5 ປະໂຫຍດສຸຂະພາບຈາກຂີງ

- 060510 2018 - 5 ປະໂຫຍດສຸຂະພາບຈາກຂີງ
- Untitled design - 5 ປະໂຫຍດສຸຂະພາບຈາກຂີງ
  1. ຂີງຊ່ວຍຫລຸດຜ່ອນອາການວິນຫົວປວດຮາກ ອັນເນື່ອງມາຈາກຫລາຍສາເຫດໄດ້ ເປັນຕົ້ນຄື :

– ສຳລັບຄົນປ່ວຍມະເຮັງທີ່ຢູ່ໃນລະຫ່ວາງການປິ່ນປົວໂດຍໃຊ້ເຄມີບຳບັດນັ້ນ ການຫຍຳ້ຂີງສົດ ຫລື ດື່ມຊາຂີງ ຊ່ວຍຫລຸດອາການວິນຫົວປວດຮາກຫລັງຈາກການບຳບັດໄດ້.

– ອາການວິນຫົວໃນຕອນເຊົ້າຂອງແມ່ຍິງຖືພາ ໃຫ້ອົມເຂົ້າໜົມລົດຊາດຂີງເພື່ອຫລຸດຜ່ອນອາການວິນຫົວປວດຮາກ.

– ຫາກເປັນກໍລະນີເມົາລົດ, ເມົາເຮືອ, ເມົາເຮືອບິນ ຂີງຖືກໃຊ້ເພື່ອຫລຸດຜ່ອນອາການວິນຫົວປວດຮາກມາເປັນເວລາດົນ ວຽກ ງານວິໄຈຫລວງຫລາຍເປີດເຜີຍວ່າ ຂີງມີປະໂຫຍດໃນການປິ່ນປົວອາການທຽບເທົ່າກັບຢາທີ່ໄດ້ຈາກທ່ານໝໍ.

- Wave100S AD to Website 2020 0 - 5 ປະໂຫຍດສຸຂະພາບຈາກຂີງ
  1. ຂີງຊ່ວຍຫລຸດອາການເຈັບປວດ :ການສຶກສາພົບວ່າການກິນຂີງທຸກມື້ຊ່ວຍຫລຸດຜ່ອນອາການປວດກ້າມຊີ້ນທີ່ເກີດຈາກ ການອອກກຳລັງກາຍໄດ້ 25%. ວຽກງານວິໄຈອີກໜຶ່ງເທື່ອທີ່ສຶກສາກັບຜູ້ທີ່ຝຶກການອອກກຳລັງກາຍຂໍ້ສອກ ພົບວ່າ ການກິນຂີງ 2 ກຣາມເປັນເວລາ 11 ມື້ ຊ່ວຍຫລຸດຄວາມເຈັບປວດຂອງກ້າມຊີ້ນໄດ້ຫລາຍ ຄຸນປະໂຫຍດຂອງຂີງໃນການຫລຸດອາການເຈັບປວດນັ້ນຈະເພີ່ມຂຶ້ນເລື້ອຍໆຕາມໄລຍະເວລາທີ່ກິນ.

ນອກຈາກນີ້, ຂີງຍັງມີສັບພະຄຸນຊ່ວຍແກ້ອາການປວດເກັງລະຫ່ວາງເປັນປະຈຳເດືອນ ຫລື ອາການອື່ນໆຈາກການເປັນປະຈຳເດືອນໄດ້. ໃນການສຶກສາພົບວ່າ ອາການເຈັບທ້ອງນ້ອຍໃນແມ່ຍິງເຖິງ 83% ທີ່ກິນແຄັບຊູນຂີງ ມີອາການໃຄຂຶ້ນ, ຂະນະທີ່ມີພຽງ 47% ຂອງຜູ້ທີ່ກິນຢາຫລອກໃນການທົດລອງທີ່ມີອາການໃຄຂຶ້ນ.

