ອານຸສອນ ຝຶກຊ້ອມຢູ່ໄທກຽມ ປ້ອງກັນແຊ້ມ ມ ອາຊຽນ ທີ່ມຽນມາ

- 43113681 474469306398270 1915500580168531968 n - ອານຸສອນ ຝຶກຊ້ອມຢູ່ໄທກຽມ ປ້ອງກັນແຊ້ມ ມ ອາຊຽນ ທີ່ມຽນມາ
- Untitled design - ອານຸສອນ ຝຶກຊ້ອມຢູ່ໄທກຽມ ປ້ອງກັນແຊ້ມ ມ ອາຊຽນ ທີ່ມຽນມາ

ທ້າວ ອານຸສອນ ​ໄຊ​ສາ ນັກ​ກິລາ​ແລ່ນ​-ລານ ທີ​ມຊາດ​ລາວ ​ໄດ້​ເຂົ້າ​ສູນ​ຝຶກ​ຊ້ອມ​ທີ່​ປະ​ເທດ​ໄທ ​ເພື່ອ​ກຽມ​ປ້ອງ​ກັນ​ແຊ້ມ​ໃນ​ການ​ແຂ່ງຂັນ​ມະຫາ​ໄລ​ອາ​ຊຽນຄັ້ງທີ 19 ທີ່​ປະ​ເທດ​ມຽນມາ ​ຈະ​ຈັດ​ຂຶ້ນ​ໃນ​ທ້າຍ​ປີ​ນີ້.

ທ້າວ ອານຸສອນ ​ໄຊ​ສາ ​ໃຫ້​ສໍາພາດ​ວ່າ: ພາຍຫລັງ​ສໍາ​ເລັດ​ການ​​ເຂົ້າ​ຮ່ວມ​ແຂ່ງຂັນ​ງານ​ມະຫາກໍາ​ເອຊຽນ​ເກ​ມ ທີ່​ປະ​ເທດ​ອິນ​ໂດ​ເນ​​ເຊຍ ​ຈັດ​ຂຶ້ນ​ລະຫວ່າງ​ທ້າຍ​ເດືອນ​ສິງ​ຫາ​ຜ່ານ​ມາ​ນີ້ ຕົນ​ເອງກໍ​ກັບ​ມາ​ຝຶກ​ຊ້ອມ​ຢູ່​ລາວ​ເປັນ​ເວລາ 1 ​ເດືອນ ​ແລະ ສືບ​ຕໍ່​ຝຶກ​ຊ້ອມ​ທີ່​ປະ​ເທດ​ໄທ ​ເພື່ອ​ກຽມ​ປ້ອງ​ກັນ​ແຊ້ມ​ໃນ​ການ​ແຂ່ງຂັນ​ມະຫາ​ໄລ​ອາ​ຊຽນຄັ້ງ​ທີ 19 ທີ່​ປະ​ເທດ​ມຽນມາ ຈະ​ເປັນ​ເຈົ້າພາບ​ ​ເຊິ່ງຈະ​ຈັດ​ຂຶ້ນ​ລະຫວ່າງ​ວັນ​ທີ 10-19 ທັນ​ວາ​ນີ້, ການ​ເຂົ້າ​ສູນ​ຝຶກ​ຊ້ອມ​ຄັ້ງ​ນີ້ ຕົນ​ເອງ​ເຂົ້າ​ຝຶກ​ຊ້ອມ 2 ລາຍການ​ຄື: ​ແລ່ນ​ຂ້າມ​ຮົ້ວ 100 ​ແມັດ, ​ແລ່ນ 4X100 ​ໂດຍ​ຝຶກ​ຊ້ອມ​ທຸ​ກໆວັນ​ຈັນ​ຫາ​ວັນ​ເສົາ​ ເວລາ 6:00-9:00 ​ໂມງ​ເຊົ້າ ​ແລະ 15:30-18:30 ​ໂມງ.

ສໍາລັບ​ການ​ແຂ່ງຂັນ​ມະ​ຫາ​ໄລ​ອາ​ຊຽນຄັ້ງ​ທີ 18 ຈັດ​ຂຶ້ນ​ທີ່​ປະ​ເທດ​ສິງກະ​ໂປ ທ້າວ ອາ​ນຸສອນ ​ໄຊ​ສາ​ ສາມາດ​ຍາດ​ໄດ້ 2 ຫລຽນ​ຄໍາ​ໃນ 2 ລາຍການ​ຄື: ແລ່ນ​ຂ້າມ​ຮົ້ວ 100 ​ແມັດ, ​ແລ່ນ 4X100.

- Wave100S AD to Website 2020 0 - ອານຸສອນ ຝຶກຊ້ອມຢູ່ໄທກຽມ ປ້ອງກັນແຊ້ມ ມ ອາຊຽນ ທີ່ມຽນມາ
- WhatsApp Image 2020 05 27 at 5 - ອານຸສອນ ຝຶກຊ້ອມຢູ່ໄທກຽມ ປ້ອງກັນແຊ້ມ ມ ອາຊຽນ ທີ່ມຽນມາ
- WhatsApp Image 2020 05 27 at 5 - ອານຸສອນ ຝຶກຊ້ອມຢູ່ໄທກຽມ ປ້ອງກັນແຊ້ມ ມ ອາຊຽນ ທີ່ມຽນມາ
error: Alert: ເນື້ອຫາຂ່າວມີລິຂະສິດ !!