ນາຍົກລັດຖະມົນຕີ ເຂົ້າຮ່ວມໄຫວ້ອາໄລ ສະຫາຍ ໂດ່ ເມືອຍ ອະດີດເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ

- PM Thongloun - ນາຍົກລັດຖະມົນຕີ ເຂົ້າຮ່ວມໄຫວ້ອາໄລ ສະຫາຍ ໂດ່ ເມືອຍ ອະດີດເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ
- Untitled design - ນາຍົກລັດຖະມົນຕີ ເຂົ້າຮ່ວມໄຫວ້ອາໄລ ສະຫາຍ ໂດ່ ເມືອຍ ອະດີດເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ

ຂປລ. ໃນວັນທີ 6-7 ຕຸລານີ້, ສະຫາຍ ທອງລຸນ ສີສຸລິດ ກໍາມະການກົມການເມືອງສູນກາງພັກ ນາຍົກລັດຖະມົນຕີແຫ່ງ ສປປ ລາວ ຕາງໜ້າຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ, ສູນກາງແນວລາວສ້າງຊາດ ແລະ ປະຊາຊົນລາວບັນດາເຜົ່າ ໄດ້ເຂົ້າຮ່ວມພິທີໄຫວ້ອາໄລເຖິງດວງວິຍານຂອງສະຫາຍ ໂດ່ ເມືອຍ ອາດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມທີ່ຫໍຊາປະນະກິດສົບແຫ່ງຊາດ, ເຮືອນເລກທີ 5, ຖະໜົນ ເຈິ່ນ ແຖັງ ຕົງ, ນະຄອນຫລວງຮ່າໂນ້ຍ ເພື່ອສະແດງຄວາມໄວ້ອາໄລຕໍ່ການຈາກໄປຂອງ ສະຫາຍ ໂດ່ ເມືອຍ  ລູກຜູ້ປະເສີດຂອງປະຊາຊົນຫວຽດນາມ, ນັກປະຕິວັດຜູ້ກ້າແກ່ນ, ຜູ້ນຳທີ່ເຄົາລົບຮັກຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ.

ການຈາກໄປໂດຍບໍ່ມີວັນກັບຄືນມາຂອງສະຫາຍ ໂດ່ ເມືອຍ ເມື່ອວັນທີ 7 ຕຸລາ 2018 ເປັນການສູນເສຍອັນໃຫຍ່ຫລວງບໍ່ພຽງແຕ່ຂອງພັກ-ລັດ ແລະ ປະຊາຊົນຫວຽດນາມອ້າຍນ້ອງ, ແຕ່ຍັງເປັນການສູນເສຍເພື່ອນມິດສະຫາຍທີ່ໃກ້ຊິດ ແລະ ສະໜິດສະໜົມທີ່ສຸດຂອງພັກ, ລັດ ແລະ ປະຊາຊົນລາວອີກດ້ວຍ, ສະຫາຍ ໄດ້ມີການປະກອບສ່ວນຢ່າງໃຫຍ່ຫລວງ ເຂົ້າໃນການເສີມຂະຫຍາຍສາຍພົວພັນມິດຕະພາບທີ່ມີມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ.

ວັນດຽວກັນ, ສະຫາຍ ທອງລຸນ ສີສຸລິດ ພ້ອມດ້ວຍຄະນະ ໄດ້ເຂົ້າຢ້ຽມຂ່ຳນັບ ສະຫາຍ ຫງວຽນ ຟູ່ຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ເພື່ອສະແດງຄວາມເສົ້າໂສກເສຍໃຈອາໄລຮັກຢ່າງສຸດຊຶ້ງຕໍ່ການຈາກໄປຂອງສະຫາຍ ໂດ່ເມືອຍ, ພ້ອມທັງນຳເອົາຄວາມຢື້ຢາມຖາມຂ່າວ ແລະ ຄວາມເສົ້າສະຫລົດໃຈຈາກສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ, ປະທານປະເທດ ແຫ່ງ ສປປ ລາວ ມາຍັງພັກ, ລັດ ແລະ ປະຊາ ຊົນຫວຽດນາມອ້າຍນ້ອງ ຕໍ່ການສູນເສຍອັນໃຫຍ່ຫລວງໃນຄັ້ງນີ້. ສະຫາຍເລຂາທິການໃຫຍ່ ຫງວຽນ ຟູ່ຈ້ອງ ໄດ້ສະແດງຄວາມຂອບໃຈ ແລະ ຕີລາຄາສູງຕໍ່ການເຂົ້າຮ່ວມພິທີໄຫວ້ອາໄລ ແລະ ພິທີຊາປະນະກິດສົບຂອງສະຫາຍ ໂດ່ ເມືອຍ ຂອງຄະນະຜູ້ແທນຂັ້ນສູງພັກ, ລັດຖະບານລາວ, ເຊິ່ງເປັນການສະແດງໃຫ້ເຫັນ ເຖິງມິດຈິດມິດໃຈທີ່ດູດດື່ມ, ນ້ຳໃຈສາມັກຄີພິເສດຂອງພັກ, ລັດ ແລະ ປະຊາຊົນລາວ ອ້າຍນ້ອງ ທີ່ມີຕໍ່ພັກ, ລັດ ແລະ ປະຊາຊົນຫວຽດນາມ ໃນຍາມຄັບຂັນນີ້.

- Wave100S AD to Website 2020 0 - ນາຍົກລັດຖະມົນຕີ ເຂົ້າຮ່ວມໄຫວ້ອາໄລ ສະຫາຍ ໂດ່ ເມືອຍ ອະດີດເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ

ໃນຕອນເຊົ້າຂອງວັນທີ 7 ຕຸລາ, ຄະນະຮ່ວມກັບການນຳຂັ້ນສູງພັກ-ລັດຖະບານແຫ່ງ ສສ.ຫວຽດນາມ ໄດ້ເຂົ້າຮ່ວມພິທີໄຫວ້ອາໄລຢ່າງເປັນທາງການ ກ່ອນທີ່ຈະເຄື່ອນຍ້າຍສົບຂອງສະຫາຍ ໂດ່ ເມືອຍ ໄປຈັດພິທີສົ່ງສະການຕາມປະເພນີຢູ່ບ້ານເກີດຂອງເພິ່ນ ທີ່ເມືອງແທງຈີ່, ນະຄອນຫລວງຮ່າໂນ້ຍ.

- WhatsApp Image 2020 05 27 at 5 - ນາຍົກລັດຖະມົນຕີ ເຂົ້າຮ່ວມໄຫວ້ອາໄລ ສະຫາຍ ໂດ່ ເມືອຍ ອະດີດເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ
- WhatsApp Image 2020 05 27 at 5 - ນາຍົກລັດຖະມົນຕີ ເຂົ້າຮ່ວມໄຫວ້ອາໄລ ສະຫາຍ ໂດ່ ເມືອຍ ອະດີດເລຂາທິການໃຫຍ່ພັກກອມມູນິດຫວຽດນາມ ທີ່ນະຄອນຫລວງຮ່າໂນ້ຍ
error: Alert: ເນື້ອຫາຂ່າວມີລິຂະສິດ !!