ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ

- 682 1 - ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ
- Untitled design - ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ

ໂດຍ: ທິດກ່ຳ

ໃນຫົວຂໍ້ນີ້, ໃຜກໍຮູ້ແລ້ວ ວ່າ ປີນີ້ຟ້າຝົນມັນຕົກຫລາຍ ຈົນເກີນເຫດເຮັດ ໃຫ້ພວກທີ່ມີ ນາລຸບເຊັ່ນ: ຢູ່ແຄມຫ້ວຍ, ແຄມ ເຊ ແລະ ແຄມຂອງສ່ວນຫລາຍ ຖືກນ້ຳສຸ, ທັ່ງຖ້ວມເສຍຫາຍຢ່າງ ຫລວງຫລາຍ.

ຕາມສະຖິຕິຕົວເລກຜົນ ເສຍຫາຍຈາກນ້ຳຖ້ວມໃນທົ່ວ ປະເທດກໍມີທັງ 17 ແຂວງ ແລະ ນະຄອນຫລວງວຽງຈັນ ລວມມີ 115 ເມືອງ 2.409 ບ້ານ ແລະ ມີເນື້ອທີ່ການຜະລິດຖືກເສຍ ຫາຍຫລາຍກວ່າ 100.000 ເຮັກຕາ.

ແນວໃດກໍຕາມ, ຫລັງຈາກ ນ້ຳໄດ້ບົກແຫ້ງລົງທິດກ່ຳໄດ້ ໄປເລາະເບິ່ງບາງບ້ານ, ບາງ ທ້ອງຖິ່ນເຊັ່ນ: ແຖວບ້ານໃໝ່ ຜາຊ້າງ, ເມືອງຄູນຄຳ, ແຂວງ ຄຳມ່ວນ, ແຖວຫາດສ້ຽວ, ຕານປ່ຽວ, ເມືອງ ທຸລະຄົມ, ແຂວງວຽງຈັນເລາະລົງມາ ແຖວເວີນຄຳ, ທ່າງ່ອນ, ເມືອງ ໄຊທານີ້ ນະຄອນຫລວງວຽງ ຈັນ, ຖືວ່າໄປບ່ອນໃດກໍເຫັນ ປະຊາຊົນພາກັນໄດ້ກິນປາລົງ ຕ້ອນລົງໂຕ່ງ.

 

ການປູກເຂົ້ານາປີທົ່ວປະເທດບັນລຸໄດ້ 96% ຂອງຕົວເລກແຜນການ2018/

ທົ່ວປະເທດເກັບກ່ຽວເຂົ້ານາປີສໍາເລັດແລ້ວ 100%2017/

ອັນພິເສດ, ໃນຍາມນີ້ລາ ຄາປາຢູ່ທ້ອງຖິ່ນຂ້ອນຂ້າງ ຖືກເຊັ່ນ: ຢູ່ບ້ານໃໝ່ຜາຊ້າງ ປາດຸກ, ປາຄໍ່ພຽງແຕ່ໂລລະ 10 ປາຍພັນກີບ. ປາຂາວ ຫລື ວ່າ ປາລວມກໍພຽງ 5 ພັນ 10 ພັນ ກີບ. ສ່ວນຢູ່ບ່ອນອື່ນໆ ທີ່ໄດ້ ໄປເຫັນກໍມີລັກສະນະຄ້າຍ ຄືກັນ.

- Wave100S AD to Website 2020 0 - ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ

ພິເສດອີກອັນໜຶ່ງ, ປີນີ້ ປະກົດວ່າປູປາຢູ່ຕາມຫ້ວຍ ໜອງຄອງບຶງ, ຕາມແມ່ນ້ຳ ລຳເຊໃນເຂດ ທີ່ມີນ້ຳຖ້ວມ ມີ ຫລາຍກວ່າປີ ຜ່ານໆມາ, ສາ ເຫດກໍຍ້ອນວ່າ, ຊ່ວງຝົນຕົກ ຫລາຍເກີດນ້ຳຖ້ວມເຮັດໃຫ້ ປາທຳມະຊາດມາຈາກຫລາຍ ບ່ອນ, ຫລາຍທີ່ນັບທັງປາ ແຕກໜອງຄົນລ້ຽງມາເຕົ້າ ໂຮມກັນຫລັງ ນ້ຳໄດ້ບົກແຫ້ງ.

