ລາວ​ມອບ​ລາງວັນໃຫ້​ທຸລະ​ກິດ​ດີ​ເດັ່ນ​ອາຊຽນ

- Prize of Models family - ລາວ​ມອບ​ລາງວັນໃຫ້​ທຸລະ​ກິດ​ດີ​ເດັ່ນ​ອາຊຽນ
- Untitled design - ລາວ​ມອບ​ລາງວັນໃຫ້​ທຸລະ​ກິດ​ດີ​ເດັ່ນ​ອາຊຽນ

ໃນວັນທີ 28 ກັນຍານີ້, ສະພາການຄ້າ ແລະ ອຸດສາຫະກໍາແຫ່ງຊາດລາວ (LNCCI) ໄດ້ງານ“ມອບລາງວັນທຸລະກິດອາຊຽນດີເດັ່ນແຫ່ງ ສປປ ລາວ 2018 ” (ASEAN Business Awards Laos 2018) ​ໂດຍ​ການ​ເຂົ້າ​ຮ່ວມ​ຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ Jens Peter Luetkenherm ເອກອັກຄະລັດຖະທູດສະຫະພັນເຢຍລະມັນ ແລະ ບັນດາຜູ້ຊົງກຽດຈາກບັນດາທຸລະກິດລາວ, ນັກການທູດປະຈຳລາວ, ລວມເຖິງບັນດານັກທຸລະກິດທີ່ຊະນະເລີດໄດ້ຮັບລາງວັນທຸລະກິດອາຊຽນດີເດັ່ນແຫ່ງ ສປປ ລາວ 2018 ” (ASEAN Business Awards Laos 2018) .

ທ່ານ ອຸເດດ ສຸວັນນະວົງ ປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ກ່າວວ່າ: ຈຸດປະສົງຕົ້ນຕໍຂອງການມອບລາງວັນດັ່ງກ່າວແມ່ນເພື່ອຮັບຮູ້ວິສາຫະກິດທີ່ມີຊື່ສຽງໃນລາວທີ່ມີຄວາມຄິດສ້າງສັນ ແລະ ຕອບສະຫນອງຄວາມຕ້ອງການຂອງຕະຫຼາດລາວ. ນອກນີ້ຍັງເປັນການເສີມສ້າງຄວາມເຂັ້ມແຂງໃຫ້ແກ່ຫົວໜ່ວຍທຸລະກິດໃນແຕ່ລະຂະແໜງການ ແລະ ເພື່ອຍ້ອງຍໍຊົມເຊີຍຜູ້ທີ່ມີຜົນງານດີເດັ່ນປະກອບສ່ວນເຂົ້າໃນການພັດທະນາເສດຖະກິດຂອງລາວໄດ້ຈະເລີນກ້າວ  ໃນປີນີ້ປະເພດຂອງ ABA Laos ທີ່ກໍານົດໄວ້ແມ່ນສອດຄ່ອງກັບຄວາມຕ້ອງການຂອງລາງວັນທຸລະກິດອາຊຽນ 2018 (ASEAN Business Award 2018) ທີ່ຈະຈັດຂຶ້ນໃນສິງກະໂປໃນເດືອນພະຈິກ 2018 ນີ້, ຊຶ່ງຕົວແທນຂອງສະຖາບັນການສຶກສາລາວ ແລະ ພາກທຸລະກິດຈະໄດ້ຮ່ວມມືກັບບໍລິສັດ KPMG ເພື່ອຮັບປະກັນຄວາມໂປ່ງໃສ, ຄວາມຍຸຕິທໍາ ແລະ ຄວາມເປັນມືອາຊີບເຂົ້າໃນຂະບວນການຄັດເລືອກ ແລະ ຕັດສິນຜູ້ຊະນະເລີດໄດ້ຮັບລາງວັນດັ່ງກ່າວ.

- Wave100S AD to Website 2020 0 - ລາວ​ມອບ​ລາງວັນໃຫ້​ທຸລະ​ກິດ​ດີ​ເດັ່ນ​ອາຊຽນ

​ໃນ​ໂອກາດ​ດັ່ງກ່າວທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ເນັ້ນຫນັກກ່ຽວກັບຄວາມສໍາຄັນຂອງເວທີດັ່ງກ່າວໃນການສົ່ງເສີມຄວາມຫມັ້ນໃຈໃຫ້ແກ່ຜູ້ປະກອບການ SMEs ລາວໄດ້ປະສົບຜົນສໍາເລັດໃນການເຮັດທຸລະກິດທີ່ຫນ້າເຊື່ອຖື ແລະ ມີຄວາມຮັບຜິດຊອບ. ການຮັບຮູ້ມາດຕະຖານສູງດັ່ງກ່າວຈະເຮັດໃຫ້ທຸລະກິດລາວມີຄວາມຫນ້າເຊື່ອຖືຫຼາຍ ແລະ ຈະກາຍເປັນຂົງເຂດທີ່ມີຄວາມຫມັ້ນໃຈໃນການນໍາໃຊ້ສະມາຄົມເສດຖະກິດອາຊຽນໄດ້ເປັນຢ່າງດີ.

- WhatsApp Image 2020 05 27 at 5 - ລາວ​ມອບ​ລາງວັນໃຫ້​ທຸລະ​ກິດ​ດີ​ເດັ່ນ​ອາຊຽນ
- WhatsApp Image 2020 05 27 at 5 - ລາວ​ມອບ​ລາງວັນໃຫ້​ທຸລະ​ກິດ​ດີ​ເດັ່ນ​ອາຊຽນ
error: Alert: ເນື້ອຫາຂ່າວມີລິຂະສິດ !!