ລາວເຂົ້າຮ່ວມກອງປະຊຸມລັດຖະມົນຕີປະຊາຄົມວັດທະນະທຳ-ສັງຄົມອາຊຽນຄັ້ງທີ 20

- Asean cocio culture - ລາວເຂົ້າຮ່ວມກອງປະຊຸມລັດຖະມົນຕີປະຊາຄົມວັດທະນະທຳ-ສັງຄົມອາຊຽນຄັ້ງທີ 20
- Untitled design - ລາວເຂົ້າຮ່ວມກອງປະຊຸມລັດຖະມົນຕີປະຊາຄົມວັດທະນະທຳ-ສັງຄົມອາຊຽນຄັ້ງທີ 20

ໃນວັນທີ 3 ຕຸລາ 2018 ທີ່ ໂຮງແຮມ Shangri-La. ສິງກະໂປ ກອງປະຊຸມລັດຖະມົນຕີ ສະພາປະຊາຄົມວັດທະນະທຳ-ສັງຄົມອາຊຽນ ຄັ້ງ​ທີ 20 ແລະ ບັນດາກອງປະຊຸມປີ່ນອ້ອມອື່ນໆ ພາຍໃຕ້ການເປັນປະທານອາຊຽນຂອງສິງກະໂປ: “Resilient and Innovative” ໄດ້ຈັດຂຶ້ນໃນວັນທີ 3 ຕຸລານີ້. ໂດຍມີບັນດາລັດຖະມົນຕີ, ຮອງລັດຖະມົນຕີ, ເຈົ້າໜ້າທີ່ອາວຸໂສ ແລະ ບັນດາຜູ້ແທນກ່ຽວຂ້ອງ ຈາກບັນດາປະເທດສະມາຊິກອາຊຽນ ພ້ອມດ້ວຍ ທ່ານ ເລຂາທິການໃຫຍ່ອາຊຽນ Lim Jock Hoi ເຂົ້າຮ່ວມນໍາດ້ວຍ. ສ່ວນຄະນະຜູ້ແທນຝາຍລາວ ນຳໂດຍ, ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ.

ກ່ອນກອງປະຊຸມລັດຖະມົນຕີສະພາປະຊາຄົມວັດທະນະທຳ-ສັງຄົມອາຊຽນ ຄັ້ງນີ້ ຍັງໄດ້ຈັດກອງປະຊຸມສົນທະນາວົງແຄບບັນດາລັດຖະມົນຕີ ສະພາວັດທະນະທຳສັງຄົມອາຊຽນ “ASEAN Ministerial Retreat on. Culture of Prevention ຫລື CoP” ເພື່ອຫາລືສະເພາະກ່ຽວກັບການສືບຕໍ່ການຮ່ວມມື ແລະ ຄົ້ນຄວ້າບັນດານະໂຍບາຍຍຸດທະສາດ ແລະ ກິດຈະກຳຈັດຕັ້ງຕົວຈິງຕ່າງໆ ເພື່ອຜັນຂະຫຍາຍຖະແຫລງການວ່າດ້ວຍວັດທະນະທຳແຫ່ງການປົກປ້ອງ-ປ້ອງກັນເຫດ “ ASEAN Declaration on Culture of Prevention for Peaceful, Inclusive, Resilient, Healthy and Harmonious Society” ທີ່ໄດ້ຖືກຮັບຮອງໂດຍ ບັນດາຜູ້ນຳອາຊຽນຢູ່ໃນກອງປະຊຸມອາຊຽນຄັ້ງທີ 31 ທີ່ຟິລິປິນ ໃຫ້ປາກົດຜົນເປັນຈິງ.