ຈາກສະພາບທີ່ພວກນາ ລຸບໄດ້ກິນປາ, ພວກນາໂນນພັດ ສະໜຸກກ່ຽວເຂົ້າເພາະຊ່ວງນີ້ ເປັນໄລຍະ ເດືອນສິບເອັດ, ສິບ ສອງລາວເປັນລະດູການເກັບ ກ່ຽວເຂົ້ານາ ແລະ ຜົນຜະລິດ ອື່ນໆ ຂອງປະຊາຊົນບັນດາເຜົ່າ.

ເທົ່າທີ່ທິດກ່ຳ ໄດ້ໄປເຫັນ ຕົວຈິງເຂດໃດທີ່ນ້ຳບໍ່ຖ້ວມ ຫລື ຜູ້ທີ່ມີນາໂນນຖືວ່າເຂົ້ານາ ປີນີ້ ແມ່ນໄດ້ຮັບໝາກຮັບຜົນ ດີສົມຄວນ.
ເຖິງຢ່າງໃດກໍດີ, ເວົ້າເຖິງ ໄພທຳມະຊາດຢູ່ບ້ານເຮົາໂດຍ ສະເພາະແມ່ນເລື່ອງຟ້າ ຝົນຊົນ ລະທາ, ຊາຫລາຍປີຜ່ານມາ ມັນກໍມີຫລາຍມີໜ້ອຍ, ຊ້ຳ ບໍ່ໜຳບາງປີມັນກໍເກີດໄພແຫ້ງ ແລ້ງອັນເປັນກົດເກນ ຂອງທຳ ມະຊາດ ເຊິ່ງພວກເຮົາ ບໍ່ສາ ມາດປັ້ນແຕ່ງ ຫລື ຢັບຢັ້ງໃນ ເວລາໄພພິບັດໄດ້ເຂົ້າມາບຸກ ທຳລາຍ.

ເພາະສະນັ້ນ, ຈຶ່ງເວົ້າໄດ້ ວ່າ ປີນີ້ເປັນປີປະຫວັດສາດ ປີໜຶ່ງ, ທີ່ປະຊາຊົນເຮົາໄດ້ຮັບ ຜົນກະທົບຈາກໄພນ້ຳຖ້ວມຈົນ ເຮັດໃຫ້ມີເຂື່ອນແຕກ, ຄົນຕາຍ ແລະ ສູນຫາຍ.

ນອກຈາກນັ້ນ, ພື້ນຖານ ໂຄງລ່າງ, ພື້ນຖານການຜະລິດ ໄຮ່ນາຮົ້ວສວນຫລາຍແຫ່ງ, ນັບ ທັງເຮືອນຊານບ້ານຊ່ອງຂອງ ປະຊາຊົນຖືກທຳລາຍມີມູນຄ່າ ຫລາຍພັນຕື້, ຖືວ່າປີພວກນາ ລຸບໄດ້ກິນປາ, ພວກນາໂນນ ໄດ້ ກິນເຂົ້າເປັນການແລກປ່ຽນ ຈູນເຈືອຊ່ວຍເຫລືອກັນໃນຍາມ ຈຳເປັນ.

ຂັ້ນຕໍ່ໄປຜູ້ຢູ່ນາລຸບກໍສຸມ ໃສ່ເຮັດນາຕ່າວນາແຊງ, ລ້ຽງ ສັດປູກຝັງເພື່ອທົດແທນສິ່ງ ທີ່ເສຍຫາຍໄປ, ຜູ້ຢູ່ນາໂນນກໍ ສືບຕໍ່ການຜະລິດໃຫ້ໄດ້ຮັບ ໝາກຮັບຜົນ./.

- 682 - ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ
(ພາບປະກອບ)
- WhatsApp Image 2020 05 27 at 5 - ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ
- WhatsApp Image 2020 05 27 at 5 - ປີນີ້ນາລຸບໄດ້ກິນປາ ນາໂນນໄດ້ກິນເຂົ້າ
error: Alert: ເນື້ອຫາຂ່າວມີລິຂະສິດ !!