ການຈັດສັນຄວາມເປັນລະບຽບຮຽບຮ້ອຍຂອງຕົວເມືອງຫລວງເຫັນວ່າຍາກຫລາຍ

- advert banner 728 90 728x90 - ການຈັດສັນຄວາມເປັນລະບຽບຮຽບຮ້ອຍຂອງຕົວເມືອງຫລວງເຫັນວ່າຍາກຫລາຍ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ຖ້າເຮັດຫຍັງກໍຍາກ ຄືດັ່ງການຈັດສັນຄວາມເປັນລະ ບຽບຮຽບຮ້ອຍຂອງຕົວເມືອງ ຫລວງເຮົາໃນປັດຈຸບັນກໍອາດ ຈະມີຜົນສຳເລັດໄດ້, ເພາະວ່າ ວຽກນີ້ທາງນະຄອນຫລວງໄດ້ ປະຕິບັດມາເປັນເວລາກໍດົນນານ ສົມຄວນແລ້ວແຕ່ໃນທີ່ສຸດວຽກ ດັ່ງກ່າວກໍບໍ່ໄປບໍ່ມາ, ໂດຍພາກ ສ່ວນກ່ຽວຂ້ອງອ້າງວ່າຍ້ອນປະ ຊາຊົນບໍ່ໃຫ້ການຮ່ວມມືຄືຜ່ານ ການເຮັດທົດລອງຢູ່ເມືອງໄຊ ເສດຖາໄລຍະທຳອິດແມ່ນປະຕິ ບັດຢູ່ສອງເສັ້ນທາງຄື: ເສັ້ນທາງ ແຕ່ວົງວຽນທາດຫລວງ-ຫົວຂົວ – ວັງຊາຍ ອອກໄປໃສ່ 4 ແຍກ ໄຟແດງຫລັກ 6 ມາຮອດປັດຈຸ ບັນສຳເລັດພຽງ 95% ໃນນັ້ນ ມີເທີບ, ເງີບກວມເສັ້ນທາງຍ່າງ 215 ຈຸດແກ້ໄຂໄດ້ 180 ຈຸດ, ສ່ວນປ້າຍໂຄສະນາຕ່າງໆທີ່ເປັນ ສິ່ງກີດຂວາງຈຳນວນ 166 ປ້າຍ ແກ້ໄຂໄດ້ 157 ປ້າຍ ແລະ ກໍລະ ນີ ຜູ້ຂາຍເຄື່ອງແຄມທາງມີ 195 ຈຸດ ແກ້ໄຂໄດ້ພຽງ 175 ຈຸດ, ສຳ ລັບໄລຍະ 2 ເຊິ່ງພວມປະຕິບັດ ຢູ່ ໃນປັດຈຸບັນແມ່ນຢູ່ເສັ້ນທາງກຳ ແພງເມືອງແຕ່ໄຟແດງໂພນພະ ເນົາໄປຮອດໄຟຟ້າໂພນທັນ ມີຈຳ ນວນເທີບ ແລະ ເງີບທີ່ຈະຕ້ອງ ແກ້ໄຂ 279 ຈຸດສາມາດແກ້ໄຂ ໄດ້ແລ້ວ 52 ຈຸດ ແລະ ກໍລະນີ ມີຜູ້ນຳໃຊ້ທາງຍ່າງເປັນບ່ອນ ຂາຍເຄື່ອງ 291 ຈຸດ ແລະ ສ່ວນ ທີ່ເຫລືອຈະແກ້ໄຂໃຫ້ສຳເລັດ ໃນຕົ້ນປີ 2019 ຈະມາເຖິງນີ້.

