງ​ສັນຕິພາບ​ຮ່ວມ​ກັນ.

- lattana 1 - ສອງເກົາຫລີຮ່ວມກັນ ເກັບກູ້ລະເບີດຕາມຊາຍແດນ
- 1 1 - ສອງເກົາຫລີຮ່ວມກັນ ເກັບກູ້ລະເບີດຕາມຊາຍແດນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ປ້ອງ​ກັນ​ປະ​ເທດ​ຂອງ ສ.​ເກົາ​ຫລີ ອອກ​ຖະ​ແຫລ​ງການ​ໃນ​ວັນ​ທີ 1 ຕຸລາ​ວ່າ: ​ເຈົ້າໜ້າ​ທີ່​ຂອງ​ກອງທັບ ສ.​ເກົາຫລີ ​ແລະ ກອງທັບ​ປະຊາຊົນ​ເກົາຫລີ (KPA) ​ເລີ່​ມດຳ​ເນີນ​ການ​ເກັບ​ກູ້​ລະ​ເບີດ​ຕາມ​ເຂດ​ປອດ​ທະຫານ ພາຍ​ໃນ​ພື້ນທີ່​ຄວາມ​ໝັ້ນຄົງ​ຮ່ວມ (JSA) ​ເຊິ່ງມີ​ໄລຍະ​ທາງ​ຍາວ​ພຽງ 250 ກິ​ໂລ​ແມັດ ​ໃນ​ເຂດ​ປານ​ມູນ​ຈອມ​ທີ່​ຕັ້ງຢູ່​ເຄິ່ງກາງ​ເຂດ​ປອດ​ທະຫານ ​ໂດຍ​ເບື້ອງຕົ້ນຄາດ​ວ່າ​ຂະ​ບວນການ​ດັ່ງກ່າວ​ຈະ​ໃຊ້​ເວລາ​ປະມານ 20 ວັນ ​ແລະ ຂັ້ນຕອນນີ້​ຖື​ເປັນ​ການ​ກຽມພື້ນທີ່​ໃຫ້​ປອດ​ໄພ​ສຳລັບ​ພາລະກິດ​ຄົ້ນຫາ​ອັດຖິ​ຂອງ​ທະຫານ​ທີ່​ເສຍ​ຊີວິດ​ໃນສົງຄາມ​ເກົາຫລີ ທີ່​ທັງ​ສອງ​ປະ​ເທດ​ຕັ້ງໜ່ວຍ​ງານ​ຮ່ວມ​ກັນ ​ແລະ ຈະ​ເລີ່​ມພາລະກິດ​ໃນ​ປີໜ້າ.

ການ​ເຄື່ອນ​ໄຫວ​ດັ່ງກ່າວ​ເປັນ​ໜຶ່ງ​ໃນ​ການ​ຮ່ວມ​ມື​ລະດັບ​ທະວີ​ພາຄີ​ຕາມ​ຂໍ້​ຕົກລົງ​ສະບັບ​ຫລ້າ​ສຸດ ​ເຊິ່ງລົງ​ນາມ​ໃນ​ໄລຍະ​ທີ່​ປະທານາທິບໍດີ ມຸນ​ແຈ​ອິນ ຜູ້ນຳ ສ.​ເກົາຫລີ ຢ້ຽມຢາມ ສປປ ​ເກົາຫລີ ​ໃນ​ກາງ​ເດືອນ​ກັນຍາ​ຜ່ານ​ມາ ​ເພື່ອ​ພົບ​ກັບ​ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຂອງ ສປປ ​ເກົາຫລີ ​ແລະ ຫາລື​ຕໍ່​ຍອດ​ຈາກ​ປະລິນຍາ​ປານ​ມຸນ​ຈອມ ​ເຊິ່ງຜູ້ນຳ​ທັງ​ສອງ​ປະ​ເທດ​ລົງ​ນາມ​ກັນ​ໃນ​ທ້າຍ​ເດືອນ​ເມສາ​ຜ່ານ​ມາ ​ໂດຍ​ໜຶ່ງ​ໃນ​ບັນຫາ​ສຳຄັນ​ຂອງ​ປະລິນຍາ​ປານ​ມຸນ​ຈອມ ຄື​ການ​ປ່ຽນ​ແປງ​ເຂດ​ປອດ​ທະຫານ​ໃຫ້​ເປັນ “​ເຂດ​ສັນຕິພາບ” ​ເຊິ່ງຫລັງ​ຈາກ​ນັ້ນທັງ​ສອງ​ປະ​ເທດ​ພ້ອມ​ໃຈ​ກັນ​ຮື້ຖອນ​ລຳ​ໂພງ​ກະຈາຍສຽງ​ໂຄສະນາ​ຊວນ​ເຊື່ອ ​ແລະ ປິດ​ປ້ອມ​ສັງ​ເກດ​ການ​ບາງ​ແຫ່ງ​ຕາມ​ຊາຍ​ແດນ.

error: Content is protected !!