ໄຟຟ້າ​ລາວ​ເຕືອນ​ໃຫ້​ສັງຄົມລະວັງ​ຄົນບໍ່ດີ​ແອບ​ອ້າງ​​ເປັນ​ພະນັກງານ​ເກັບ​ເງິນຄ່າ​ໄຟຟ້າ

- advert banner 728 90 728x90 - ໄຟຟ້າ​ລາວ​ເຕືອນ​ໃຫ້​ສັງຄົມລະວັງ​ຄົນບໍ່ດີ​ແອບ​ອ້າງ​​ເປັນ​ພະນັກງານ​ເກັບ​ເງິນຄ່າ​ໄຟຟ້າ

ວັນ​ທີ 3 ຕຸລານີ້, ທ່ານຈັນ​ສົມພິລາ​ລົມ​ ຮອງ​ຫົວໜ້າຝ່າຍ​ປະຕິບັດ​ການ​ໄຟຟ້ານະຄອນຫລວງ​ວຽງຈັນ ​ໄດ້​ໃຫ້​ສຳພາດ​ຕໍ່ສື່​ມວນ​ຊົນ​ວ່າ: ຄືດັ່ງ​ກ່ອນໜ້ານີ້, ​ໄດ້​ມີ​ຂ່າວ​ໃນ​ສື່​ສັງຄົມ​ອອນ​ລາຍກ່ຽວກັບ​ບັນຫາ​ຄົນ​ແອບ​ອ້າງ​ເປັນ​ພະນັກງານ​ໄຟຟ້າລາວ ​ໄປ​ເຄື່ອນ​ໄຫວ​​ເກັບ​ເງິນຄ່າ​ໄຟຟ້າ​ ​ແລະຕົວະ​ຍົວະ​ຫລອກ​ລວງ​ແລ່ນ​ເອົາ​ໄຟຟ້າ​ເຂົ້າ​ເຮືອນ​ນັ້ນ​ແມ່ນ​ມີ​ຄວາມ​ຈິງ, ຊຶ່ງ​ໄດ້​ສ້າງ​ຄວາມ​ເຊື່ອມ​ເສຍ​ໃຫ້​ແກ່​ໄຟຟ້າ​ລາວ​ຢ່າງ​ຫລວງຫລາຍ, ຊຶ່ງ​ເຫດ​ເກີດ​ຂຶ້ນ​ແມ່ນຢູ່​ເຂດ​ເມືອງ​ໄຊ​ທານີ ນະຄອນຫລວງ​ວຽງຈັນ, ​ໂດຍ​ຜູ້​ແອບ​ອ້າງ​ແມ່ນ​ເປັນ​ປະຊາຊົນຢູ່ບ້ານດົງ​ຄຳ​ຊ້າງ ​ເມືອງຫາດ​ຊາຍ​ຟອງ, ພາຍຫລັງ​ທີ່​ມີ​ການ​ຮັບ​ແຈ້ງ​ໄຟຟ້າລາວກໍ​ໄດ້​ມີ​ການກວດ​ສອບ ​ແລະສາມາດ​ຕິດຕາມ​ຕົວ​ຜູ້​ກະທຳ​ຜິດ​​ແລ້ວໄດ້​ເອີ້ນຜູ້ກ່ຽວມາ​ສຶກສາ​ອົບຮົມ​,ພ້ອມ​ທັງ​ເຮັດ​ບົດ​ບັນທຶກ​ກ່າວ​ເຕືອນ, ຕໍ່ກໍລະນີ​ນີ້, ໄຟຟ້ານະຄອນຫລວງ​ວຽງຈັນຈຶ່ງ​ຂໍເຕືອນ​ໃຫ້​ສັງຄົມຢ່າ​ຫລົງ​ເຊື່ອ​ກັບ​ບຸກຄົນ​ທີ່​ແອບ​ອ້າງດັ່ງກ່າວ ​ແລະຖ້າ​ພົບ​ເຫັນ​ຂໍ​ແຈ້ງ​ໃຫ້​ໄຟຟ້າ​ຮັບ​ຮູ້​ທັນທີ ​ເພື່ອ​ຈະ​ໄດ້​ຈັບ​ຕົວ​ຜູ້​ກະທຳ​ຜິດ​ມາ​ລົງ​ໂທດ​ຕາມ​ລະບຽບກົດໝາຍ ​ເນື່ອງຈາກ​ອາດຕົກ​ເປັນ​ເຫຍື່ອ​ຂອງ​ກຸ່ມ​ຄົນ​ບໍ່ດີ.

