ກະຕໍ້ທີມຊາດລາວ ຍາດໄດ້ອັນດັບທີ 3 ຊີງແຊ້ມໂລກຄັ້ງທີ 33

- 42849300 294601464698131 9169051210345349120 n - ກະຕໍ້ທີມຊາດລາວ ຍາດໄດ້ອັນດັບທີ 3 ຊີງແຊ້ມໂລກຄັ້ງທີ 33
- Untitled design - ກະຕໍ້ທີມຊາດລາວ ຍາດໄດ້ອັນດັບທີ 3 ຊີງແຊ້ມໂລກຄັ້ງທີ 33

​      ໃນ​ວັນ​ທີ 1 ຕຸລາ​ຜ່ານ​ມາ​ນີ້ ທີ່​ຂົວ​ມິດຕະພາບ​ລາວ-​ໄທ ນັກ​ກິລາ​ກະຕໍ້​ທີ​ມຊາດ​ລາວ ​ໄດ້​ເດີນທາງ​ກັບ​ມາລາວ ນໍາ​ໂດຍທ່ານ ຈັນ​ໄດ ​ເພຍ​​ເທບ ຫົວໜ້າ​ຄູ​ຝຶກ​ກະຕໍ້​ທີ​ມຊາດ​ລາວ ພາຍຫລັງ​ຍາດ​ໄດ້​ອັນ​ດັບ​ທີ 3 ຂອງ​ການ​ແຂ່ງຂັນ​ກະຕໍ້​ຊີງ​ແຊ້ມ​ໂລກ​ຄັ້ງ​ທີ 33 ທີ່​ປະ​ເທດ​ໄທ ຈັດ​ຂຶ້ນ​ລະຫວ່າງ​ວັນ​ທີ 23-30 ກັນຍາ​ຜ່ານ​ມາ.

ທ່ານ ຈັນ​ໄດ ​ເພຍ​ເທບ ​ໃຫ້​ສໍາພາດ​ວ່າ: ການແຂ່ງຂັນຊີງແຊ້ມໂລກຄັ້ງ​ນີ້​ ທາງ​ຄະນະ​ສະຫະພັນ​ກະ​ຕໍ້​​ແຫ່ງ​ຊາດ​ລາວ ​ໄດ້​ກໍານົດ​ໃຫ້​ເຂົ້າ​ຮ່ວມ​ຊາຍ 5 ລາຍການ​, ຍິງ 5 ລາຍການຄື: ກະຕໍ້ລອດຮວງ, ທີມ 4 ຄົນ, ທີມດ່ຽວ 3 ຄົນ ທີມຄູ່ ​ແລະ ທີມຊຸດ ​ເຊິ່ງ​ໃນ​ເບື້ອງ​ຕົ້ນ​ແມ່ນ​ຈະ​ສົ່ງ​ພຽງ​ແຕ່ຊາຍ 4 ລາຍການ, ຍິງ​ 4 ລາຍການ​ເທົ່າ​ນັ້ນ. ຜ່ານ​ການ​ແຂ່ງຂັນ ນັກ​ກິລາ​ຂອງ​ພວກ​ເຮົາ​ສາມາດ​ຍາດ​ໄດ້​ອັນ​ດັບ​ທີ 3 ຂອງ​ການ​ແຂ່ງຂັນ​ກະຕໍ້​ຊີງ​ແຊ້ມ​ໂລກ​ຄັ້ງ​ທີ 33 ​ໂດຍ​ການ​ຍາດ​ໄດ້ 2 ຫລຽນ​ຄໍາ​ຈາກ​ລາຍການ​ທີ​ມຄູ່​ຊາຍ ​ແລະ ທີ​ມຄູ່​ຍິງ, ສ່ວນ 1 ຫລຽນ​ເງິນ​ໄດ້​ຈາກລາຍການ​ທີ​ມ 4 ຄົນ​ຍິງ ​ແລະ 1 ຫລຽນ​ທອງ​ໄດ້​ຈາກ​ທີ​ມດຽວ​ຍິງ. ຂະນະ​ທີ່ ອັນ​ດັບ​ທີ 1 ຕົກ​ເປັນ​ຂອງ​ທີ​ມຊາດ​ໄທ​ໄດ້ 6 ຫລຽນ​ຄໍາ, ອັນ​ດັບ​ທີ 2 ​ເກົາຫລີ ຍາດ​ໄດ້ 2 ຫລຽນ​ຄໍາ, 2 ຫລຽນ​ເງິນ.

ທ່ານ ຈັນ​ໄດ ​ເພຍ​​ເທບ ​ໄດ້​ເວົ້າ​ອີກ​ວ່າ: ພາຍຫລັງ​ສໍາ​ເລັດ​ລາຍການ​ດັ່ງກ່າວ​ນີ້​ແລ້ວ ​ພວກ​ເຮົາ​ຈະ​ສືບ​ຕໍ່​ຝຶກ​ຊ້ອມ​ນັກ​ກິລາ​ເພື່ອ​ເຂົ້າ​ຮ່ວມ​ການ​ແຂ່ງຂັນ​ມະຫາ​ໄລ​ອາ​ຊຽນທີ່​ປະ​ເທດ​ມຽນມາ​ເປັນ​ເຈົ້າພາບ ​ແລ​ະ ກຽມ​ເຂົ້າ​ຮ່ວມ​ການ​ແຂ່ງຂັນ​ລາຍການ​ຕ່າງ​ໆ​ໃນ​ພາກ​ພື້ນ ​ແລະ ສາກົນ.

- Wave100S AD to Website 2020 0 - ກະຕໍ້ທີມຊາດລາວ ຍາດໄດ້ອັນດັບທີ 3 ຊີງແຊ້ມໂລກຄັ້ງທີ 33
- WhatsApp Image 2020 05 27 at 5 - ກະຕໍ້ທີມຊາດລາວ ຍາດໄດ້ອັນດັບທີ 3 ຊີງແຊ້ມໂລກຄັ້ງທີ 33
- WhatsApp Image 2020 05 27 at 5 - ກະຕໍ້ທີມຊາດລາວ ຍາດໄດ້ອັນດັບທີ 3 ຊີງແຊ້ມໂລກຄັ້ງທີ 33
error: Alert: ເນື້ອຫາຂ່າວມີລິຂະສິດ !!