ການແຂ່ງຂັນກິລາຂໍ່ານັບຮັບຕອ້ນວັນສ້າງຕັ້ງ ທຫລ ຄົບຮອບ50 ປີ ປິດສາກລົງດ້ວຍຜົນສຳເລັດຈົບງາມ

- advert banner 728 90 728x90 - ການແຂ່ງຂັນກິລາຂໍ່ານັບຮັບຕອ້ນວັນສ້າງຕັ້ງ ທຫລ ຄົບຮອບ50 ປີ ປິດສາກລົງດ້ວຍຜົນສຳເລັດຈົບງາມ

ການແຂ່ງຂັນກິລາຂໍ່ານັບຊົມເຊີຍວັນສ້າງຕັ້ງທະນາຄານແຫ່ງ ສປປ ລາວ ຄົບຮອບ 50 ປີ (7 ຕຸລາ 1968 – 7 ຕຸລາ 2018) ທີ່ໄດ້ດໍາເນີນໄປບົນຈິດໃຈປະຢັດ ແລະ ເນັ້ນຄວາມສາມັກຄີ ໄດ້ປິດສາກລົງດ້ວຍຜົນສໍາເລັດຈົບງາມ ​ໃນ​ວັນ​ທີ 29 ກັນຍາ​ຜ່ານ​ມາ​ນີ້ ໂດຍການ​ເຂົ້າຮ່ວມຂອງທ່ານ ສອນໄຊ ສິດພະໄຊ ຮັກສາການຜູ້ວ່າການ ທຫລ, ມີທະນາຄານລັດ-ທະນາຄານທຸລະກິດ (ທລກ), ນັກກິລາ, ຜູ້ຊົມເຂົ້າຮ່ວມ​ເປັນ​ຈຳນວນ​ຫລາຍ.

ຜົນການແຂ່ງຂັນກິລາບານເຕະ ຊະນະເລີດໄດ້ແກ່ທະນາຄານນະໂຍບາຍ (ທນບ), ຮອງຊະນະເລີດໄດ້ແກ່ ທຫລ; ກິລາດຶງເຊືອກ ຊະນະເລີດໄດ້ແກ່ທະນາຄານການຄ້າຕ່າງປະເທດລາວ ມະຫາຊົນ (ທຄຕລ), ຮອງຊະນະເລີດໄດ້ແກ່ ທນບ; ກິລາແລ່ນໄຖ່ຊາຍ ຊະນະເລີດໄດ້ແກ່ ທຄຕລ; ຮອງຊະນະເລີດໄດ້ແກ່ ທນບ; ກິລາແລ່ນໄຖ່ຍິງ ຊະນະເລີດໄດ້ແກ່ທະນາຄານຮ່ວມທຸລະກິດ ລາວ-ຫວຽດ (ທລວ), ຮອງຊະນະເລີດໄດ້ແກ່ ທຫລ; ກິລາແລ່ນມັດຂາຊາຍ ຊະນະເລີດໄດ້ແກ່ທະນາຄານພັດທະນາລາວ (ທພລ), ຮອງຊະນະເລີດໄດ້ແກ່ທະນາຄານຮ່ວມພັດທະນາ; ແລ່ນມັດຂາທີມຍິງ ຊະນະເລີດໄດ້ແກ່ທະນາຄານສົ່ງເສີມກະສິກຳ (ທສກ), ຮອງຊະນະເລີດໄດ້ແກ່ທະນາຄານອຸດສາຫະກຳ ແລະ ການຄ້າຈີນ ຈຳກັດ ສາຂານະຄອນຫຼວງວຽງຈັນ.

ສໍາລັບການແຂ່ງຂັນກິລາໄດ້ດໍາເນີນມາແຕ່ເດືອນສິງຫາເປັນຕົ້ນມາ ເຊິ່ງກິລາປະເພດດອກປີກໄກ່ ທີມຄູ່ຍິງຊະນະເລີດໄດ້ແກ່ ທຄຕລ, ຮອງຊະນະເລີດໄດ້ແກ່ທະນາຄານ ຊາຄອມແບັງ; ປະເພດທີມຄູ່ຊາຍຊະນະເລີດໄດ້ແກ່ ທຫລ, ຮອງຊະນະເລີດໄດ້ແກ່ ທຄຕລ ແລະ ທີມຄູ່ປະສົມຍິງ-ຊາຍ ຊະນະເລີດໄດ້ແກ່ ທຄຕລ, ຮອງຊະນະເລີດໄດ້ແກ່ ທຫລ; ສໍາລັບການແຂ່ງຂັນກິລາປິງປ່ອງ ທີມຄູ່ຍິງຊະນະເລີດໄດ້ແກ່ ທຄຕລ, ຮອງຊະນະເລີດໄດ້ແກ່ທະນາຄານອຸດສາຫະກໍາການຄ້າຈີນ; ທີມຄູ່ຊາຍ ຊະນະເລີດໄດ້ແກ່ທະນາຄານອຸດສາຫະກໍາການຄ້າຈີນ, ຮອງຊະນະເລີດໄດ້ແກ່ ທຄຕລ ແລະ ທີມຄູ່ປະສົມຍິງ-ຊາຍ ຊະນະເລີດໄດ້ແກ່ ທຄຕລ, ຮອງຊະນະເລີດໄດ້ແກ່ ທນບ.

