7 ຂໍໍ້ດີຂອງການຢູ່ຄົນດຽວ ຢູ່ແນວໃດໃຫ້ມີຄວາມສຸກ

- 010510 2018 - 7 ຂໍໍ້ດີຂອງການຢູ່ຄົນດຽວ ຢູ່ແນວໃດໃຫ້ມີຄວາມສຸກ
- Untitled design - 7 ຂໍໍ້ດີຂອງການຢູ່ຄົນດຽວ ຢູ່ແນວໃດໃຫ້ມີຄວາມສຸກ

ການຢູ່ລຳພັງບໍ່ໄດ້ມີປະໂຫຍດແຕ່ໃນເລື່ອງວຽກງານເທົ່ານັ້ນ, ແຕ່ຍັງດີຕໍ່ສຸຂະພາບຈິດ ແລະ ອາລົມນຳອີກ ເພາະສະນັ້ນຖ້າ ຢາກໃຊ້ຊີວິດໃຫ້ກຸ້ມຄ່າ ທ່ານກໍຕ້ອງຮຽນຮູ້ທີ່ຈະໃຊ້ຊີວິດຄົນດຽວແດ່. ຂໍ້ດີຂອງການຢູ່ຄົນດຽວນັ້ນມີຫລາຍຈົນບອກໄດ້ບໍ່ໝົດ ຈຶ່ງຈະແນະນຳ 7 ຂໍ້ທີ່ຄິດວ່າດີທີ່ສຸດມາໃຫ້ທ່ານໄດ້ອ່ານດັ່ງນີ້ :

- Wave100S AD to Website 2020 0 - 7 ຂໍໍ້ດີຂອງການຢູ່ຄົນດຽວ ຢູ່ແນວໃດໃຫ້ມີຄວາມສຸກ
  1. ໄດ້ພັກຜ່ອນເພື່ອຟື້ນຟູ ແລະ ຕື່ມພະລັງໃຫ້ໂຕເອງ : ທຸກຄົນແມ່ນແຕ່ຄົນທີ່ມັກເຂົ້າສັງຄົມລ້ວນແຕ່ຕ້ອງການເວລາຟື້ນຟູ ແລະ ຕື່ມພະລັງໃຫ້ໂຕເອງແດ່ ແລະ ກໍໍຄົງບໍ່ມີວິທີໃດຈະດີໄປກ່ວາການໄດ້ຢູ່ພຽງລຳພັງ ຄວາມງຽບສະຫງົບເປັນສິ່ງສຳຄັນທີ່ຈະຊ່ວຍຟື້ນຟູທ່ານຈາກມື້ທີ່ເຄັ່ງຄຽດໄດ້.
  2. ໄດ້ເຮັດຫຍັງທີ່ຢາກເຮັດ : ການໄດ້ໃຊ້ເວລາຮ່ວມກັບຄົນອື່ນນັ້ນເປັນເລື່ອງທີ່ມ່ວນ ເຊິ່ງແນ່ນອນວ່າຕ້ອງມາພ້ອມກັບການປະນີປະນອມ, ປັບໂຕໃຫ້ເຂົ້າກັບຄວາມຕ້ອງການ ແລະ ຄວາມຄິດເຫັນຂອງຄົນອື່ນໆນຳ. ໃນຂະນະທີ່ການຢູ່ຄົນດຽວຈະເຮັດໃຫ້ທ່ານມີອິດສະຫລະໃນການເຮັດຫຍັງກໍໄດ້ທີ່ຕ້ອງການ, ນຸ່ງເຄື່ອງແບບທີ່ຢາກນຸ່ງ, ກິນຫຍັງທີ່ຢາກກິນ ແລະ ເຮັດຫຍັງທີ່ມີຄວາມໝາຍຕໍ່ທ່ານແທ້ໆ.
