ຄົນເຮົາຈຳເປັນຕ້ອງຂັບຖ່າຍທຸກມື້ຫລືບໍ່ ?

- 020810 2018 - ຄົນເຮົາຈຳເປັນຕ້ອງຂັບຖ່າຍທຸກມື້ຫລືບໍ່ ?
- Untitled design - ຄົນເຮົາຈຳເປັນຕ້ອງຂັບຖ່າຍທຸກມື້ຫລືບໍ່ ?

ການຂັບຖ່າຍຫລາຍຄົນອາດເບິ່ງວ່າມັນເປັນເລື່ອງນ້ອຍໆ, ແຕ່ຫາກການຂັບຖ່າຍບໍ່ເປັນປົກກະຕິ ອາດເຮັດໃຫ້ເຮົາບໍ່ສະບາຍໂຕ, ບໍ່ສະບາຍທ້ອງ ແລະ ອາດລົບກວນໄປເຖິງການກິນອາຫານ, ການຍ່ອຍອາຫານ ແລະ ມີຄວາມທໍລະມານຈາກອາການຖ່າຍຍາກ ຫລື ລິດສີດວງທະວານໄດ້, ແຕ່ການຈະເຮັດໃຫ້ຮ່າງກາຍມີລະບົບຂັບຖ່າຍທີ່ສົມບູນແບບອາດຈະເປັນເລື່ອງຍາກສຳລັບໃຜຫລາຍຄົນ.

Christopher Hair ຜູ້ຊ່ຽວຊານດ້ານວິທະຍາລະບົບອາຫານມະຫາວິທະຍາໄລ Deakin  ລະບຸວ່າ : ຮ່າງກາຍຂອງຄົນເຮົາມີຄວາມສັບຊ້ອນ, ການເຮັດວຽກຂອງອະໄວຍະວະຕ່າງໆຂອງແຕ່ລະຄົນອາດມີຄວາມແຕກຕ່າງກັນໄປເລັກນ້ອຍ ບໍ່ວ່າຈະແມ່ນເລື່ອງຂອງການພັກຜ່ອນນອນຫລັບ, ການຂັບຖ່າຍທັງອາຈົມ ແລະ ນຳ້ຍ່ຽວ ເລື່ອງທີ່ເບິ່ງຄືວ່າເປັນເລື່ອງນ້ອຍສຳລັບບາງຄົນອາດເປັນຈະເລື່ອງໃຫຍ່ຂອງບາງຄົນໄດ້ ໂດຍສະເພາະເລື່ອງການຂັບຖ່າຍ.

ບາງຄົນອາດຮູ້ສຶກວ່າໃນ 1 ມື້ ຕ້ອງຂັບຖ່າຍຢ່າງໜ້ອຍ 1 ເທື່ອ ເພາະຖ້າໝົດມື້ບໍ່ຖ່າຍເລີຍ ຈະຮູ້ສຶກອຶດອັດທ້ອງ ແລະ ອາດສົ່ງຜົນໃຫ້ໃນມື້ຕໍ່ມາຖ່າຍຍາກ ຖ່າຍລຳບາກຫລາຍຂຶ້ນ ຈົນອາດມີອາການຍື່ງທ້ອງໄດ້, ແຕ່ບາງຄົນຜ່ານມາ 2 – 3 ມື້ ຖ່າຍ 1 ເທື່ອ, ແຕ່ກໍໍຖ່າຍໄດ້ສະບາຍໆ ໂດຍບໍ່ຮູ້ສຶກທໍລະມານແຕ່ຢ່າງໃດ. ດັ່ງນັ້ນ ເລື່ອງຂອງການຂັບຖ່າຍສຳລັບແຕ່ລະຄົນຈຶ່ງອ່າວແຕກຕ່າງກັນ ແລະ ຫລາກຫລາຍຕາມການເຮັດວຽກຂອງລະບົບຂັບຖ່າຍ ລວມໄປເຖິງວິຖີຊີວິດ, ອາຫານການກິນຕ່າງໆ ເປັນຕົ້ນ.

ຈຳນວນເທື່ອໃນການຂັບຖ່າຍທີ່ເໝາະສົມຂອງແຕ່ລະຄົນກໍອ່າວແຕກຕ່າງກັນຫລາຍຄືກັນ ຈາກລາຍງານການວິໄຈໃໝ່ພົບວ່າ : ການຂັບຖ່າຍທີ່ດີຕໍ່ສຸຂະພາບທີ່ສຸດຈະຢູ່ປະມານນັບແຕ່ 3 ເທື່ອຕໍ່ມື້ ໄປຈົນເຖິງ 3 ເທື່ອຕໍ່ອາທິດ ແລະ ໜ້ອຍກ່ວາ 40% ທີ່ພົບວ່າມີຄົນຂັບຖ່າຍມື້ລະ 1 ເທື່ອ.

