ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ

- news obiJqXmIOQ194709 533 - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ
- Untitled design - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ

ໜ່ວຍ​ງາ​ນພາສີ​ອາກອນ​ຫວຽດນາມ ຢຶດ​ເກັດ​ຫລິ່ນ ​ແລະ ງາ​ຊ້າງ ນ້ຳໜັກ​ລວມ​ເກືອບ 1 ​ໂຕນ ​ໃນ​ກ່ອງ​ບັນຈຸ​ສິນຄ້າ​ຂົນ​ສົ່ງ​ທາງ​ອາກາດ ຢູ່​ສະໜາມ​ບິນ​ນະຄອນຫລວງ​ຮ່າ​ໂນ້ຍ.

- eschkobm copy - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ

ສຳນັກ​ຂ່າວ AFP ລາຍ​ງານ​ວ່າ: ການ​ຄ້າ​ງາ​ຊ້າງ ​ແລະ ​ເກັດ​ຫລິ່ນ ​ເປັນ​ສິ່ງ​ຜິດ​ກົດໝາຍ​ໃນ​ຫວຽດນາມ, ​ແຕ່​ການ​ບັງຄັບ​ໃຊ້​ກົດໝາຍ​ອ່ອນ​ແອ​ ​ເຮັດ​ໃຫ້​ຕະຫລາດ​ມືດ​ເຟື່ອງຟູ ​ແລະ ຫວຽດນາມ​ກາຍ​ເປັນ​ສູນ​ກາງ​ສຳຄັນ​ສຳລັບ​ງາ​ຊ້າງ​ທີ່​ລັກລອບຂົນ​ຈາກ​ອາ​ຟຣິກາ ​ແລະ ສົ່ງ​ຕໍ່​ໄປ​ສ່ວນ​ອື່ນໆ​ຂອງ​ອາຊີ ​ໂດຍ​ສະ​ເພາະ​ຈີນ.

- ba6nazb1 copy - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ

- Wave100S AD to Website 2020 0 - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ

​ເຈົ້າໜ້າ​ທີ່​ພາສີ​ອາກອນ​ປະຈຳ​ສະໜາມ​ບິນ​ສາກົນ​​ໂນ້ຍ​​ບ໋າຍ ກວດ​ພົບ​ເກັດ​ຫລິ່ນ​ນ້ຳໜັກ 805 ກິ​ໂລ, ງາ​ຊ້າງ ​ແລະ ຜະລິດ​ຕະພັນ​ເຮັດ​ຈາກ​ງາ​ຊ້າງ 193 ກິ​ໂລ ​ໃນ​ກ່ອງ​ຂົນ​ສົ່ງ​ສິນຄ້າ 24 ກ່ອງ ​ໃນ​ວັນ​ທີ 28 ກັນຍາ​ຜ່ານ​ມາ ​ແລະ ຈາກ​ປ້າຍ​ຊື່​ທີ່​ຕິດ​ຢູ່​ກ່ອງ​ລະບຸ​ວ່າ: ສິນຄ້າ​ເຫລົ່າ​ນີ້​ຖືກ​ສົ່ງ​ໄປ​ຈາກ 2 ບໍລິສັດ​ໃນ​ນີ​ເຊຣີ ສົ່ງ​ທາງ​ເຮືອບິນ​ເຖິງ​ຮ່​າ​ໂນ້ຍ ນັບ​ແຕ່​ວັນ​ທີ 21 ກັນຍາ ​ແຕ່​ຮອດ​ປັດຈຸບັນ​ນີ້​ຍັງ​ບໍ່​ມີ​ຜູ້​ໃດ​ໄປ​ຮັບ ​ໂດຍ​ເຈົ້າໜ້າ​ທີ່​ກ່າວ​ວ່າ: ຜູ້​ຮັບ​ຕາມ​ທີ່​ລະບຸ​ໃນ​ໃບ​ສົ່ງ​ສິນຄ້າ ປະຕິ​ເສດ​ຈະ​ຮັບ​ສິນຄ້າ​ຊຸດ​ນີ້.

​ໂຕ​ຫລິ່ນ​ເປັນ​ຂອງ​ມີຄ່າ​ໃນ​ຫວຽດນາມ ​ແລະ ພາກພື້ນ, ປະຊາຊົນ​ນິຍົມ​ບໍລິ​ໂພ​ກ​ຊີ້​ນຂອງ​ມັນ ສ່ວນ​ເກັດ​​ເຊື່ອ​ກັນ​ວ່າ​ມີ​ສັບພະ​ຄຸນ​ເປັນ​ຢາ​ປິ່ນປົວ.

- WhatsApp Image 2020 05 27 at 5 - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ
- WhatsApp Image 2020 05 27 at 5 - ຫວຽດນາມຢຶດເກັດຫລິ່ນ-ງາຊ້າງ ທີ່ສະໜາມບິນຮ່າໂນ້ຍ
error: Alert: ເນື້ອຫາຂ່າວມີລິຂະສິດ !!