UN ເຕືອນໂລກຈະຮ້ອນຂຶ້ນ 1,5 ອົງສາ ພາຍໃນປີ 2030-2052

- advert banner 728 90 728x90 - UN ເຕືອນໂລກຈະຮ້ອນຂຶ້ນ 1,5 ອົງສາ ພາຍໃນປີ 2030-2052

ສະຫະ​ປະຊາ​ຊາດ (UN) ​ເຕືອນ​ວ່າ: ອຸນຫະພູມ​ໂລກ​ອາດ​ຈະ​ສູງ​ຂຶ້ນ 1,5 ອົງສາ ພາຍ​ໃນ​ປີ 2030-2025 ຖ້າ​ສະພາບ​ໂລກ​ຮ້ອນ​ຍັງ​ເປັນ​​ໄປ​ໃນ​ແບບ​ປັດຈຸບັນ ​ແລະ ​ໂລກ​ບໍ່​ເລັ່ງດຳ​ເນີນ​ມາດ​ຕະການ​ຢຸດ​ຢັ້ງບໍ່​ໃຫ້​ອຸນຫະພູມ​ສູງ​ຂຶ້ນ.

ຄະນະ​ກຳມະການລະຫວ່າງ​ລັດຖະບານ ວ່າ​ດ້ວຍ​ການ​ປ່ຽນ​ແປງ​ສະພາບ​ອາກາດ (IPCC) ​ເຊິ່ງ​ເປັນ​ໜ່ວຍ​ງານ​ພາຍ​ໃຕ້​ການ​ສະໜັບສະໜູນ​ຂອງ UN ​ເປີດ​ເຜີຍ​ລາຍ​ງານ​ສະຫລຸບ​ໃນ​ວັນ​ທີ 8 ຕຸລາ​ນີ້ ພາຍຫລັງ​ສຳ​ເລັດ​ກອງ​ປະຊຸມ​ຢູ່​ນະຄອນຫລວງ​ເຊ​ອຸນ ຂອງ ສ.​ເກົາຫລີ ​ໃນ​ອາທິດ​ກ່ອນ ​ເຊິ່ງຈະ​ເປັນ​ແນວທາງ​ວິທະຍາສາດ​ໃຫ້​ແກ່​ຜູ້​ກຳນົດ​ນະ​ໂຍບາຍ​ຂອງ​ແຕ່ລະ​ປະ​ເທດ​ໃນ​ການ​ປະຕິບັດ​ຕາມ​ຂໍ້​ຕົກລົງ​ຫລຸດ​ໂລກ​ຮ້ອນ​ປາຣີ ປີ 2015 ທີ່​ມຸ່ງ​ຈຳກັດ​ອຸນຫະພູມ​ໂລກ​ບໍ່​ສູງ​ເກີນ 2 ອົງສາ ຈາກ​ລະດັບ​ກ່ອນ​ຍຸກ​ອຸດສາຫະກຳ ​ແລະ ຄວບ​ຄຸມ​ບໍ່​ໃຫ້​ເກີນ 1,5 ອົງສາ ຖ້າ​ເປັນ​ໄປ​ໄດ້. ປັດຈຸບັນ ອຸນຫະພູມ​ໂລກ​ສູງ​ເກີນ 1 ອົງສາ ຈາກ​ລະດັບ​ຍຸກ​ກ່ອນ​ອຸດສາຫະກຳ​ແລ້ວ ​ເພາະ​ການ​ປະຕິວັດ​ອຸດສາຫະກຳ​ໄດ້​ປ່ອຍ​ແກັສກາກ​ບອນ​ທີ່​ເປັນສາ​ເຫດ​ຫລັກ​ຂອງ​ສະພາບ​ໂລກ​ຮ້ອນ.

- lattana 1 - UN ເຕືອນໂລກຈະຮ້ອນຂຶ້ນ 1,5 ອົງສາ ພາຍໃນປີ 2030-2052
- 1 1 - UN ເຕືອນໂລກຈະຮ້ອນຂຶ້ນ 1,5 ອົງສາ ພາຍໃນປີ 2030-2052

ລາຍ​ງານ​ສະຫລຸບ​ລະບຸ​ວ່າ: ທຳ​ມະ​ຊາດ ​ແລະ ມະນຸດ​ຍັງ​ມີ​ຄວາມ​ສ່ຽງ​ຈາກ​ການ​ປ່ຽນ​ແປງ​ສະພາບ​ອາກາດ ຖ້າ​ໂລກ​ມີ​ອຸນຫະພູມ​ສູງ​ຂຶ້ນ 1,5 ອົງສາ, ​ແຕ່​ຍັງ​ນ້ອຍ​ກວ່າ​ການ​ທີ່​ໂລກ​ຮ້ອນ​ຂຶ້ນ 2 ອົງສາ. ການຈະ​ຄວບ​ຄຸມ​ບໍ່​ໃຫ້​ໂລກ​ຮ້ອນ​ເກີນ 1,5 ອົງສາ ຈະ​ຕ້ອງ​ປ່ຽນ​​ແປງ​​ແບບ​ບໍ່​ເຄີຍ​ມີ​ມາ​ກ່ອນ, ກວ້າງຂວາງ ​ແລະ ວ່ອງ​ໄວ​ເລື່ອງ​ການ​ໃຊ້​ທີ່​ດິນ ​ແລະ ພະລັງງານ​ອຸດສາຫະກຳ, ການ​ກໍ່ສ້າງ, ຄົມມະນາຄົມ ​ແລະ ການ​ພັດທະນາ​ເມືອງ. ລາຍ​ງານ​ສະຫລຸບ​ເຕືອນ​ວ່າ: ຖ້າ​ສະພາບ​ໂລກ​ຮ້ອນ​ຍັງ​ດຳ​ເນີນ​ໄປ​ໃນ​ອັດຕາ​ປັດຈຸບັນ, ​ໂລກ​ຈະ​ຮ້ອນ​ຂຶ້ນ 1,5 ອົງສາ ພາຍ​ໃນ​ປີ 2030-2052. ດັ່ງນັ້ນ ​ເປົ້າໝາຍ​ຫລຸດ​ການ​ປ່ອຍ​​ແກັສ​ເຮືອນ​ແກ້ວຕາ​ມຕົກລົງ​ກັນ​ໄວ້​ໃນ​ຂໍ້​ຕົກລົງ​ປາຣີອາດ​ບໍ່​ພຽງພໍ, ຖ້າ​ຈະ​ບໍ່​ໃຫ້​ໂລກ​ຮ້ອນ​ເກີນ 1,5 ອົງສາ ການ​ປ່ອຍ​ແກັສກາກ​ບອກ​ທົ່ວ​ໂລກ​ພາຍ​ໃນ​ປີ 2030 ຈະ​ຕ້ອງ​ຫລຸດ​ລົງ 45% ຈາກ​ປີ 2010 ​ແລະ ຕ້ອງບໍ່​ມີ​ການ​ປ່ອຍ​ແກັສອີກ​ພາຍ​ໃນ​ກາງ​ທົດ​ສະ​ວັດ​ນີ້. ຂະນະ​ທີ່​ການ​ໃຊ້​ພະລັງງານ​ໝູນວຽນ​ຜະລິດ​ໄຟຟ້າ​ຈະ​ຕ້ອງ​ເພີ່ມ​ຂຶ້ນຈາກ 25% ​ໃນ​ປັດຈຸບັນ ​ເປັນ 70-85% ພາຍ​ໃນ​ປີ 2055.

error: Content is protected !!