ຮອງນາຍົກ ບຸນທອງ ຈິດມະນີ ເນັ້ນໃຫ້ທີມ ກວດສອບສາເຫດສັນເຂື່ອນເຊປຽນ-ເຊນໍ້າ ນ້ອຍແຕກໃຫ້ດໍາເນີນໄປຢ່າງລະອຽດ

- advert banner 728 90 728x90 - ຮອງນາຍົກ ບຸນທອງ ຈິດມະນີ ເນັ້ນໃຫ້ທີມ ກວດສອບສາເຫດສັນເຂື່ອນເຊປຽນ-ເຊນໍ້າ ນ້ອຍແຕກໃຫ້ດໍາເນີນໄປຢ່າງລະອຽດ

ຮອງນາຍົກ ບຸນທອງ ຈິດມະນີ ເນັ້ນໃຫ້ທີມກວດສອບສາເຫດສັນເຂື່ອນເຊປຽນ-ເຊນໍ້ານ້ອຍແຕກໃຫ້ດໍາເນີນໄປຢ່າງລະອຽດ  ໃນໂອກາດລົງຕິດຕາມການສືບສວນ-ສອບສວນ ສາເຫດຄູກັ້ນນໍ້າຂອງເຂື່ອນເຊປຽນ-ເຊນໍ້ານ້ອຍຢູ່ເມືອງສະໜາມໄຊແຂວງອັດຕະປືແຕກໃນວັນທີ 23 ກໍລະກົດຜ່ານມາ, ຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ, ອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ທັງເປັນປະທານຄະນະຮັບຜິດຊອບສືບສວນ-ສອບສວນສາເຫດ ແລະ ກວດກາຄວາມຮັບຜິດຊອບຂອງບຸກຄົນທີ່ຕິດພັນກັບເຫດການເຂື່ອນແຕກຄັ້ງນີ້ ເມື່ອທ້າຍອາທິດຜ່ານມາ, ທ່ານໄດ້ມີຄໍາເຫັນເນັ້ນໃຫ້ຄະນະກວດສອບທັງລາວ ແລະ ຕ່າງປະເທດ ເອົາໃຈໃສ່ສໍາຫລວດ ແລະ ສືກສາຄົ້ນຄວ້າໃຫ້ລະອຽດຖີ່ຖ້ວນ ເພື່ອຊອກໃຫ້ເຫັນສາເຫດຕົ້ນຕໍທີ່ເຮັດໃຫ້ສັນເຂື່ອນດັ່ງກ່າວແຕກ, ພ້ອມທັງຢໍ້າໃຫ້ບໍລິສັດຜູ້ລົງທຶນ, ບໍລິສັດຜູ້ຮັບເໝົາກໍ່ສ້າງ ຕ້ອງໃຫ້ຄວາມຮ່ວມມື ແລະ ສະໜອງຂໍ້ມູນຕ່າງໆກ່ຽວກັບການກໍ່ສ້າງເຂື່ອນແຫ່ງນີ້ໃຫ້ທີມກວດສອບຄົບຖ້ວນ ເພື່ອໃຫ້ການກວດກາດໍາເນີນໄປດ້ວຍຄວາມສະດວກ, ໂປ່ງໃສ, ວ່ອງໄວ ແລະ ຍຸຕິທໍາ.

ໃນໂອກາດນີ້, ທ່ານ ບຸນທອງ ຈິດມະນີ ໄດ້ລົງໄປເບິ່ງບໍລິເວນຈຸດທີ່ສັນເຂື່ອນແຕກ ແລະ ສັນເຂື່ອນ A, C, E, F ໜ້າເຂື່ອນເຊປຽນ ແລະ ຫ້ວຍໝາກຈັນ, ພ້ອມທັງໄດ້ພົບປະໂອ້ລົມໃຫ້ກໍາລັງໃຈຄະນະຊ່ຽວຊານທັງລາວ ແລະ ຕ່າງປະເທດ ທີ່ປະຕິບັດໜ້າທີ່ຊອກຫາສາເຫດທີ່ເຮັດໃຫ້ສັນເຂືອນດັ່ງກ່າວແຕກ ແລະ ຖ້າພົບຄວາມຫຍຸ້ງຍາກຢູ່ຈຸດໃດແມ່ນໃຫ້ລາຍງານຕໍ່ຄະນະຮັບພິຊອບທັນທີ ເພື່ອຊອກຫາວິທີແກ້ໄຂໄດ້ທັນ.

- 1 1 - ຮອງນາຍົກ ບຸນທອງ ຈິດມະນີ ເນັ້ນໃຫ້ທີມ ກວດສອບສາເຫດສັນເຂື່ອນເຊປຽນ-ເຊນໍ້າ ນ້ອຍແຕກໃຫ້ດໍາເນີນໄປຢ່າງລະອຽດ
- lattana 1 - ຮອງນາຍົກ ບຸນທອງ ຈິດມະນີ ເນັ້ນໃຫ້ທີມ ກວດສອບສາເຫດສັນເຂື່ອນເຊປຽນ-ເຊນໍ້າ ນ້ອຍແຕກໃຫ້ດໍາເນີນໄປຢ່າງລະອຽດ
error: Content is protected !!