U17 ເດີນທາງເຂົ້າຮ່ວມແຂ່ງຂັນທີ່ຍີ່ປຸ່ນ

- advert banner 728 90 728x90 - U17 ເດີນທາງເຂົ້າຮ່ວມແຂ່ງຂັນທີ່ຍີ່ປຸ່ນ

ໃນວັນທີ 2 ຕຸ​ລາ 2018 ​ທີ່​ສະ​ໜາມ​ບິນ​ສາ​ກົນ​ວັດ​ໄຕ ນະຄອນຫລວງວຽງຈັນ, ນັກ​ກິ​ລາທີມ​ຊາດ​ລາວ ຮຸ່ນ​ອາ​ຍຸ 17 ປີ ໄດ້​ອອກ​ເດີນ​ທາງເຂົ້າ​ຮ່ວມ​ລາຍ​ການ​ແຂ່ງ​ຂັນ JENESYS 2018 ( JAPAN – MEKONG U-17 FOOTBALL TOURNAMENT ) ຢູ່​ທີ່ເມືອ​ງຟູ​ຄູ​ສິ​ມະ (FUKUSHIMA) ປະ​ເທດຍີ່​ປຸ່ນ ຈັດ​ຂຶ້ນ​ໃນ​ລະຫວ່າງວັນທີ 3-10 ຕຸລາ 2018  ນໍາໂດຍທ່ານ ພອນປະເສີດ ເພັດຊົມພູ ຜູ້ຈັດການທີມ ແລະ ທ່ານ ໄກສອນ ໄຊຍະວົງ ຫົວໜ້າຄູຝືກ ພ້ອມດ້ວຍຄະນະ.

ການແຂ່ງຄັ້ງນີ້ມີ 8 ທີມ​ເຂົ້າ​ຮ່ວມ ໂດຍແບ່ງ​ອອກ​ເປັນ 2 ກຸ່ມຄື: ກຸ່ມ ເອ ປະກອບມີ: SHOSI HIGTH SCHOOL ຈາກ​ປະ​ເທດຍີ່​ປຸ່ນ, ໄທ, Bellmare ຈາກ​ປະ​ເທດຍີ່​ປຸ່ນ ແລະ ລາວ; ກຸ່ມ ບີ ປະກອບມີ: ມຽນ​ມາ, ຫວຽດ​ນາມ, ຍີ່​ປຸ່ນ ແລະ ກໍາປູ​ເຈຍ.

- 1 1 - U17 ເດີນທາງເຂົ້າຮ່ວມແຂ່ງຂັນທີ່ຍີ່ປຸ່ນ
- lattana 1 - U17 ເດີນທາງເຂົ້າຮ່ວມແຂ່ງຂັນທີ່ຍີ່ປຸ່ນ

ສໍາລັບຕາ​ຕະ​ລາງ​ການ​ແຂ່​ງ​ຂັນ​ ທີມ​ຊາດ​ລາວ ຈະລົງສະໜາມແຂ່ງ 3 ຄັ້ງຄື: ວັນທີ 5 ຕຸ​ລາ 2018 ເວ​ລາ 10:30 ໂມງ ພົບກັບ Bellmare ຈາກປະ​ເທດ​ຍີ່​ປຸ່ນ, ວັນ​ທີ 6 ຕຸ​ລາ 2018 ເວ​ລາ 10:30 ໂມງ ພົບກັບ ທີມ​ຊາດ​ໄທ, ວັນ​ທີ 7 ຕຸ​ລາ 2018 ເວ​ລາ 11:00  ໂມງ ພົບກັບ SHOSI HIGTH SCHOOL ຈາກປະ​ເທດ​ຍີ່​ປຸ່ນ.

error: Content is protected !!