ແນວໃດກໍຕາມ, ຈຳນວນເທື່ອຂອງການຂັບຖ່າຍກ່ຽວຂ້ອງກັບອາການຂອງພະຍາດຕິດເຊື້ອບາງຢ່າງ ເຊັ່ນ : ພະຍາດຖອກທ້ອງທີ່ເຮັດໃຫ້ຂັບຖ່າຍຫລາຍເທື່ອຂຶ້ນ, ມະເຮັງ (ຖ່າຍເປັນເລືອດ) ຫລື ຫາກບໍ່ມີການຂັບຖ່າຍເລີຍ ກໍໍອາດເປັນສັນຍານເຕືອນພະຍາດທີ່ກ່ຽວກັບລະບົບຂັບຖ່າຍໄດ້ຄືກັນ.

- Wave100S AD to Website 2020 0 - ຄົນເຮົາຈຳເປັນຕ້ອງຂັບຖ່າຍທຸກມື້ຫລືບໍ່ ?

Damien Belobrajdic ນັກວິໄຈທາງວິທະຍາສາດຈາກ  CSIRO ສະຖາບັນວິທະຍາສາດລະດັບຊາດຂອງປະເທດອົດສະ ຕຣາລີ ລະບຸວ່າ : ການຂັບຖ່າຍໃຫ້ໄດ້ມື້ລະ 1 ເທື່ອບໍ່ແມ່ນເລື່ອງທີ່ຈຳເປັນ, ແຕ່ຫາກຂັບຖ່າຍໜ້ອຍກ່ວາ 3 ເທື່ອຕໍ່ອາທິດອາດກໍ່ໃຫ້ເກີດອັນຕະລາຍຕາມມາໄດ້ ເຊັ່ນ :  ພະຍາດລິດສີດວງທະວານ ຫລື ຮູທະວານເປັນບາດແຜຈາກອາຈົມຂະໜາດໃຫຍ່ ແລະ ແຂງຈົນເຮັດໃຫ້ມີເລືອດອອກ ເປັນຕົ້ນ.

ອາການຖ່າຍຍາກເກີດຂຶ້ນໄດ້ຈາກຫລາຍສາເຫດ ຕັ້ງແຕ່ການເຂົ້າປິ່ນປົວຈາກອາການຂອງພະຍາດບາງຢ່າງ (ຜົນຂ້າງຄຽງ ຈາກຢາບາງຊະນິດ ເຊັ່ນ : ຢາທີ່ມີສ່ວນປະສົມຂອງຝິ່ນ, ຢາຫລຸດກົດໃນກະເພາະອາຫານ, ອາຫານເສີມທີ່ມີທາດເຫລັກ) ແລະ ສາເຫດທີ່ຈະແຈ້ງທ່ີສຸດແມ່ນການກິນອາຫານທີ່ມີກາກໄຍອາຫານ ຫລື ໄຟເບີໜ້ອຍເກີນໄປ.

ເຄັດລັບການຂັບຖ່າຍໃຫ້ເປັນປົກກະຕິທີ່ງ່າຍທີ່ສຸດເລີຍກໍແມ່ນເພີ່ມອາຫານທີ່ມີກາກໄຍອາຫານໃຫ້ຫລາຍຂຶ້ນໃນແຕ່ລະຄາບ ເຊັ່ນ: ຜັກ, ໝາກໄມ້, ໂຮເກຣນ, ທັນຍາພືດ, ຖົ່ວຊະນິດຕ່າງໆ ແລະ ດື່ມນຳ້ໃຫ້ຫລາຍຂຶ້ນ. ການອອກກຳລັງກາຍເປັນປະຈຳກໍເຮັດໃຫ້ລະບົບການຂັບຖ່າຍເຮັດວຽກຢ່າງມີປະສິດທິພາບຫລາຍຂຶ້ນໄດ້.

- WhatsApp Image 2020 05 27 at 5 - ຄົນເຮົາຈຳເປັນຕ້ອງຂັບຖ່າຍທຸກມື້ຫລືບໍ່ ?
- WhatsApp Image 2020 05 27 at 5 - ຄົນເຮົາຈຳເປັນຕ້ອງຂັບຖ່າຍທຸກມື້ຫລືບໍ່ ?
error: Alert: ເນື້ອຫາຂ່າວມີລິຂະສິດ !!