ເມືອງຫົງສາສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ

- Hongsa celebration - ເມືອງຫົງສາສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ
- Untitled design - ເມືອງຫົງສາສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ

ໃນວັນທີ 1 ຕຸລານີ້, ເມືອງຫົງສາແຂວງໄຊຍະບູລີ ຈັດພິທີສະເຫລີມສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງຄື: ວັນທີ 27 ກັນຍາ ຂອງທຸກປີເປັນວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ ແມ່ນວັນທີ 1 ຕຸລາ.

ທ່ານເຈົ້າເມືອງຫົງສາ ໄດ້ມີຄໍາເຫັນໃນພິທີວ່າ: ໃນໂລກພວກເຮົາ, ປັດຈຸບັນຍັງມີຄົນພິການຫລາຍກວ່າ 1 ຕື້ຄົນ ຫລື ປະມານ 15% ຂອງປະຊາກອນໂລກ ທີ່ດຳລົງຊີວິດກັບຄວາມເປັນພິການ ແລະ ຜູ້ອາຍຸສູງ 60 ປີຂຶ້ນໄປປະມານ 600 ລ້ານຄົນ ແລະ ຈະເພີ່ມຂຶ້ນເທົ່າໂຕໃນປີ 2025 ເຂົາເຈົ້າເຫລົ່ານັ້ນ, ຍັງປະເຊີນກັບສິ່ງກີດຂວາງຕ່າງໆ ເນື່ອງຈາກໂຄງການຂອງສັງຄົມ, ການພັດທະນາເສດຖະກິດ, ທັດສະນະຄະຕິ, ການມີສ່ວນຮ່ວມ ແລະ ຄວາມສະເໝີພາບຢູ່ໃນຄອບຄົວ ແລະ ສັງຄົມ. ສະນັ້ນ, ດ້ວຍຄວາມເປັນຫວ່ງເປັນໃຍຂອງພັກ ແລະ ລັດຖະບານ ຕໍ່ສິດ ແລະ ຜົນປະໂຫຍດຂອງຜູ້ອາຍຸສູງ ຈຶ່ງມີນະໂຍບາຍດ້ານຕ່າງໆ ເພື່ອຮອງຮັບການເຄື່ອນໄຫວວຽກງານດັ່ງກ່າວນີ້.

ໂອກາດນີ້, ທ່ານເຈົ້າເມືອງກໍໄດ້ຮຽກຮ້ອງມາຍັງອົງການຈັດຕັ້ງທັງພາກລັດ, ເອກະຊົນ ແລະ ຄອບຄົວ ຈົ່ງເພີ່ມທະວີຄວາມຮັບຜິດຊອບໃນການເບິ່ງແຍງຜູ້ເປັນພໍ່, ແມ່, ພີ່ນ້ອງ ຫລື ຜູ້ອາວຸ ໂສ ຂອງສັງຄົມທາງດ້ານສຸຂະພາບ, ດ້ານສະຫວັດດີການ-ສັງຄົມ ແລະ ອື່ນໆ ເພື່ອເຂົາເຈົ້າສາມາດດຳລົງຊີວິດຢູ່ໃນສັງຄົມດ້ວຍຄວາມຜາສຸກ.

- Wave100S AD to Website 2020 0 - ເມືອງຫົງສາສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ
- WhatsApp Image 2020 05 27 at 5 - ເມືອງຫົງສາສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ
- WhatsApp Image 2020 05 27 at 5 - ເມືອງຫົງສາສະຫລອງວັນຄົນພິການແຫ່ງຊາດ ແລະ ວັນສາກົນຜູ້ອາຍຸສູງ
error: Alert: ເນື້ອຫາຂ່າວມີລິຂະສິດ !!