ຈາກຄວາມຄືບໜ້າດັ່ງກ່າວ ພວກເຮົາສັງເກດເຫັນວ່າ, ດຳ ເນີນໄປຊັກຊ້າເກີນໄປ ແລະ ໃນ ຈຸດນີ້ ໜ່ວຍງານກ່ຽວຂ້ອງ ກໍ ຄວນຈະພິຈາລະນາຄືນວ່າ ເປັນ ຍ້ອນຫຍັງ? ຖ້າປະຊາຊົນ ບໍ່ ໃຫ້ການຮ່ວມມືກໍຕ້ອງໃຫ້ຮູ້ ວ່າ ເປັນຫຍັງ? ເຂົາເຈົ້າບໍ່ໃຫ້ ການຮ່ວມມື.
ບາງທີຍ້ອນເຮົາປະຕິບັດ ໄປແບບຕີລວາດກວາດພຽງ ກໍຈະບໍ່ມີຜົນ, ບາງທີໃນເສັ້ນ ທາງ ເຮົາປະຕິບັດທົດລອງນັ້ນ ມັນຍັງ ບໍ່ ແມ່ນຈຸດແອອັດ ແລະ ບໍ່ສ້າງສິ່ງ ກີດຂວາງໃຫ້ແກ່ການສັນຈອນ ແລະ ຄວາມເປັນລະບຽບຮຽບ ຮ້ອຍຂອງຕົວເມືອງແຕ່ກໍຍັງ ບັງຂັບກັນເຮັດຢູ່ ແລະ ໃນເມື່ອ ຈັດສັນໄດ້ແລ້ວພັດຂາດມາດຕະ ການປົກປັກຮັກສາ, ກໍຈະເຮັດໃຫ້ ຄວາມແອອັດດັ່ງກ່າວກໍເລີຍຂຶ້ນ ມາໃໝ່ກໍເປັນໄດ້, ດັ່ງເຂດເສັ້ນ ທາງບໍລິເວນຕະຫລາດຂົວດິນ, ເຊິ່ງກໍເຄີຍໄດ້ຈັດສັນມາແລ້ວ ເມື່ອບໍ່ດົນປານໃດແຕ່ມາຮອດ ປັດຈຸບັນກໍມີສະພາບແອອັດ ຈາກ ຜູ້ຂາຍເຄື່ອງແຄມທາງ, ຜູ້ຈອດ ລົດຊະຊາຍ ແລະ ອື່ນໆ ແລະ ເຮັດໃຫ້ເຂດນີ້ ຂາດຄວາມເປັນ ລະບຽບຮຽບຮ້ອຍຂຶ້ນມາອີກ, ເວົ້າມາກໍຫລາຍອັນແຕ່ສະຫລຸບ ແລ້ວການຈັດສັນຄວາມເປັນລະ ບຽບຮຽບຮ້ອຍໃນຕົວເມືອງ ມັນບໍ່ພຽງແຕ່ຈະສຸມໃສ່ມ້າງ ເທີບມ້າງເງີບເທົ່ານັ້ນ, ເຊິ່ງມັນ ຈະຕ້ອງໄດ້ເຮັດໄປນຳກັນ ຫລາຍຢ່າງ, ນັບແຕ່ການປູກຈິດ ສຳນຶກໃຫ້ຊຸມຊົນໃນການດຳ ລົງຊີວິດທີ່ສີວິໄລ ແລະ ມີຄວາມ ເປັນລະບຽບຮຽບຮ້ອຍ ແລະ ອີກ ອັນໜຶ່ງກໍຕ້ອງມີຈຸດເລັ່ງວ່າເສັ້ນ ທາງໃດ, ເຂດໃດແທ້, ມີສະພາບ ແອອັດຮ້າຍແຮງແກ່ຍາວມາ ເຮົາຕ້ອງໄດ້ຮີບຮ້ອນແກ້ໄຂໃນ ຈຸດນັ້ນກ່ອນ.

ດັ່ງເຂດເສັ້ນທາງໂພນຕ້ອງ ຈອມມະນີ, ເຊິ່ງນັບແຕ່ຄ້ອຍສະ ຖານີໄຟຟ້າຂຶ້ນໄປຈົນຮອດໂຮງ ໝໍ, ໂດຍສະເພາະໃນເຂດຕະ ຫລາດແຄມທາງດັ່ງກ່າວມັກ ເກີດມີສະພາບແອອັດ ແລະ ລົດ ຕິດເປັນເວລາຍາວໃນແຕ່ລະ ວັນ, ນີ້ກໍຍ້ອນສະພາບນຳໃຊ້ ແຄມທາງເປັນບ່ອນຂາຍເຄື່ອງ ແລະ ປະກອບກິດຈະການ ຕ່າງໆ ແລະ ເຂດຕະຫລາດຫ້ວຍຫົງ ກໍເຊັ່ນກັນຄວນຈະຕ້ອງໄດ້ຮີບ ຮ້ອນແກ້ໄຂແມ່ນຈະເປັນການ ດີທີ່ສຸດ./.

- Tiger Head 728x90 - ການຈັດສັນຄວາມເປັນລະບຽບຮຽບຮ້ອຍຂອງຕົວເມືອງຫລວງເຫັນວ່າຍາກຫລາຍ
- 1 1 - ການຈັດສັນຄວາມເປັນລະບຽບຮຽບຮ້ອຍຂອງຕົວເມືອງຫລວງເຫັນວ່າຍາກຫລາຍ

ລາວຈະຍົກລະດັບເສັ້ນທາງຫລວງເລກທີ 11 ໃຫ້ໄດ້ມາດຕະຖານ2018/

ຈະລາຈອນ ນະຄອນຫລວງຈະເອົາໃຈໃສ່ແກ້ໄຂການສັນຈອນແອອັດ​

- 42996810 1935029413255333 4241545049663340544 n - ການຈັດສັນຄວາມເປັນລະບຽບຮຽບຮ້ອຍຂອງຕົວເມືອງຫລວງເຫັນວ່າຍາກຫລາຍ
(ພາບປະກອບ)
error: Content is protected !!