ຮອງ​ນາ​ຍົກ​ລັດຖະມົນຕີແນະນໍາໃຫ້ເຂດປະສົບໄພນໍ້າຖ້ວມເອົາໃຈໃສ່ຟື້ນຟູການຜະລິດ

- sonexay - ຮອງ​ນາ​ຍົກ​ລັດຖະມົນຕີແນະນໍາໃຫ້ເຂດປະສົບໄພນໍ້າຖ້ວມເອົາໃຈໃສ່ຟື້ນຟູການຜະລິດ
- Untitled design - ຮອງ​ນາ​ຍົກ​ລັດຖະມົນຕີແນະນໍາໃຫ້ເຂດປະສົບໄພນໍ້າຖ້ວມເອົາໃຈໃສ່ຟື້ນຟູການຜະລິດ

ກອງ​ປະ​ຊຸມ​ຄະ​ນະ​ກຳ​ມະ​ການ​ສະ​ເພາະ​ກິດແກ້​ໄຂ​ໄພ​ພິ​ບັດ​ລະ​ດັບ​ຊາດຄັ້ງ​ທີ 6 ໄດ້ຈັດຂຶ້ນໃນວັນທີ 4 ຕຸລານີ້ທີ່ນະຄອນຫລວງວຽງຈັນ, ໂດຍ​ການ​ເປັນ​ປະ​ທານ​ຂອງ​ທ່ານ ສອນ​ໄຊ ສີ​ພັນ​ດອນ ຮອງ​ນາ​ຍົກ​ລັດ​ຖະ​ມົນ​ຕີ, ທັງ​ເປັນ​ປະ​ທານ​ຄະ​ນະ​ກຳ​ມະ​ການ​ສະ​ເພາະ​ກິດ​ແກ້​ໄຂ​ໄພ​ພິ​ບັດ​ລະ​ດັບ​ຊາດ, ພ້ອມ​ດ້ວຍ​ຄະ​ນະເຂົ້າ​ຮ່ວມ. ​

ກອງ​ປະ​ຊຸມ​ດັ່ງ​ກ່າວ, ເພື່ອ​ສະ​ຫລຸບ​ຕີ​ລາ​ຄາ​ຄືນການ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຕ່າງໆ​ໃນ​ການແກ້​ໄຂ​ໄພ​ພິ​ບັດຢູ່​ເມືອງ​ສະ​ໜາມ​ໄຊແຂວງອັດ​ຕະ​ປື ແລະ ທົ່ວ​ປະ​ເທດ ເປັນ​ຕົ້ນ​ແມ່ນ​ການ​ຊ່ວຍ​ເຫລືອ ແລະ ຟື້ນ​ຟູຜູ້​ໄດ້​ຮັບ​ຜົນ​ກະ​ທົບ, ການ​ລະ​ດົມ​ທຶນ, ການ​ຊອກ​ຄົ້ນ​ຜູ້​ສູນ​ຫາຍ, ການ​ປຸກ​ສ້າງ​ທີ່​ຢູ່​ອາ​ໄສ ແລະ ການ​ຈັດ​ສັນ​ງົບ​ປະ​ມານໃນ​ການ​ຈັດ​ຕັ້ງ​ປະ​ຕິ​ບັດ​ແກ້​ໄຂ​ໄພ​ພິ​ບັດ​ດັ່ງ​ກ່າວ.