- new3 - ໄຟຟ້າ​ລາວ​ເຕືອນ​ໃຫ້​ສັງຄົມລະວັງ​ຄົນບໍ່ດີ​ແອບ​ອ້າງ​​ເປັນ​ພະນັກງານ​ເກັບ​ເງິນຄ່າ​ໄຟຟ້າ

ຮອງ​ຫົວໜ້າຝ່າຍ​ປະຕິບັດ​ການ​ໄຟຟ້ານະຄອນຫລວງ​ວຽງຈັນ ​ໃຫ້​ຮູ້ວ່າ: ປັດ​ຈຸ​ບັນf ​ຜູ້​ຊົມ​ໃຊ້​ໄຟຟ້າຢູ່ນະຄອນຫລວງ​ວຽງຈັນມີ​ຈຳນວນ​ເພີ່ມ​ຂຶ້ນ, ສະ​ເພາະ​ປີ 2018 ມີ​ຫລາຍ​ກວ່າ 3 ​ແສນ​ຄົນ, ສະ​ນັ້ນ ​ເພື່ອ​ຮອງ​ຮັບ​ການ​ບໍລິການ​ໃຫ້​ມີ​ຄວາມ​ສະດວກ ​ແລະວ່ອງ​ໄວ, ​ໄຟຟ້ານະຄອນຫລວງ​ວຽງຈັນ​ໄດ້​ຂະຫຍາຍ​ສູນ​ບໍລິການ​ໄຟຟ້າສຸກ​ເສີນອອກ​ເປັນ12 ສູນ, ສູນ​ເກັບ​ເງິນຢູ່ສາຂາ​ໄຟຟ້າ​ເມືອງຈຳນວນ 16 ສູນ ​ແລະ ​ໄດ້​ຕິດ​ຕັ້ງ​ໂທລະສັບ​ເບີ 1199 ​ເພື່ອ​ຮັບ​ແຈ້ງ​ໄຟຟ້າ​ຂັດຂ້ອງຕະຫລອດ 24 ຊົ່ວ​ໂມງ, ນອກ​ນັ້ນຍັງ​ມີ​ລົດ​ໃຫ້​ບໍລິການ​ເກັບ​ເງີ​ນ​ເຄື່ອນ​ທີ່ລົງ​ຕາມ​ບ້ານ​ທີ່​ຫ່າງ​ໄກ​ຊອກ​ຫລີກຈາກ​ສູນ​ຮັບເງິນສະ​ເລ່ຍ 15 ບ້ານຕໍ່ ​ເດືອນ ​ແລະການ​ເສຍ​ຄ່າ​ບໍລິການ​ກະ​ແສ​ໄຟຟ້າ​ຜ່ານ​ທະນາຄານ, ສະ​ເພາະ​ການ​ບໍລິການ​ຕິດ​ຕັ້ງ​ໄຟຟ້າເຂົ້າ​ເຮືອນຫລືໝໍ້​ແປງ​ຕ່າງໆທາງ​ໄຟຟ້າ​ລາວ​ໄດ້​ເປີດ​ບໍລິການ​ຜ່ານ​ລະບົບ​ປະຕູ​ດຽວມາ​ຍັງ​ໄຟຟ້າ​ລາວ,ຊຶ່ງ​ຈະ​ມີ​ການ​ດຳ​ເນີນ​ການ​ຊ້າ​ສຸດ​ບໍ່​ເກີນ 35 ມື້.

- lattana 1 - ໄຟຟ້າ​ລາວ​ເຕືອນ​ໃຫ້​ສັງຄົມລະວັງ​ຄົນບໍ່ດີ​ແອບ​ອ້າງ​​ເປັນ​ພະນັກງານ​ເກັບ​ເງິນຄ່າ​ໄຟຟ້າ
error: Content is protected !!