ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ

- 88852214 - ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ
- Untitled design - ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ

ໂດຍ: ທ່ຽງທຳ

ສະບາຍດີ ເພື່ອນຜູ້ອ່ານ ທີ່ຮັກແພງ, ໃນບົດຂຽນນີ້ ທ່ຽງ ທຳຂໍເລົ່າທຸກສູ່ເພື່ອນຜູ້ອ່ານ ໄດ້ຮັບຮູ້ນຳກັນໃນສະພາບຄວາມເປັນຈິງຂອງການເຄື່ອນໄຫວ ແລະ ການພັດທະນາວົງການ ສື່ມວນຊົນເຮົາໃນຍຸກໂລກາພິ ວັດ, ຍຸກຂໍ້ມູນຂ່າວສານ ທີ່ບໍ່ມີ ເຂດແດນ ຫລື ເວົ້າແບບງ່າຍໆ ກໍແມ່ນ “ໄຮ້ພົມແດນ”, ຫລາຍ ອັນບໍ່ເຄີຍເຫັນກໍເຫັນ, ຫລາຍ ອັນບໍ່ໄດ້ຍິນຂ່າວກໍໄດ້ຍິນ ແລະ ຫລາຍອັນບໍ່ເຄີຍໄດ້ເບິ່ງໄດ້ຊົມ ກໍໄດ້ເບິ່ງ. ເວົ້າລວມແລ້ວ ຜູ້ ເຮັດວຽກງານສື່, ຜູ້ຕອບສະ ໜອງ ຂໍ້ມູນຂ່າວສານກໍຕ້ອງ ໄດ້ບືນຕົວພັດທະນາຕົນເອງ ຕາມເປົ້າໝາຍທີ່ພັກ ແລະ ລັດຖະບານຕັ້ງໄວ້ໃຫ້ທັນສະ ໄໝ, ວ່ອງໄວ ແລະ ທັນການ, ມີ ເນື້ອຫາສາລະ ແລະ ເປັນຜົນປະ ໂຫຍດຕໍ່ຊາດ ແລະ ປະຊາຊົນ, ໃຫ້ສົມກັບເປັນເຄື່ອງມື ແລະ ພາ ຫະນະອັນແຫລມຄົມຂອງພັກ ແລະ ພ້ອມສາມາດແກ່ງແຍງ ແຂ່ງຂັນ ແລະ ຕີຕ້ານທຸກຖ້ອຍ ທຳນອງບິດເບືອນໃສ່ຮ້າຍປ້າຍ ສີຂອງກຳລັງອິດທິປໍລະປັກ ແລະ ກຸ່ມຄົນບໍ່ດີທີ່ຫວັງມ້າງ ເພ ທຳລາຍລະບອບໃໝ່ຂອງເຮົາ. ເວົ້າມາຮອດນີ້ ເພື່ອນຜູ້ອ່ານທັງ ຫລາຍກໍຄົງເຂົ້າໃຈດີແລ້ວວ່າ: ກຳລັງສື່ພວກເຮົາຕ້ອງໄດ້ເພີ່ມ ທະວີກໍ່ສ້າງ ແລະ ປັບປຸງຕົນ ເອງ ຫລາຍດ້ານ, ແຕ່ຢາກປັບ ປຸງ, ຢາກພັດທະນາທີ່ດີ ພວກເຮົາ ຕ້ອງມີການລົງທຶນທີ່ພຽງພໍ, ນັບ ແຕ່ຂອດການບຳລຸງກໍ່ສ້າງຖັນ ແຖວນັກຮົບສື່ມວນຊົນເຮົາໃຫ້ ມີຄວາມຮູ້ຄວາມສາມາດ, ມີຄຸນ ສົມບັດສິນທຳປະຕິວັດ ແລະ ຈັນຍາບັນຂອງຕົນ, ໄປຈົນຮອດ ການຍົກສູງລະບົບເຕັກໂນໂລ ຊີອັນທັນສະໄໝ, ການປະກອບ ພາຫະນະ ແລະ ເຄື່ອງມືອຸປະ ກອນ ໃຫ້ພຽງພໍ ເຮົາຈຶ່ງຈະບືນ ຕົວ ເຊື່ອມໂຍງເຂົ້າກັບຂົງເຂດ ແລະ ສາກົນໄດ້, ແຕ່ທັງໝົດຄວາມ ຕ້ອງການດັ່ງກ່າວຈະເຮັດໄດ້ກໍ ຕ້ອງມີທຶນຮອນ, ແຕ່ກຳລັງສື່ ຈະເອົາທຶນຮອນດັ່ງກ່າວ ມາ ແຕ່ໃສ ຖ້າບໍ່ແມ່ນເບື້ອງລັດເປັນ ຜູ້ອຸປະຖຳຄ້ຳຊູ ເພາະສື່ມວນຊົນ ຍັງ ບໍ່ແມ່ນພາກສ່ວນເສດຖະ ກິດ ເຊິ່ງພວກເຮົາເປັນພຽງຜູ້ ໜຶ່ງ ປະກອບສ່ວນເຂົ້າໃນສະໜາມ ຮົບການເມືອງແນວຄິດເທົ່ານັ້ນ. ດັ່ງນັ້ນ ມັນກໍເປັນການຍາກ ດັ່ງຄວາມຄິດຂອງບາງສ່ວນທີ່ມີຄວາມມຸ່ງຫວັງໃຫ້ສື່ມວນຊົນພະຍາຍາມຊອກແຫລ່ງລາຍຮັບ ເພື່ອຫວັງໄປສູ່ການກຸ້ມຕົນເອງ ເທື່ອລະກ້າວ, ຖ້າເບິ່ງໃຫ້ເລິກ ຄວາມຄິດນີ້ເປັນພຽງຕົວະຄົນ ລົງເຮືອນເທົ່ານັ້ນ ເພາະໃນຕົວ ຈິງມັນ ເປັນໄປໄດ້ຍາກ ໂດຍ ສະ ເພາະໃນປັດຈຸບັນ ພາຍຫລັງ ມີສື່ ສັງຄົມອອນລາຍຂະຫຍາຍຕົວ ສູງ ມັນສົ່ງຜົນກະທົບບໍ່ໜ້ອຍ ຕໍ່ກຳລັງສື່ເກົ່າ ດັ່ງສື່ສິ່ງພິມ. ປັດຈຸບັນຫາຜູ້ຈະຈອງໜັງສືພິມ ສະບັບໜຶ່ງກໍເປັນການຍາກ ເຊິ່ງຍັງ ບໍ່ເວົ້າເຖິງຜູ້ຈະມາໂຄ ສະນາສະໜັບສະໜູນໜັງສືພິມ ດັ່ງແຕ່ກ່ອນ, ເພາະຍຸກຂໍ້ມູນຂ່າວ ສານ ນີ້ມັນມີຫລາຍທາງເລືອກ ເຫລືອ ເກີນສຳລັບຜູ້ບໍລິໂພກ ຂໍ້ມູນຂ່າວ ສານຕ່າງໆ ແລະ ຖ້າ ປະໃຫ້ສື່ເຮັດ ໂດຍລຳພັງເພື່ອ ຊອກແຫລ່ງ ລາຍຮັບ ແລະ ຜົນ ປະໂຫຍດແລ້ວ ໃນຕົວ ຫລື ນອກ ຕົວມັນກໍຈະຄ່ອຍໆຫ່າງ ເຫີນ ຈາກການເຮັດໜ້າທີ່ການ ເມືອງ-ແນວຄິດຕາມທິດນຳ ຂອງພັກໄປເປັນແນວອື່ນກໍ ເປັນໄດ້ ແລະ ກໍຈະຕົກເຂົ້າໃນ ອຳນາດທີ 4 ຂອງໂລກສັງຄົມ ຕາເວັນຕົກເພິ່ນເຄີຍມີມາ.
ດັ່ງນັ້ນ, ມາຮອດທຸກ ມື້ນີ້ ພວກເຮົາຕ້ອງໄດ້ຄິດ ແລະ ຕ້ອງ ໄດ້ເພີ່ມທະວີສະໜັບສະໜູນທຶນ ຮອນພັດທະນາສື່ມວນຊົນໃນ ໄລຍະໃໝ່ໃຫ້ສອດຄ່ອງກັບຍຸກ ສະໄໝ ແລະ ທ່າອ່ຽງລວມຂອງ ໂລກດັ່ງພັກເຮົາລະບຸໄວ້./.

 

ບັນຫາສື່ໃໝ່ໃນຍຸກໂລກແຕກ2018/

- Wave100S AD to Website 2020 0 - ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ

ສື່ມວນຊົນຕ້ອງເຮັດພາລະບົດບາດເປັນກະບອກສຽງຂອງພັກ-ລັດຖະບານຢ່າງແທ້ຈິງ2018/

- 88852214 - ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ
(ພາບປະກອບ)

 

- WhatsApp Image 2020 05 27 at 5 - ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ
- WhatsApp Image 2020 05 27 at 5 - ເຖິງຄາວລັດຕ້ອງໄດ້ສະໜັບສະໜູນທຶນຮອນຊ່ວຍສື່ເຮົາຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!