ຫລັງຈາກນັ້ນ, ບັນດາລັດຖະມົນຕີ ຜູ້ຮັບຜິດຊອບວຽກງານສະພາວັດທະນະທຳ-ສັງຄົມອາຊຽນດັ່ງ ກ່າວ, ໄດ້ສືບຕໍ່ເຂົ້າຮ່ວມປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 19 ເພື່ອຮັບຟັງລາຍງານ ກ່ຽວກັບການຈັດຕັ້ງປະຕິບັດວຽກງານຂອງບັນດາຂະແໜງການ ພາຍໃຕ້ເສົາຄໍ້າວັດທະນະທຳ-ສັງຄົມອາຊຽນ ແລະ ຮັບຊາບວຽກງານບຸລິມະສິດ ພາຍໃຕ້ການເປັນປະທານອາຊຽນຕະຫລອດປີ 2018 ສິງກະໂປ, ພາຍໃຕ້ຄຳຂວັນ “Singapore 2018 Resilient and Innovative” ກອງປະຊຸມໄດ້ເຫັນດີຮັບຮອງເອົາ ແຜນປະຕິບັດງານພາກພື້ນຂອງຖະແຫລງການວຽງຈັນ ວ່າດ້ວຍການຫັນການຈ້າງງານນອກລະບົບໄປສູ່ລະບົບໃນອາຊຽນ.

ກອງປະຊຸມໄດ້ຄົ້ນຄວ້າ ແລະ ປຶກສາຫາລືບັນຫາຕ່າງໆ ຢ່າງກວ້າງຂວາງ ແລະ ສ້າງສັນ ໃນນັ້ນປະກອບດ້ວຍ 3 ເອກະສານ ພື່ອນໍາສະເໜີຕໍ່ຜູ້ນໍາອາຊຽນຮັບຊາບ (Notation) ໃນກອງປະຊຸມສຸດຍອດອາຊຽນ ຄັ້ງທີ 33 ເຊິ່ງຈະຈັດຂື້ນໃນເດືອນພະຈິກ 2018 ທີ່ ປະເທດສິງກະໂປ ຄື: (1) Core Values on Digital Literacy for ASEAN, (2) Framework and Joint Declaration to Minimise the Harmful Effects of Fake News ແລະ (3) ASEAN Communication Master Plan II (2018-2025). ນອກຈາກນັ້ນ, ກອງປະຊຸມ ຍັງໄດ້ຮັບຮອງເອກະສານ ເຊັ່ນ: Framework for Co-Production in the Audio-Visual Sector for ASEAN, Revision to Digital Video Broadcasting-Second Generation Terrestrial (DVB-T2) Integrated Receiver Decoder Technical Specifications for ASEAN ແລະ Joint Media Statement of the 14th AMRI and Related Meetings.

- Wave100S AD to Website 2020 0 - ລາວເຂົ້າຮ່ວມກອງປະຊຸມລັດຖະມົນຕີປະຊາຄົມວັດທະນະທຳ-ສັງຄົມອາຊຽນຄັ້ງທີ 20

ໃນວັນດຽວກັນ, ກອງປະຊຸມລັດຖະມົນຕີ ຮັບຜິດຊອບວຽກງານຖະແຫລງຂ່າວອາຊຽນ+3 ຄັ້ງທີ 5 ຍັງໄດ້ຮັບຮອງເອົາບັນແຜນວຽກໃນກອບການຮ່ວມມືອາຊຽນ+3 ເຊັ່ນ: Work Plan on Enhancing ASEAN-China Cooperation through Information and Media 2018-2020, Work Plan on Enhancing ASEAN Plus Three Cooperation through Information and Media 2018-2023 ແລະ ASEAN-Japan Cooperation Initiative for Broadcasting and Television 2018-2019.

- WhatsApp Image 2020 05 27 at 5 - ລາວເຂົ້າຮ່ວມກອງປະຊຸມລັດຖະມົນຕີປະຊາຄົມວັດທະນະທຳ-ສັງຄົມອາຊຽນຄັ້ງທີ 20
- WhatsApp Image 2020 05 27 at 5 - ລາວເຂົ້າຮ່ວມກອງປະຊຸມລັດຖະມົນຕີປະຊາຄົມວັດທະນະທຳ-ສັງຄົມອາຊຽນຄັ້ງທີ 20
error: Alert: ເນື້ອຫາຂ່າວມີລິຂະສິດ !!