ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ

-                                                                                   - ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ
- Untitled design - ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ

ຕຳຫລວດ​ຟີ​ລິບ​ປິນ ດ້ວຍ​ການ​ສະໜັບ​ສະ​ໜູນ​ຈາກ​ທະຫານ ສັງຫານ​ຜູ້​ຕ້ອງ​ສົງ​ໄສ​ຄ້າ​ຢາ​ເສບ​ຕິດ 9 ຄົນ ​ແລະ ຈັບ​ກຸມ 117 ຄົນ ​ໃນ​ປະຕິບັດ​ການ​ກວາດ​ລ້າງ​ຄັ້ງ​ໃຫຍ່​ເປັນ​ເວລາ 2​ເຖິງ​ວັນ​ທີ 4 ຕຸລາ, ຂະນະ​ທີ່​ລັດຖະບານ​ເດີນ​ໜ້າ​ສົງຄາມ​ຢາ​ເສບ​ຕິດ ​ເຊິ່ງ​ເຮັດ​ໃຫ້​ຜູ້​ຕ້ອງ​ສົງ​ໄສ​ຖືກ​ຂ້າ​ຫລາຍ​ກວ່າ 4.800 ຄົນ.

-                                                                                  1 - ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ

ສຳນັກ​ຂ່າວ AP ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 4 ຕຸລາ​ວ່າ: ທ່ານ ​ເດິ​ໂບລ ຊິ​ນາສ ຜູ້​ບັນຊາ​ການ​ຕຳຫລວດ​ພາກ​ກາງ ​ເປີດ​ເຜີຍ​ວ່າ: ຜູ້​ຕ້ອງ​ສົງ​ໄສ 9 ຄົນ​ຖືກ​ຍິງ​ເສຍ​ຊີວິດ ຈາກ​ການ​ຍິງ​ຕໍ່ສູ້​ກັບ​ຕຳຫລວດ ​ໃນ​ລະຫວ່າງ​ການ​ບຸກທຳລາຍ​ຫລາຍ​ສິບ​ຈຸດ ລະຫວ່າງ​ວັນ​ທີ 3-4 ຕຸລາ​ນີ້ ຢູ່​ແຂວງ​ເຊ​ບູ ທາງ​ພາກ​ກາງ ​ແລະ ມີ​ຜູ້​ຖືກ​ຈັບ 117 ຄົນ. ນອກຈາກ​ນັ້ນ ຕຳຫລວດ​ຍັງ​ຢຶດຂອງ​ກາງ​ຢາ​ບ້າ​ໃນ​ຖົງ​ຢາງ​ຂະໜາດ​ນ້ອຍ​ເກືອບ 1.000 ຖົງ ​ແລະ ອາວຸດ​ປືນ 78 ກະບອກ.

ທ່ານ ຊິ​ນາສ ​ເປີດ​ເຜີຍ​ອີກ​ວ່າ: ຜູ້​ຕ້ອງ​ສົງ​ໄສ​ທີ່​ຖືກ​ຈັບ 103 ຄົນ​ໃນ 117 ຄົນ ພົວພັນ​ກັບ​ຢາ​ເສບ​ຕິດ, ຕຳຫລວດ​ໃຊ້​ປະຕິບັດ​ການ​ລໍ້​ຊື້ 48 ຈຸດ​ທົ່ວ​ແຂວງ​ເຊ​ບູ.

- Wave100S AD to Website 2020 0 - ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ

ກ່ອນ​ໜ້າ​ນີ້, ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ຜູ້ນຳ​ຟີ​ລິບ​ປິນ ກ່າວ​ວ່າ: ສົງຄາມ​ກວາດ​ລ້າງ​ຢາ​ເສບ​ຕິດ ​ແລະ ອາ​ຊະ​ຍາ​ກຳ​ຂອງ​ທ່ານ ຈະ “ບໍ່​ຢຸດ​ຢັ້ງ ​ແລະ ຢ້ານ​ກົວ” ຄື​ໄລຍະ​ທຳ​ອິດ ພາຍຫລັງ​ເຂົ້າຮັບ​ຕຳ​ແໜ່​ງຜູ້ນຳ​ປະ​ເທດ ​ໃນ​ເດືອນ​ມິຖຸນາ 2016, ​ເຖິງ​ວ່າ​ຈະ​ມີ​ຜູ້​ຍື່ນ​ຟ້ອງ​ສານ​ອາຍາ​ສາກົນ (ICC) 2 ຄະດີ ​ໃນ​ຂໍ້​ຫາ​ສັງຫານ​ໝູ່ ລວມທັງ​ມີ​ສຽງ​ວິຈານ​ຈາກ​ລັດຖະບານ​ປະ​ເທດ​ຕາ​ເວັນ​ຕົກ ​ແລະ ໜ່ວຍ​ງານ​ກວດ​ສອບ​ຂອງ​ສະຫະ​ປະຊາ​ຊາດ.

ຖະ​ແຫລ​ງການ​ຂອງ​ສຳນັກງານ​ຕຳຫລວດ​ປາບ​ປາມ​ຢາ​ເສບ​ຕິດ​ຟີ​ລິບ​ປິນ ລະບຸ​ວ່າ: ຜູ້​ຕ້ອງ​ສົງ​ໄສ​ເສຍ​ຊີວິດ 4.854 ຄົນ ຈາກ​ການ​ຍິງ​ຕໍ່ສູ້​ກັບ​ເຈົ້າໜ້າ​ທີ່​ຕຳຫລວດ ລະຫວ່າງ​ເດືອນ​ກໍລະກົດ 2016 ຈົນ​ເຖິງ​ວັນ​ທີ 31 ສິງຫາ​ປີ​ນີ້, ​ແຕ່​ຫລາຍ​ກຸ່ມ​ສິດທິ​ມະນຸດ ກ່າວ​ວ່າ: ຕົວ​ເລ​ກ​ເສຍ​ຊີວິດ​ແທ້ຈິງ​ສູງ​ກວ່າ​ລັດຖະບານ​ປະກາດ.

- WhatsApp Image 2020 05 27 at 5 - ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ
- WhatsApp Image 2020 05 27 at 5 - ຕຳຫລວດຟີລິບປິນຍິງຜູ້ຄ້າຢາເສຍຊີວິດ ອີກ 9 ຄົນ, ຈັບເປັນ 117 ຄົນ
error: Alert: ເນື້ອຫາຂ່າວມີລິຂະສິດ !!