ດາລາວອນປິ່ງປ໋ອງ ກຽມຈັດການແຂ່ງຂັນສະຫລອງວັນຄູ

- 42946591 504421096692819 3740362025948151808 n - ດາລາວອນປິ່ງປ໋ອງ ກຽມຈັດການແຂ່ງຂັນສະຫລອງວັນຄູ
- Untitled design - ດາລາວອນປິ່ງປ໋ອງ ກຽມຈັດການແຂ່ງຂັນສະຫລອງວັນຄູ

ສູນ​ຝຶກ​ຊ້ອມ​ກິລາ​ປິ່ງ​ປ໋ອງດາລາ​ວອນ (DALAVONE TABLE TENNIS ACADEMY) ກຽມ​ຈັດການ​ແຂ່ງຂັນ​ປິ່ງ​ປ໋ອງລຸ້ນ​ເຍົາວະ​ຊົນ ​ເພື່ອ​ສະ​ເຫລີ​ມສະຫລອງ​ວັນຄູ​ແຫ່ງ​ຊາດ​ລາວ (7 ຕຸລາ) ​ລະຫວ່າງ​ວັນ​ທີ 6-7 ຕຸລາ​ນີ້ ທີ່​ສູນ​ການ​ຄ້າ​ລາວ​ໄອ​ເຕັກ ຊັ້ນ 4 ນະຄອນຫລວງ​ວຽງຈັນ.

ທ່ານ ນາງ​ ດາລາ​ວອນ ມະນີຈັນ ຄູ​ຝຶກ​ນັກ​ກິລາ​ທີ​ມຊາດ​ລາວ ທັງ​ເປັນ​ເຈົ້າ​ຂອງ​ສູນ​ຝຶກ​ຊ້ອມ​ປິ່ງ​ປ໋ອງດາລາ​ວອນ​ໃຫ້​ສໍາພາດ​ວ່າ: ການ​ແຂ່ງຂັນ​ຄັ້ງ​ນີ້ ​ເພື່ອ​​ສ້າງ​ຂະ​ບວນການ​​ສະ​ເຫລີ​ມສະຫລອງ​ວັນ​ຄູ​ໃຫ້​ມີ​ຄວາມ​ໝາຍ ​ແລະ ຄວາມ​ສໍາຄັນ​ຄຶກຄື້ນ​ຄື​ໄລ​ຍະ​ຜ່ານ​ມາ. ດັ່ງ​ນັ້ນ, ທາງ​ຄະນະ​ສູນ​ຝຶກ​ຊ້ອມ​ປິ່ງ​ປ໋ອງຂອງ​ພວກ​ເຮົາ​ຈຶ່ງ​ຈະ​ຈັດການ​​ແຂ່ງຂັນ​ຄັ້ງ​ນີ້​ຂຶ້ນ, ທັງ​ນີ້ ຍັງ​ເປັນ​ການ​ຝຶກ​ຊ້ອມ​ ​ແລະ ຄັດ​ເລືອກ​ນັກ​ກິລາ​ໄປ​ໃນ​ຕົວ ​ເພື່ອ​ກຽມ​ບັນຈຸ​ເຂົ້າ​ທີ​ມຊາດ​ລາວ​​ໃນ​ອະນາຄົດ. ສ່ວນ​ການ​ແຂ່ງຂັນ​ແມ່ນ​ຈະ​ແບ່ງ​ອອກ​ເປັນ 3 ລຸ້ນຄື: ລຸ້ນອາຍຸ 10 ປີ, 12 ປີ ​ແລະ 18 ປີ ​ໂດຍ​ມີ 2 ລາຍການ​ຄື: ດ່ຽວ​ຍິງ ​ແລະ ດ່ຽວ​ຊາຍ.

ສໍາລັບ​ລາງວັນ ອັນ​ດັບ​ທີ 1 ຈະ​ຮັບ​ຂັນ​ລາງວັນ​ພ້ອມ​ເງິນສົດ​ຈໍານວນ​ໜຶ່ງ; ອັນ​ດັບ​ທີ 2 ​ແລະ ອັນ​ດັບ​ທີ 3 ຈະ​ຮັບ​ເງິນສົດຈໍານວນ​ໜຶ່ງ. ດັ່ງ​ນັ້ນ ​ຖ້າ​ທ່ານ​ໃດ​ສົນ​ໃຈ​ແມ່ນ​ສາມາດ​ເຂົ້າມາ​ພົວພັນ​ໄດ້​ທີ່​ສູນ​ຝຶກ​ກິລາ​ປິ່ງ​ປ໋ອງ ດາລາ​ວອນ ສູ​ນການ​ຄ້າ​ລາວ​ໄອ​ເຕັກ ຫລື ​ໂທ 02052237979 ຄ່າ​ສະໝັກ 50 ພັນ​ກີບ​ຕໍ່​ຄົນ.

- Wave100S AD to Website 2020 0 - ດາລາວອນປິ່ງປ໋ອງ ກຽມຈັດການແຂ່ງຂັນສະຫລອງວັນຄູ
- WhatsApp Image 2020 05 27 at 5 - ດາລາວອນປິ່ງປ໋ອງ ກຽມຈັດການແຂ່ງຂັນສະຫລອງວັນຄູ
- WhatsApp Image 2020 05 27 at 5 - ດາລາວອນປິ່ງປ໋ອງ ກຽມຈັດການແຂ່ງຂັນສະຫລອງວັນຄູ
error: Alert: ເນື້ອຫາຂ່າວມີລິຂະສິດ !!