  3. ໄດ້ຮຽນຮູ້ທີ່ຈະເຊື່ອໃນໂຕເອງ : ອິດສະຫລະພາບບໍ່ແມ່ນແຕ່ການໄດ້ເຮັດສິ່ງທີ່ຢາກເຮັດ, ແຕ່ຍັງເປັນການຝຶກເຊື່ອໃນຕົນເອງ ແລະ ການໄດ້ຄິດໂດຍປາສະຈາກຄວາມກົດດັນ ຫລື ອິດທິພົນຈາກພາຍນອກ ມັນຊ່ວຍໃຫ້ທ່ານເຫັນໂຕຕົນ, ຄວາມຄິດ ແລະ ສິ່ງທີ່ເໝາະສົມກັບໂຕເອງຈະແຈ້ງຂຶ້ນ ເພາະເມື່ອຖືກຫ້ອມລ້ອມໄປດ້ວຍຜູ້ຄົນ ທ່ານມັກຈະຕ້ອງເຝົ້າສັງເກດປະຕິກິລິຍາຂອງຄົນອື່ນຢູ່ຕະຫລອດເວລາ ເພື່ອກວດເບິ່ງວ່າທ່ານເຮັດໂຕເໝາະສົມຫລືບໍ່. ດັ່ງນັ້ນ ການຢູ່ຄົນດຽວຈຶ່ງເຮັດໃຫ້ທ່ານສາມາດຕໍ່ຍອດໄອເດຍຕ່າງໆໄດ້ດ້ວຍຕົນເອງ, ບໍ່ຕ້ອງກັງວົນວ່າຄົນອື່ນຈະຄິດແນວໃດ ແລະ ໄດ້ຄົ້ນພົບຄວາມສາມາດທີ່ແທ້ຈິງຂອງໂຕເອງໂດຍບໍ່ຖືກຈຳກັດໄວ້ດ້ວຍຄວາມຄິດຂອງຜູ້ອື່ນ.
  4. ມີຄວາມສະຫລາດທາງອາລົມ ຫລື EQ ສູງຂຶ້ນ : ຄວາມສະຫລາດທາງອາລົມແມ່ນການຄຳນຶງຮູ້ ແລະ ເຂົ້າໃຈອາລົມຂອງໂຕເຮົາເອງ ແລະ ຜູ້ຄົນອ້ອມຂ້າງ. ຈາກການທົດລອງກັບກຸ່ມໂຕຢ່າງ 1 ລ້ານກ່ວາຄົນ ໂດຍເວັບໄຊ TalentSmartພົບວ່າ : 90% ຂອງກຸ່ມທີ່ເຮັດວຽກໄດ້ມີປະສິດທິພາບທີ່ສຸດມັກເປັນຄົນທີ່ມີ EQ ສູງ ແລະ ການຄຳນຶງຮູ້ໃນໂຕເອງ (Self-Awareness) ກໍເປັນພື້ນຖານທີ່ຂາດບໍ່ໄດ້ຄືກັນ ເພາະຄົນເຮົາຕ້ອງອາໄສການທົບທວນໂຕເອງຢ່າງລະອຽດຢູ່ສະເໝີ ເຊິ່ງມັກຈະເຮັດໄດ້ດີທີ່ສຸດເມື່ອໄດ້ຢູ່ຕາມລຳພັງ.
  5. ມີຄວາມໝັ້ນໃຈໃນໂຕເອງສູງຂຶ້ນ : ການໄດ້ໃຊ້ເວລາຢູ່ກັບໂຕເອງຢ່າງມີຄວາມສຸກເປັນໂຕກະຕຸ້ນຄວາມໝັ້ນໃຈທີ່ດີ ຖ້າທ່ານຮູ້ສຶກເບື່ອ ຫລື ກະວົນກະວາຍໃຈເວລາຕ້ອງຢູ່ຄົນດຽວນັ້ນອາດເຮັດໃຫ້ທ່ານຄິດໄປເອງວ່າຕົນເອງເປັນຄົນໜ້າເບື່ອ ແລະ ຈະ ມ່ວນຊື່ນໄດ້ກໍຕໍ່ເມື່ອຢູ່ກັບຄົນອື່ນເທົ່ານັ້ນ, ແຕ່ຖ້າທ່ານຮຽນຮູ້ທີ່ຈະເພີດເພີນກັບການຢູ່ຄົນດຽວໄດ້ ທ່ານກໍຈະມີຄວາມໝັ້ນໃຈຫລາຍຂຶ້ນ ເພາະຮູ້ວ່າຕົນເອງບໍ່ໄດ້ໜ້າເບື່ອດັ່ງທີ່ຄິດ.
