ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ

- kaudsopp - ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ
- Untitled design - ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ

- kaudsopp 300x294 - ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍຕາມການລາຍງານຂອງທ່ານນາງ ວຽງທອງ ສີພັນດອນ ປະທານອົງການກວດສອບແຫ່ງລັດຕໍ່ກອງປະຊຸມສະພາແຫ່ງຊາດທີ່ພວມດໍາເນີນຢູ່ໃນປັດຈຸບັນນີ້ໄດ້ຊີ້ໃຫ້ເຫັນວ່າ: ໃນໄລຍະຫລາຍປີຜ່ານມາການນໍາໃຊ້ງົບປະມານລັດແມ່ນມີລັກຊະນະຊະຊາຍ ແລະ ລະເມີດລະບຽບວິໄນຢ່າງແຜ່ຫລາຍນັບແຕ່ສູນກາງຮອດທ້ອງຖິ່ນ, ຊຶ່ງມັນສະແດງອອກຄື: ອົງການດັ່ງກ່າວໄດ້ສະຫລຸບຜົນກວດສອບແຕ່ສົກປີ 2010-2011 ຮອດສົກປີ 2014-2015 ຈໍານວນ 448 ເປົ້າໝາຍ ແລະ ໄດ້ສົ່ງຂໍ້ມູນຜົນການກວດສອບໃຫ້ອົງການລັດຖະບານດໍາເນີນການກວດກາຕາມພາລະບົດບາດມີຄື: ຂໍ້ມູນການຊໍາລະໜີ້ສີນທີ່ມີສ່ວນຫລຸດດ້ວຍເງິນສົດ ແລະ ພັນທະບັດຈໍານວນ 2.900 ກວ່າຕື້ກີບ, ໂຄງການນອກແຜນຂອງບັນດາຫົວໜ່ວຍງົບປະມານຈໍານວນ 118 ໂຄງການລວມມີມູນຄ່າຕາມສັນຍາຫລາຍກວ່າ 1.100 ຕື້ກີບ, ໂຄງການບໍ່ໄດ້ຜ່ານຂັ້ນຕອນການປະເມີນຈໍານວນ 382 ໂຄງການມີມູນຄ່າຫລາຍກວ່າ 15.458 ຕື້ກີບ, ຂໍ້ມູນການຍົກເວັ້ນ ແລະ ຫລຸດຜ່ອນພາສີອາກອນໃນສົກປີ 2013-2014 ມີຫລາຍກວ່າ 2.000 ຕື້ກີບ ແລະ ສົກປີ 2014-2015 ມີ 2.400 ກວ່າຕື້ກີບ ແລະ ໂຄງການບໍ່ໄດ້ມີການປະມູນຢູ່ແຂວງຈໍາປາສັກມີ 18 ໂຄງການລວມມີມູນຄ່າ 891 ກວ່າຕື້ກີບ, ຢູ່ແຂວງອັດຕະປືມີ 48 ໂຄງການລວມມີມູນຄ່າ 98 ຕື້ກວ່າກີບ ແລະ ໂຄງການນອກແຜນງົບປະມານແຫ່ງລັດຂອງແຂວງອັດຕະປືຈໍານວນ 62 ໂຄງການລວມມີມູນຄ່າສັນຍາຫລາຍກວ່າ 117 ຕື້ກວ່າກີບ. ນອກຈາກນີ້ຍັງກວດສອບເຫັນລາຍຮັບທີ່ບໍ່ມອບເຂົ້າງົບປະມານ, ລາຍຈ່າຍນອກແຜນງົບປະມານ, ເງິນຝາກນອກລະບົບຄັງເງິນ, ຍອດເຫລືອເງິນໃນບັນຊີອົງການບໍລິຫານວິຊາການທີ່ບໍ່ໄດ້ສະສາງ, ການກູ້ຢືມເງິນຈາກທະນາຄານທີ່ບໍ່ລວມສູນຜ່ານຄັງເງິນແຫ່ງຊາດ, ການຊໍາລະໜີ້ໂຄງການລົງທຶນຂອງລັດນອກແຜນ, ການຈ່າຍລວງໜ້າໃນລະບົບຄັງເງິນແຫ່ງຊາດນອກແຜນ, ໜີ້ຕ້ອງຮັບຂອງບັນດາຂະແໜງການທີ່ເພີ່ມຂຶ້ນ, ການຫັນຊັບສີນເປັນທຶນທີ່ບໍ່ຖືກລະບຽບກົດໝາຍ, ການຍົກເວັ້ນການເກັບລາຍຮັບພາສີ-ອາກອນຈໍານວນຫລາຍ, ການຄຸ້ມຄອງລາຍຮັບ-ລາຍຈ່າຍເງິນວິຊາການນອກລະບົບງົບປະມານລັດ, ກວດສອບເຫັນເງິນປັນຜົນ, ອາກອນກໍາໄລ, ອາກອນລາຍໄດ້ທີ່ຕ້ອງມອບເພີ່ມ ແລະ ກວດສອບເຫັນລາຍຮັບເພີ່ມຈໍານວນ 3.135 ກວ່າຕື້ກີບເທົ່າກັບ 3,11% ຂອງລາຍຮັບງົບປະມານລັດ ແລະ ລາຍຈ່າຍເພີ່ມຈໍານວນ 9.819 ກວ່າຕື້ກີບເທົ່າກັບ 8,15% ຂອງລາຍຈ່າຍງົບປະມານລັດ.

