ສະພາຮັບຮອງການປັບປຸງກົດໝາຍວ່າດ້ວຍໄຟຟ້າ

- advert banner 728 90 728x90 - ສະພາຮັບຮອງການປັບປຸງກົດໝາຍວ່າດ້ວຍໄຟຟ້າ

 

- lattana 1 - ສະພາຮັບຮອງການປັບປຸງກົດໝາຍວ່າດ້ວຍໄຟຟ້າ

ຜ່ານການນຳສະເໜີຮ່າງກົດໝາຍວ່າດ້ວຍໄຟຟ້າຂອງທ່ານລັດຖະມົນຕີກະຊວງພະລັງງານ ແລະ ບໍ່ແຮ່, ຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໃນເຊົ້າວັນທີ 9 ພຶດສະພານີ້, ສະມະຊິກສະພາແຫ່ງຊາດ ໄດ້ເປັນເອກະພາບພິຈາລະນາ ແລະ ຮັບຮອງເອົາກົດໝາຍດັ່ງກ່າວ, ເພື່ອເພີ່ມລະບຽບການໃນການຄຸ້ມຄອງການພັດທະນາໂຄງການຜະລິດໄຟຟ້າສະເພາະຂອງເອກກະຊົນ ແລະ ໂຄງການກໍ່ສ້າງເຂື່ອນ, ສາຍສົ່ງໄຟຟ້າ ທີ່ລົງທຶນໂດຍພາກລັດ ແລະ ເອກະຊົນ, ທັງເປັນການຮັບປະກັນປະສິດທິພາບ, ປະສິດທິຜົນຄວາມປອດໄພ ແລະ ຜົນປະໂຫຍດຂອງລັດ ແລະ ປະຊາຊົນ, ລວມທັງການກຳນົດກົນໄກການອະນຸມັດໂຄງການໄຟຟ້າທີ່ໂປ່ງໃສ, ເປີດເຜີຍ ແລະ ມີການແຂ່ງຂັນ, ໂດຍເພີ່ມສິດອຳນາດໃຫ້ກັບສະພາແຫ່ງຊາດໃນການພິຈາລະນາຮັບຮອງແຜນພັດທະນາພະລັງງານໄຟຟ້າແຫ່ງຊາດ ເພື່ອໃຫ້ລັດຖະບານນຳໄປຈັດຕັ້ງປະຕິບັດໃນແຕ່ລະໄລຍະ, ພ້ອມທັງສ້າງລະບຽບການໃຫ້ມີການ ວາງແຜນການພັດທະນາພະລັງງານໄຟຟ້າ, ຄຽງຄູ່ກັບວຽກງານຂອງຂະແໜງການອື່ນຢ່າງກົມກຽມກັນ, ຮັບປະກັນການພັດທະນາຢ່າງສົມຄູ່ກັບຄວາມຕ້ອງການຕົວຈິງເປັນມິດກັບສິ່ງແວດລ້ອມ ກໍຄືການຫລີກລ້ຽງບໍ່ພັດທະນາໂຄງການໃນເຂດປ່າສະຫງວນ ແລະ ປ່າປ້ອງກັນ ແລະ ຫລີກລ້ຽງການລົງທຶນທີ່ບໍ່ຈຳເປັນ, ຍັງເປັນການສ້າງນະໂຍບາຍທາງດ້ານລາຄາໄຟຟ້າ ເພື່ອການສົ່ງເສີມການຊົມໃຊ້ໄຟຟ້າເຂົ້າໃນການແກ້ໄຂບັນຫາການດຳລົງຊີວິດປະຈຳວັນຂອງປະຊາຊົນເຂດທຸກຍາກຫ່າງໄກສອກຫລີກ ແລະ ຈຸລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງຕ່າງໆ. ນອກນີ້ ຍັງໄດ້ສ້າງກົນໄກການກຳນົດ ແລະ ການຮັບຮອງລາຄາໄຟຟ້າໃຫ້ມີຄວາມເປັນທຳ, ໂປ່ງໃສ, ເປີດເຜີຍ ແລະ ມີສ່ວນຮ່ວມຂອງຕົວແທນປະຊາຊົນຜູ້ຊົມໃຊ້ໄຟຟ້າຫລາຍຂຶ້ນ, ເອົາໃຈໃສ່ພັນທະຂອງຜູ້ຈຳໜ່າຍໄຟຟ້າ, ເພີ່ມກົນໄກການຄຸ້ມຄອງ ແລະ ການກວດກາຄວາມປອດໄພຂອງຜູ້ຊົມໃຊ້ໄຟຟ້າໃຫ້ຫລາຍຂຶ້ນ, ໂດຍກົດໝາຍສະບັບປັບປຸງນີ້ປະກອບມີ 13 ພາກ, 7 ໝວດ ແລະ 113 ມາດຕາ, ຊຶ່ງການປັບປຸງຄັ້ງນີ້ແມ່ນຄັ້ງທີ 3 ແລ້ວຄື: ປີ 2007, 2011 ແລະ 2017.

- Tiger Head 728x90 - ສະພາຮັບຮອງການປັບປຸງກົດໝາຍວ່າດ້ວຍໄຟຟ້າ
- 1 1 - ສະພາຮັບຮອງການປັບປຸງກົດໝາຍວ່າດ້ວຍໄຟຟ້າ
error: Content is protected !!