ເນັ້ນພິທີການຫຼາຍ ພັດກາຍເວລາ  

- small stage event - ເນັ້ນພິທີການຫຼາຍ ພັດກາຍເວລາ  
- Untitled design - ເນັ້ນພິທີການຫຼາຍ ພັດກາຍເວລາ  

ໂດຍ : ມຶກບໍ່ແຫ້ງ

ເລື່ອງພິທີການເປັນສິ່ງທີ່ຂາດບໍ່ໄດ້ໃນຫຼາຍເລື່ອງ ແຕ່ບາງເລື່ອງ ພວກເຮົາຍັງມາມົວແຕ່ເອົາພິທີການ ວຽກງານກໍ ອາດຊັກຊ້າໄດ້.

ເມື່ອອາທິດທີ່ແລ້ວຜູ້ຂຽນໄດ້ເຂົ້າຮ່ວມປະຊຸມປຶກສາຫາລື ແລະປະກອບຄຳເຫັນໃສ່ ຮ່າງນະໂຍບາຍໃໝ່ ຂອງກະຊວງໜຶ່ງ ທີ່ເພິ່ນກໍໄດ້ເຊື້ອເຊີນ ຜູ້ເຂົ້າຮ່ວມຫຼາຍຫພາກສ່ວນສົມຄວນທັງຕ່າງແຂວງ ແລະນະຄອນຫຼວງວຽງຈັນ ນັບລວມແລ້ວກໍເກືອບ 50 ປາຍຄົນພຸ້ນລະ.

ກອງປະຊຸມນັດໝາຍ 8.30 ໂມງຕອນເຊົ້າ ແຕ່ໄດ້ເລີ່ມຕົວຈິງແມ່ນເວລາ 9.20 ໂມງ ເພາະຖ້າຄົນ ມາຄົບ ແລະ ສຳຄັນນັ້ນ ທ່ານປະທານກອງປະຊຸມ ແມ່ນມາຊ້າກວ່າໝູ່ ເຊິ່ງຜູ້ຂຽນ ກໍມັກເຫັນແບບນີ້ເລື້ອຍໆ, ມີໜ້ອຍຫຼາຍແທ້ໆ ທີ່ຈະເຫັນທ່ານປະທານມາຖ້າ ຜູ້ເຂົ້າຮ່ວມປະຊຸມ.

ແຕ່ອັນທີ່ສຳຄັນນັ້ນ ຮ່າງນະໂຍບາຍທີ່ວ່າ ມີເກືອບ 30 ໜ້າ ການກ່າວເປີດຂອງທ່ານປະທານ ກໍຍາວຢຽດສົມຄວນ, ກ່ອນທີ່ກອງເລຂາຈະສາມາດນຳສະເໜີ ຮ່າງນະໂຍບາຍຕໍ່ຜູ້ເຂົ້າຮ່ວມນັ້ນ ກໍເປັນເວລາ 10 ໂມງເກືອບເຄິ່ງໄປສາແລ້ວ, ສະແດງວ່າຄາບເຊົ້ານັ້ນ ການເຮັດວຽກເນື້ອໃນ ຂອງກອງປະຊຸມແທ້ໆປະມານ ຊົ່ວໂມງເຄິ່ງ ຫາ ສອງຊົ່ວໂມງເທົ່ານັ້ນລະ.

 

ເພາະສະນັ້ນ, ພໍຮອດ 4 ໂມງປາຍ ທ່າມກາງ ການຫົນຫວາຍ ຂອງຜູ້ເຂົ້າຮ່ວມຫຼາຍງທ່ານທີ່ຢາກໄປຮັບລູກ ກໍປະກົດອອກມາ, ສະຫຼຸບຄ່າວໆ ໝົດມື້ພວກເຮົາສາມາດເຮັດວຽກລົງເລິກເນື້ອໃນແທ້ໆ ພຽງແຕ່ 4-5 ຊົ່ວໂມງເທົ່ານັ້ນ, ສະນັ້ນ ຈຶ່ງບໍ່ແປກໃຈເລີຍ ທີ່ຜູ້ທີ່ຈະມີຄຳເຫັນເພີ່ມໃສ່ຮ່າງນະໂຍບາຍດັ່ງກ່າວ ຈະຕ້ອງໄດ້ຂຽນ ມາສົ່ງໃຫ້ກອງເລຂາພາຍຫຼັງແທນ.