  6. ຮູ້ສຶກດີກັບຄົນອື່ນຫລາຍກ່ວາເກົ່າ : ເວົ້າກັນວ່າ ຍິ່ງຫ່າງໄກ ຫົວໃຈຍິ່ງຜູກພັນ. ການຢູ່ຄົນດຽວຈຶ່ງເປັນຊ່ວງເວລາທີ່ທ່ານຈະໄດ້ເບິ່ງຄົນຮູ້ຈັກໃນມຸມໃໝ່ໆ ແລະ ໄດ້ເຫັນຄຸນຄ່າໃນໂຕຕົນ ແລະ ການກະທຳຂອງພວກເຂົາຫລາຍຂຶ້ນກ່ວາເກົ່າ.
  7. ເຮັດສິ່ງຕ່າງໆສຳເລັດໄດ້ຫລາຍຂຶ້ນ : ຄວາມຄິດທີ່ວ່າຍິ່ງ ຊ່ວຍກັນຫລາຍຄົນ ວຽກກໍຍິ່ງເບົາລົງ ອາດຈະໃຊ້ໄດ້ກັບວຽກທີ່ຕ້ອງໃຊ້ແຮງ, ແຕ່ບໍ່ສາມາດເອົາໄປໃຊ້ກັບວຽກທີ່ຕ້ອງໃຊ້ຄວາມຄິດໄດ້ ແມ່ນແຕ່ການລະດົມສະໝອງ ຫລື Brainstorm ເຊິ່ງເປັນວິທີທີ່ນິຍົມໃຊ້ກັນນັ້ນ ໃນຄວາມຈິງແລ້ວກໍບໍ່ໄດ້ຜົນດີປານໃດ ດັ່ງທີ່ນັກວິໄຈຈາກມະຫາວິທະຍາໄລ Texas A&M ພົບວ່າ : ການລະດົມສະໝອງກັນເປັນກຸ່ມນັ້ນບໍ່ໄດ້ເກີດປະໂຫຍດ ເພາະຈະເຮັດໃຫ້ເກີດການຄອບງຳທາງຄວາມຄິດ (Cognitive Fixation) ສະມາຊິກກຸ່ມມັກມີໂອກາດທີ່ຈະຍຶດຕິດກັບໄອເດຍຂອງຄົນອື່ນ ຈົນເຮັດໃຫ້ຄິດຫຍັງໃໝ່ໆບໍ່ອອກ, ຫລາຍຄົນກໍໍ ຫລາຍຄວາມຄິດ ດັ່ງນັ້ນ ການຢູ່ຄົນດຽວຈຶ່ງເປັນການຕັດບັນຫາເລື່ອງຄວາມຄິດສໍ້ສົນ ແລະ ຍັງເຮັດໃຫ້ວຽກສຳເລັດໄດ້ດີກ່ວານຳ.
- WhatsApp Image 2020 05 27 at 5 - 7 ຂໍໍ້ດີຂອງການຢູ່ຄົນດຽວ ຢູ່ແນວໃດໃຫ້ມີຄວາມສຸກ
- WhatsApp Image 2020 05 27 at 5 - 7 ຂໍໍ້ດີຂອງການຢູ່ຄົນດຽວ ຢູ່ແນວໃດໃຫ້ມີຄວາມສຸກ
error: Alert: ເນື້ອຫາຂ່າວມີລິຂະສິດ !!