ໃນ​ໂອ​ກາດນີ້, ທ່ານ ສອນ​ໄຊ ສີ​ພັນ​ດອນ ໄດ້​ເນັ້ນ​ວ່າ: ໃຫ້​ພ​າກ​ສ່ວນ​ກ່ຽວ​ຂ້ອງ​ເອົາ​ໃຈ​ໃສ່​ຈັດ​ສັນ​ທີ່​ຢູ່​ອາ​ໃສ​ຊົ່ວ​ຄາວ, ບຸກ​ເບີກ​ເນື້ອ​ທີ່​ປຸກສ້າງບ່ອນຢູ່​ຖາ​ວອນ ແລະ ​ສືບ​ຕໍ່ເອົາ​ໃຈ່​ໃສ່​ຄົ້ນ​ຄວ້າ​ເນື້ອ​ທີ່​ການ​ຜະ​ລິດ​ໃຫ້​ປະ​ຊາ​ຊົນ, ຄວບ​ຄຸມ​ບໍ່​ໃຫ້​ມີ​ພະ​ຍາດ​ລະ​ບາດ, ປັບ​ປຸງ​ອຳ​ນາດ​ການ​ປົກ​ຄອງ​ຂັ້ນ​ບ້ານ, ວາງ​ແຜນ​ໄລ​ຍະ​ສັ້ນ​ໃນ​ການ​ແກ້​ໄຂ​ຊີ​ວິດ​ການ​ເປັນ​ຢູ່​ເບື້ອງ​ຕົ້​ນ ​ຢູ່​ຈຸດ​ຈັດ​ສັນ​ບ້ານ​ຕັ້ງ​ໃໝ່, ສຳ​ລັບ​ເຂດ​ການ​ຜະ​ລິດ​ຕ້ອງ​ມີ​ການ​ສຳ​ຫລວດ ພ້ອ​ມ​ທັງ​ສະ​ໜອງ​ແນວ​ພັນ​ພືດ ແລະ ສັດ​ໃຫ້​ປະ​ຊາ​ຊົນ, ໃຫ້​ຂະ​ແໜງ​ການ​ທີ່​ກ່ຽວ​ຂ້ອງ​ສຸ່​ມ​ໃສ່​ແກ້​ໄຂ​ການ​ຜ​ະ​ລິດ​ຂອງ​ປະ​ຊາ​ຊົນ, ກຳ​ນົດ​ນະ​ໂຍ​ບາຍ​ທີ່​ເໝາະ​ສົມ, ໃຫ້​ຄະ​ນະ​ສະ​ເພາະ​ກິດ​ສືບ​ຕໍ່​ແກ້​ໄຂ​ຕາ​ມ​ໜ້າ​ວຽກ​ຂອງ​ຕົນ​ທີ່​ໄດ້​ຮັບ​ມອບ​ໝາຍ, ເອົາ​ໃຈ​ໃສ່​ປັບ​ປຸງ​ພື້ນ​ຖານ​ໂຄງ​ລ່າງ​ດ້ານ​ການ​ສຶກ​ສາ, ສາ​ທາ​ລະ​ນ​ະ​ສຸກ ເພື່ອຮັບ​ປະ​ກັນ​ສຸ​ຂະ​ພາບ​ຂອງ​ປະ​ຊາ​ຊົນ ໂດຍ​ສະ​ເພາະ​ແມ່ນ​ດ້ານ​ຄຸນ​ນະ​ພາບ​ຂອງນ້ຳ, ສືບ​ຕໍ່​ຕິດ​ຕາມ​ຂ່າວ ເປັນ​ຕົ້ນ​ແມ່ນ ​ການ​ຊ່ວຍ​ເຫລືອ​ຈາກ​ພ​າກ​ສ່ວນ​ຕ່າງໆ.

- Wave100S AD to Website 2020 0 - ຮອງ​ນາ​ຍົກ​ລັດຖະມົນຕີແນະນໍາໃຫ້ເຂດປະສົບໄພນໍ້າຖ້ວມເອົາໃຈໃສ່ຟື້ນຟູການຜະລິດ
- WhatsApp Image 2020 05 27 at 5 - ຮອງ​ນາ​ຍົກ​ລັດຖະມົນຕີແນະນໍາໃຫ້ເຂດປະສົບໄພນໍ້າຖ້ວມເອົາໃຈໃສ່ຟື້ນຟູການຜະລິດ
- WhatsApp Image 2020 05 27 at 5 - ຮອງ​ນາ​ຍົກ​ລັດຖະມົນຕີແນະນໍາໃຫ້ເຂດປະສົບໄພນໍ້າຖ້ວມເອົາໃຈໃສ່ຟື້ນຟູການຜະລິດ
error: Alert: ເນື້ອຫາຂ່າວມີລິຂະສິດ !!