  1. ຂີງ ຊ່ວຍໃນເລື່ອງກະດູກເສື່ອມ : ຂີງມີສັບພະຄຸນຕ້ານອາການອັກເສບ ຈຶ່ງສາມາດຈັດການກັບອາການພະຍາດກະດູກເສື່ອມ ເຊິ່ງເປັນບັນຫາສຸຂະພາບທີ່ພົບໄດ້ຫລາຍ ພະຍາດກະດູກເສື່ອມເປັນອາການທາງລະບົບກ້າມຊີ້ນ ແລະ ກະດູກທີ່ກ່ຽວຂ້ອງກັບການເສື່ອມສະພາບຂອງຂໍ້ຕໍ່ຂອງຮ່າງກາຍ. ຄົນປ່ວຍທີ່ເປັນພະຍາດກະດູກເສື່ອມຈະມີອາການປວດຂໍ້ ແລະ ຂໍ້ຝືດ, ການກິນສານສະກັດຈາກຂີງຈະຊ່ວຍຫລຸດອາການປວດ ແລະ ຈຳກັດການໃຊ້ຢາແກ້ປວດຂອງຄົນປ່ວຍໄດ້. ນອກຈາກນີ້, ການກິນຢາທີ່ມີສ່ວນປະສົມຂອງຂີງ ແລະ ນຳ້ມັນງາ ກໍໍຊ່ວຍຫລຸດອາການປວດ ແລະ ຂໍ້ຝືດໃນຄົນປ່ວຍພະຍາດກະດູກເສື່ອມໄດ້ນຳ.
  2. ຂີງ ຊ່ວຍຫລຸດອາການກ່ຽວກັບລະບົບຍ່ອຍອາຫານ : ຂີງຊ່ວຍຫລຸດອາການຂອງຄົນທີ່ມີບັນຫາອາຫານບໍ່ຍ່ອຍຊຳ້ເຮື້ອທີ່ເກີດຈາກອາຫານຕົກຄ້າງໃນກະເພາະ ແລະ ຖືກໄລ່ອອກຊ້າ ໂດຍຂີງຊ່ວຍຂະບວນການໄລ່ອາຫານອອກຈາກກະເພາະອາຫານ ຊ່ວຍຫລຸດອາການຍື່ງທ້ອງ ຫລື ເຈັບທ້ອງໄດ້ ຈຶ່ງຫລຸດອາການລະຄາຍເຄືອງລະບົບຍ່ອຍອາຫານ ແລະ ກະຕຸ້ນການຜະລິດນຳ້ລາຍ ແລະ ນຳ້ບີ ທັງຍັງຄວບຄຸມການຫົດເກັງຂອງລຳໄສ້ ແລະ ການເຄື່ອນທີ່ຂອງອາຫານໃນລຳໄສ້. ນອກຈາກນີ້, ຂີງຍັງຊ່ວຍຂ້າເຊື້ອແບັກທີເຣຍທີ່ເປັນສາເຫດຂອງອາການຖອກທ້ອງໄດ້.
  3. ຂີງ ຊ່ວຍປ້ອງກັນໄຂ້ຫວັດ: ການໃຊ້ຂີງຊ່ວຍຂັດຂວາງໄວຣັສໄຣໂນ (rhinovirus)  ເຊິ່ງເປັນສາເຫດຂອງໄຂ້ຫວັດ ວິທີການເຮັດໃຫ້ຮ່າງກາຍອົບອຸ່ນໃນຍາມໜາວ ຫລື ໃນຍາມອາກາດເຢັນກໍ ແມ່ນການດື່ມຊາຂີງອຸ່ນໆ ຊ່ວຍໄລ່ເຫື່ອ ຈຶ່ງຮັກສາຮ່າງກາຍໃຫ້ອຸ່ນ ແລະ ປ້ອງກັນໄຂ້ຫວັດໄດ້.
- WhatsApp Image 2020 05 27 at 5 - 5 ປະໂຫຍດສຸຂະພາບຈາກຂີງ
- WhatsApp Image 2020 05 27 at 5 - 5 ປະໂຫຍດສຸຂະພາບຈາກຂີງ
error: Alert: ເນື້ອຫາຂ່າວມີລິຂະສິດ !!