- Wave100S AD to Website 2020 0 - ເນັ້ນພິທີການຫຼາຍ ພັດກາຍເວລາ  

ບໍ່ຕິເສດໄດ້ວ່າ ການເຄັ່ງພິທີການ ອາດຈະເປັນເລື່ອງທີ່ຂາດບໍ່ໄດ້ ແລະສຳຄັນ ສຳລັບວຽກທາງການ ເປັນຕົ້ນ ການຮັບແຂກ ທີ່ສຳຄັນ, ການຈັດພິທີການຂອງ ງານສະເຫຼີມສະຫຼອງຕ່າງໆ ເຫັນວ່າ ການເຮັດວຽກທີ່ມີລັກສະນະວິຊາການຄືວ່ານັ້ນ ກໍອາດຫຼຸດຜ່ອນພິທີການລົງແດ່ກໍໄດ້ ເພື່ອປ່ອຍເວລາໃຫ້ ການສົນທະນາ ທາງດ້ານວິຊາການເຂັ້ມຂຸ້ນ ແລະສຳເລັດຕາມກຳນົດເວລາ.

ເວົ້າມາຮອດນີ້ ຜູ້ຂຽນກໍຄິດພໍ້ການນຳສະເໜີຂອງ ເວທີເສດຖະກິດໂລກ (World Economic Forum) ກ່ຽວກັບ ຄຸນລັກສະນະຂອງ ຄົນດັດຈ໌ (Dutch) ເພິ່ນເວົ້າວ່າ ຄົນດັດຈ໌ ນີ້ຈັ່ງແມ່ນເປັນຄົນເວົ້າກົງ ແລະກະທັດຮັດ ເພາະເຊື່ອວ່າເຮັດທຸກສິ່ງຢ່າງໃຫ້ງ່າຍລຽບງ່າຍ ແລະງ່າຍດາຍໄດ້, ບໍ່ມີການເວົ້າແບບຍືດຍາວ ແລະຕຶ່ມນໍ້າຕານ ໃຫ້ຟັງຫວານຫູຊື່ໆ ແຕ່ວິທີທາງແບບນີ້ ອາດເຮັດໃຫ້ ວັດທະນະທຳອື່ນໆ ເບິ່ງຄືວ່າ ບໍ່ສຸພາບ ແລະເສຍມາລະຍາດ ເຊິ່ງຈາກຮູບແບບການສື່ສານນີ້ ກໍມີການເຊື່ອມໂຍງກັບວິທີການເຮັດວຽກເຊັ່ນກັນນັ້ນລະ.

ອີງຕາມການຄົ້ນຄວ້າຂອງ ມະຫາວິທະຍາໄລ ຮາວາດ (Havard Bussiness Review) ສະແດງໃຫ້ເຫັນວ່າ ຕ່າງວັດທະນະທຳ ກໍຕ່າງຄວາມນິຍົມ ຮູບແບບການນໍາພາ, ຜູ້ນຳພາ ທີ່ເວົ້າກົງຕົງປະເດັນ, ເວົ້າສັ້ນ ເນັ້ນເນື້ອໃນ ລະແມ່ນວ່າເຫັນຫຼາຍຢູ່ປະເທດ ໂຮນລັງ ແຕ່ຜູ້ມັກພິທີການທີ່ລະອຽດລະອໍ ລະແມ່ນວ່າຢູ່ອາຊີ, ອາຟຣິກາ ແລະ ອາເມລິກາໃຕ້ ວ່າຊັ້ນ.

ແລ້ວພວກເຮົາເດຈະເລືອກວິທີການ ການເຮັດວຽກແບບໃດ ຈຶ່ງຈະໄດ້ຜົນ? ແຕ່ໃນຕົວຈິງທີ່ເຫັນມານັ້ນ ເມື່ອເນັ້ນ ພິທີການຫຼາຍ ພັດກາຍເວລານັ້ນແລ.

- WhatsApp Image 2020 05 27 at 5 - ເນັ້ນພິທີການຫຼາຍ ພັດກາຍເວລາ  
- WhatsApp Image 2020 05 27 at 5 - ເນັ້ນພິທີການຫຼາຍ ພັດກາຍເວລາ  
error: Alert: ເນື້ອຫາຂ່າວມີລິຂະສິດ !!