ການແຂ່ງຂັນກິລາເປຕັງ ຊະນະເລີດ ລຸ້ນ 45 ປີຂຶ້ນໄປ ທີມຊຸດຍິງ ໄດ້ແກ່ ທຫລ, ລຸ້ນ 45 ປີຂຶ້ນໄປ ທີມຊຸດຊາຍ ໄດ້ແກ່ ທຄຕລ, ລຸ້ນ 44 ປີ ລົງມາທີມຊຸດຍິງ ໄດ້ແກ່ ທຫລ ແລະ ລຸ້ນ 44 ປີລົງມາ ທີມຊຸດຊາຍ ໄດ້ແກ່ ທນບ; ສໍາລັບຜົນການແຂ່ງຂັນກິລາເປຕັງ ຮອງຊະນະເລີດ ລຸ້ນ 45 ປີຂຶ້ນໄປ ທີມຊຸດຍິງ ໄດ້ແກ່ ທພລ, ລຸ້ນ 45 ປີຂຶ້ນໄປ ທີມຊຸດຊາຍ ໄດ້ແກ່ ທພລ, ລຸ້ນ 44 ປີລົງມາ ທີມຊຸດຍິງ ໄດ້ແກ່ ທນບ ແລະ ລຸ້ນ 44 ປີລົງມາ ທີມຊຸດຊາຍ ໄດ້ແກ່ທະນາຄານ RHB. ນອກນີ້ ຍັງມີການແຂ່ງຂັນກິລາອື່ນໆອີກຈໍານວນໜຶ່ງ.

- 1 1 - ການແຂ່ງຂັນກິລາຂໍ່ານັບຮັບຕອ້ນວັນສ້າງຕັ້ງ ທຫລ ຄົບຮອບ50 ປີ ປິດສາກລົງດ້ວຍຜົນສຳເລັດຈົບງາມ
- Tiger Head 728x90 - ການແຂ່ງຂັນກິລາຂໍ່ານັບຮັບຕອ້ນວັນສ້າງຕັ້ງ ທຫລ ຄົບຮອບ50 ປີ ປິດສາກລົງດ້ວຍຜົນສຳເລັດຈົບງາມ

ການແຂ່ງຂັນນັບເງິນມີ 20 ທີມເຂົ້າຮ່ວມ ໂດຍຈັດໃຫ້ມີການແຂ່ງນັບເງິນ-ໄຈ້ແຍກເງິນແທ້ ແລະ ເງິນປົນ (ປອມ) ເຊິ່ງມີປະເພດເງິນກີບ ແລະ ເງິນໂດລາສະຫະລັດ. ສໍາລັບການແຂ່ງຂັນປະເພດເງິນກີບ ຊະນະເລີດ ໄດ້ແກ່ທ່ານ ວິໄລສັກ ຫຼວງລາດ ຈາກ ທຄຕລ; ຮອງຊະນະເລີດ ໄດ້ແກ່ທ່ານ ນາງ ສຸດາ ມະນີວັນ ຈາກທະນາຄານອິນໂດຈີນ ແລະ ອັນດັບ 3 ໄດ້ ແກ່ທ່ານ ທອງມະນີ ດວງສະຫວັນ ທຫວ. ສໍາລັບການແຂ່ງນັບເງິນ-ໄຈ້ແຍກເງິນ ປະເພດເງິນໂດລາສະຫະລັດ ຊະນະເລີດ ໄດ້ແກ່ທ່ານ ວອນວິໄລ ຈັນບົວທັນ ຈາກ ທຄຕລ; ຮອງຊະນະເລີດ ໄດ້ແກ່ທ່ານ ອານຸສອນ ຫຼວງປັນຍາ ຈາກ ທຫລ ສາຂາຊຽງຂວາງ ແລະ ອັນດັບ 3 ໄດ້ແກ່ທ່ານ ວຽງວິໄລ ໄພພິມມາລາ ຈາກທະນາຄານລາວ-ຈີນ.

# ຂ່າວ-ພາບ: ຣັດສະໝີ ດວງສັດຈະ

error: Content is protected !!