ທ່ານປະທານອົງການກວດສອບແຫ່ງລັດ ກ່າວວ່າ: ຜົນການກວດສອບດັ່ງກ່າວໄດ້ຊີ້ໃຫ້ເຫັນການລະເມີດວິໃນແຜນການ-ການເງິນຢ່າງແຜ່ຫລາຍ ແລະ ສາມາດແກ້ໄຂບັນຫາພະນັກງານທີ່ສໍ້ລາດບັງຫລວງໄດ້ເປັນຈໍານວນຫລາຍນັບທັງຢູ່ສູນກາງ ແລະ ທ້ອງຖິ່ນ, ອີກບັນຫາໜຶ່ງແມ່ນລະບຽບກົດໝາຍ, ນິຕິກໍາລຸ່ມກົດໝາຍຈໍານວນໜຶ່ງຍັງບໍ່ແທດເໝາະກັບສະພາບຄວາມເປັນຈິງ ແລະ ຍັງມີຊ່ອງຫວ່າງໃຫ້ບັນດາຂະແໜງການ, ກຸ່ມຄົນຈໍານວນໜຶ່ງສວຍໂອກາດສວຍໃຊ້ເຂົ້າໃນການເຄື່ອນໄຫວທີ່ກໍໃຫ້ເກີດຄວາມເສຍຫາຍຫລວງຫລາຍຕໍ່ລະບົບງົບປະມານລັດ ກໍຄືສົ່ງຜົນກະທົບອັນບໍ່ດີຕໍ່ເສດຖະກິດຂອງຊາດ.

- Wave100S AD to Website 2020 0 - ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ
- WhatsApp Image 2020 05 27 at 5 - ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ
- WhatsApp Image 2020 05 27 at 5 - ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ

Comment

    ນົກນ້ອຍງອຍຫງ່າ
    10/05/2017 - 2:18 pm

    ບໍ່ຢາກພັນລະນັບເລີຍ ມັນຫລາຍເຫລືອລົ້ນ ພົ້ນຄະນານັບ ປະເທດຊາດລາວເຮົາເນັດແນວໃດມັນຈັ່ງຊິໄປລອດພົ້ນຈາກຄວາມດ້ອຍພັດທະນາ ປະຊາຊົນລາວຄົງບໍ່ມີທາງພົ້ນຈາກຄວາມທຸກຈົນໄດ້ຢ່າງແນ່ນອນ. ບໍ່ຕ້ອງໄປແລ່ນນຳຕົວເລກການເຕີບໂຕຂອງ GDP ໃຫ້ເສຍເວລາດອກ ( ເພາະແຮ້ງຄາບມາ-ກາຄາບໜີ) ມັນສິ້ນເປືອງເວລລາ ທາງທີ່ດີລະຮີບຟ້າວຈັດການການຮົ່ວໄຫລຂອງງົບປະມານ ອັດກົ້ນຄຸກົ້ນຖັງ ແລ້ວຈັ່ງໄປຕັກນໍ້າ ດີກວ່າຊິຫ້າວໃສ່ແຕ່ຕັກນໍ້າດ້ວຍຄຸດ້ວຍຖັງກົ້ນໂປດກົ້ນຮົ່ວໃຫ້ມັນເມື່ອ ເພາະຜູ້ທີ່ໄດ້ມັນບໍ່ແມ່ນປະເທດຊາດ ບໍ່ແມ່ນປະຊາຊົນ ກົງກັນຂ້າມມັນພັດແມ່ນພວກນັກທຸລະກິດ ພວກນາຍທຶນ ກັບພວກພະນັກງານທີ່ບໍ່ສັດຊື່ (ໂຈນໃນເຄື່ອງແບບພະນັກງານ) ກວດເຫັນແລ້ວໃຫ້ຮີບຟ້າວຈັດການຊະທ່ານເອີຍ ອີ່ຕົນຊາຕາກຳປະເທດຊາດ ປຊຊ ແດ່

Comments are closed.

error: Alert: ເນື້ອຫາຂ່າວມີລິຂະສິດ !!