ຄພລ ກຽມສົ່ງນັກກິລາ 2 ປະເພດ ໄປເກັບຕົວທີ່ຍີ່ປຸ່ນ

- advert banner 728 90 728x90 - ຄພລ ກຽມສົ່ງນັກກິລາ 2 ປະເພດ ໄປເກັບຕົວທີ່ຍີ່ປຸ່ນ

ທ້າຍອາທິດຜ່ານມາ ທີ່ຫ້ອງປະຊຸມກິລາມວນຊົນ ກະຊວງສຶກທິການ ແລະ ກິລາ, ຄະ​ນະ​ກຳ​ມະ​ການ​​ກິ​ລາ​ພາ​ຣາ​ແລມ​ປິກ​ແຫ່ງ​ຊາດ​ລາວ (ຄພລ) ແລະ ໂຄງ​ການ​ນັກ​ກິ​ລາ ​ເພື່ອ​ສັງ​ຄົມຈາກ​ປະ​ເທດ​ຍີ່​ປຸ່ນ ໄດ້ຮ່ວມ​ກັນປຶກ​ສາ​ຫາ​ລືກ່ຽວ​ກັບ​ການ​ກະ​ກຽມ​ແຜນ​ສົ່ງນັກກິລາ 2 ປະ​ເພດຄື: ກິ​ລາ​ແລ່ນ-ລານ ແລະ ກິ​ລາ​ລອຍ​ນ້ຳ​ຄົນ​ພິ​ການ​ທີມ​ຊາດ​ລາວ ໄປ​ເກັບ​ຕົວ​ເຝິກ​ຊ້ອມ ທີ່​ເມືອງອິ​ຕາ​ເຕະ ແຂວງ​ຟູ​ກູ​ຊິ​ມາ ປະ​ເທດ​ຍີ່​ປຸ່ນ ເພື່ອກຽມຄວາມພ້ອມກ່ອນເຂົ້າຮ່ວມງານມະຫາ​ກຳ​ກິ​ລາພາ​ຣາ​ແລມ​ປິກ ເກມ 2020 ທີ່​ປະ​ເທດ​ຍີ່​ປຸ່ນ ເປັນ​ເຈົ້າ​ພາບ.

ໂອ​ກາດ​ນີ້, ທ່ານ ສີ​ທາດ ຈັນ​ທະ​ບູ​ລີ ຫົວໜ້າກົມກິລາມວນຊົນ ກະຊວງສຶກສາທິການ ແລະ ກິລາ ກ່າວວ່າ: ເພື່ອ​ກະ​ກຽມ​ເຂົ້າ​ຮ່ວມ​ງານ​ມະ​ຫາ​ກຳ​ກິ​ລາ​ພາ​ຣາ​ແລມ​ປິກ ເກມ 2020 ທີ່​ນະ​ຄອນຫລວງ​ໂຕ​ກຽວ ປະ​ເທດ​ຍີ່​ປຸ່ນ​ ເປັນ​ເຈົ້າ​ພາບ. ດັ່ງນັ້ນ, ພວກເຮົາຈຶ່ງກຽມສົ່ງນັກກິລາທັງ 2 ປະເພດນີ້ເຂົ້າຮ່ວມຝຶກຊ້ອມທີ່ປະເທດຢີ່ປຸ່ນ ເຮັດມີປະສິດທິພາບ ສາ ມາດສ້າງຜົນງານໂດດເດັ່ນໃນເວທີພາກພື້ນອີກຄັ້ງ. ນອກ​ຈາກ​ຈະ​ຊ່ວຍ​ກະ​ຕຸກ​ຊຸກ​ຍູ້​ນັກ​ກິ​ລາ​ພາ​ຣາ​ແລມ​ປິກ​ລາວ ໃນ​ການ​ເຝິກ​ຊ້ອມ​ແລ້ວ ​ຍັງ​ຊ່ວຍປັບ​ຕົວ​ເຂົ້າ​ກັບ​ສະ​ພາບ​ແວດ​ລ້ອມ​ກ່ອນ​ການ​ແຂ່ງ​ຂັນ​​ພາ​ຣາ​ແລມ​ປິກ 2020 ​ໄດ້​ອີກໃນ​ຫລາຍ​ດ້ານປະ​ກອບ​ມີ: ຄວາມ​ເປັນ​ເລີດ​ໃນ​ກິ​ລາ, ຄວາມ​ມີ​ວິ​ໄນ, ນ້ຳ​ໃຈ​ນັກ​ກິ​ລາ ແລະ ຮອຍ​ຍິ້ມ​ຄວາມ​ປະ​ທັບ​ໃຈໃຫ້​ແຕກດອກ​ອອກ​ຜົນ​ຈາກ​ການ​ຕັ້ງ​ຄ້າຍ​ເຝິກ​ຊ້ອມ ແລະ ການ​ແລກ​ປ່ຽນ​ວັດ​ທະ​ນະ​ທຳທີ່​ເມືອງ​ອິ​ຕາ​ເຕະ ເຊິ່ງຈະ​ສ້າງ​ແຮງ​ບັນ​ດານ​ໃຈ​ອັນ​ຍິ່ງ​ໃຫຍ່​ໃຫ້​ຄົນ​ພິ​ການ​ໃນ ​ສປປ ລາວ 160.000 ຄົນ ໃຫ້​ກ້າວ​ເຂົ້າ​ມາ​ມີ​ສ່ວນ​ຮ່ວມ, ຂະ​ບວນ​ການ​ຫັດ​ກາຍ, ອອກ​ກຳ​ລັງ​ກາຍ, ຫລິ້ນ​ກິ​ລາ ແລະ ປະ​ກອບ​ສ່ວນ​ຢ່າງ​ຫ້າວ​ຫັນ​ໃນ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​ປະ​ເທດ​ຊາດ​ອີກ​ດ້ວຍ.

- Tiger Head 728x90 - ຄພລ ກຽມສົ່ງນັກກິລາ 2 ປະເພດ ໄປເກັບຕົວທີ່ຍີ່ປຸ່ນ
- 1 1 - ຄພລ ກຽມສົ່ງນັກກິລາ 2 ປະເພດ ໄປເກັບຕົວທີ່ຍີ່ປຸ່ນ
error: Content is protected !!