ບາເຊໂລນາ ທີມທຳອິດສ້າງລາຍໄດ້ເກີນ 1 ພັນລ້ານໂດລາ

- advert banner 728 90 728x90 - ບາເຊໂລນາ ທີມທຳອິດສ້າງລາຍໄດ້ເກີນ 1 ພັນລ້ານໂດລາ

ບາ​ເຊ​ໂລ​ນາ ລະບຸ​ເອງ ​ເປັນ​ທີ​ມກິລາ​ທີ​ມທຳ​ອິດ​ທີ່​ມີ​ລາຍ​ໄດ້​ຕໍ່​ປີ​ເກີນ 1 ພັນ​ລ້ານ​ໂດ​ລາ​ສະຫະລັດ ຫລັງ​ເຮັດ​ໄດ້​ເຖິງ 1,05 ພັນ​ລ້ານ​ໂດ​ລາ​ສະຫະລັດ, ສ່ວນ​ກຳ​ໄລ​ທີ່​ເຮັດ​​ໄດ້ຢູ່​ທີ່ 12,67 ລ້ານ​ໂດ​ລາ​ສະຫະລັດ.

ບາ​ເຊ​ໂລ​ນາ ສະ​ໂມ​ສອນ​ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ກ່າວ​ວ່າ: ພວກ​ເຂົາ​ກາຍ​ເປັນ​ທີ​ມກິລາ​ທີ​ມທຳ​ອິດ​ຂອງ​ໂລກ​ທີ່​ສ້າງ​ລາຍ​ໄດ້​ຕໍ່​ປີ​ເກີນ 1 ພັນ​ລ້ານ​ໂດ​ລາ​ສະຫະລັດ ຫລັງ​ຈາກ​ສ້າງ​ລາຍ​ໄດ້​ໄປ 1,05 ພັນ​ລ້ານ​ໂດ​ລາ​ສະຫະລັດ ​ໃນ​ລະດູ​ການ 2017-18.

ທັງ​ນີ້, ບາ​ເຊ​ໂລ​ນາ ກ່າວ​ອີກ​ວ່າ: ນີ້​ເປັນ​ປີ​ທີ 8 ຕິດ​ຕໍ່​ກັນ​ແລ້ວ​ທີ່​ພວກ​ເຂົາ​ຈົບ​ປີ​ງົບປະມານ​ດ້ວຍ​ການ​ມີ​ກຳ​ໄລ ຈາກ​ການ​ເຮັດ​ກຳ​ໄລ​ຫລັງ​ຫັກ​ພາສີ​ໄດ້ 12,67 ລ້ານ​ໂດ​ລາ​ສະຫະລັດ ​ໂດຍ​ຖ້າ​ນັບ​ແຕ່​ປີ 2010 ​ເປັນຕົ້ນມາ ພວກ​ເຂົາ​ສ້າງ​ກຳ​ໄລ​ລວມ​ເຖິງ 229 ລ້ານ​ໂດ​ລາ​ສະຫະລັດ ​ແລະ ນີ້​ເປັນ​ປີ​ທີ 5 ຕິດ​ຕໍ່​ກັນ ທີ່​ພວກ​ເຂົາ​ສ້າງ​ສະຖິຕິ​ລາຍ​ໄດ້​ຂອງ​ຕົນ​ເອງ​​ເຊັ່ນ​ກັນ.

- 1 1 - ບາເຊໂລນາ ທີມທຳອິດສ້າງລາຍໄດ້ເກີນ 1 ພັນລ້ານໂດລາ
- Tiger Head 728x90 - ບາເຊໂລນາ ທີມທຳອິດສ້າງລາຍໄດ້ເກີນ 1 ພັນລ້ານໂດລາ

ບາ​ເຊ​ໂລ​ນາ ກ່າວ​ອີກ​ວ່າ: ສາ​ເຫດ​ສຳຄັນ​ທີ່​ເຮັດ​ໃຫ້​ພວກ​​ເຂົາ​ມີ​ລາຍ​ໄດ້​ເພີ່ມ​ຂຶ້ນ ​ເປັນ​ເພາະ ຢູຟາ ມີ​ມາດ​ຕະການ​ຈ່າຍ​ເງິນ​ແບບ​ໃໝ່​ສຳລັບ​ທີ​ມທີ່​ໄດ້​ຫລິ້ນ ຢູຟາ ​ແຊມ​ປ້ຽນລີກ ​ເຊັ່ນ​ດຽວ​ກັບ​ການ​ຂາຍ​ ​ເນ​ມາ ກອງ​ໜ້າ​ຄົນ​ດັງ​ໄປ​ໃຫ້ ປາຣີສ ​ແຊງ​ແຊກ​ແມງ ​ໃນ​ພັກ​ຮ້ອນ​ປີ 2017. ຂະນະ​ທີ່​ໜີ້​ໂດຍ​ລວມຂອງ​ທີ​ມຢູ່​ທີ່ 181,3 ລ້ານ​ໂດ​ລາ​ສະຫະລັດ.

error: Content is protected !!