ລາວ​-ອີ​ຢູ ຮ່ວມຊຸກຍູ້​ສົ່ງ​ເສີມ​ທຸລະ​ກິດ​ SME          

- Laos EU - ລາວ​-ອີ​ຢູ ຮ່ວມຊຸກຍູ້​ສົ່ງ​ເສີມ​ທຸລະ​ກິດ​ SME          
- Untitled design - ລາວ​-ອີ​ຢູ ຮ່ວມຊຸກຍູ້​ສົ່ງ​ເສີມ​ທຸລະ​ກິດ​ SME          

ກົມ​ແຜນການ ​ແລະ ການ​ຮ່ວມ​ມືກະຊວງ​ອຸດສາຫະກຳ ​ແລະ ການ​ຄ້າ ຮ່ວມກັບອົງການອີຢູປະຈໍາລາວ ຈັດ​ກອງ​ປະຊຸມປຶກສາຫາລືເພື່ອວາງແຜນກະຕຸກຊຸກຍູ້ ແລະ ສົ່ງເສີມທຸລະກິດຂະໜາດນ້ອຍ ແລະ ກາງ (SME) ຂຶ້ນໃນວັນ​ທີ 8 ຕຸລານີ້, ຢູ່​ນະຄອນຫລວງ​ວຽງ​ຈັນ, ພ້ອມທັງ​ທົບທວນຄວາມ​ຄືບ​ໜ້າ​ຂອງ​ການຈັດ​ຕັ້ງ​ປະຕິບັດ​ກົດ​ໝານ​ສົ່ງ​ເສີມ​ການ​ລົງທຶນ ​ແລະ ຄຳ​ສັ່ງ​ຂອງ​ນາຍົກລັດ​ຖະມົນຕີ​ວ່າ​ດ້ວຍ​ການ​ປັບປຸງ​ສະພາບ​ແວດ​ລ້ອມ​ດ້ານ​ລະບຽບ​ການ ​ແນ​ໃສ່​ຍົກ​ລະດັບ​ຜົນ​ງານ​ດ້ານ​ການ​ດຳ​ເນີນ​ທຸລະ​ກິດ​ຂອງ​ຊາດ, ປຶກສາ​ຫາລື​ກ່ຽວ​ກັບ​ຄວາມ​ມີ​ປະສິດ ທິພາບ​ຂອງ​ກາ​ນຮ່ວມ​ມື​ລະ​ຫວ່າງ​ພາກ​ລັດ ​ແລະ ​ເອກະ​ຊົນ ​ພາຍ​ໃຕ້​ກອງ​ປະຊຸມ​ທຸລະ​ກິດ​ລາວ(LBF) ​ແລະ ​ແຜນ​ຂອງ​ລັດຖະບານ ​ທີ່​ຈະ​ປັບປຸງ​ການ​ເຂົ້າ​ເຖິງ​ການ​ບໍລິການ ​ເພື່ອ​ພັດທະນາ​ທຸລະ​ກິດ​ໃຫ້​ວິ​ສາ​ຫະກິດ​ຂະໜາດ​ນ້ອຍ ​ແລະ ກາງ (SMEs) ​ແລະ ​ແຜນການ​ໄລຍະ​ຍາວ ​ໂດຍ​ການ​ສ້າງ​ຄວາມ​ເຂັ້ມ​ແຂງ​ໃຫ້​ກອງ​ທຶນ​ພັດທະນາ SMEs.

ທ່ານຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ກ່າວ​ວ່າ:​ໂດຍ​ລວມ​ແລ້ວ​ລັດ​ຖະບານ​ເຮົາ​ຕ້ອງການ​ໃຫ້​ມີ​ການ​ລົງ ທຶນ​ຈາກ​ພາກ​ເອກະ​ຊົນ​ໃຫ້​ຫຼາຍ​ນຂຶ້ນ​ກວ່າ​ເກົ່າ ​ເພື່ອ​​ຈະ​ບັນລຸ​ໄດ້​ຕາມ​ເປົ້າ​ໝາຍ​ການ​ເຕີບ​ໂຕ​ຂອງ​ເສດຖະກິດ​ແບບ​ຍືນ​ຍົງ ​ແລະ ພວກ​ເຮົາ​ຂໍຊົມ​ເຊີຍພາລະ​ບົດບາດ​ອັນ​ດີ​ຂອງ​ນັກ​ລົງທຶນ​ຕ່າງປະ​ເທດ ທີ່​ໄດ້​ເຂົ້າ​ມາ​ສ້າງ​ວຽກ​ເຮັດ​ງານ​ທຳ, ​ມາ​ລົງທຶນດ້ານ​ເຕັກ​ໂນ​ໂລ​ຊີ ​ແລະ ສ້າງ​ສີມືແຮງງານ, ​ເຊິ່ງທັງ​ໝົດ​ນີ້​ໄດ້​ຊ່ວຍ​ຍົກ​ລະດັບ​ພື້ນຖານ​ໂຄງ​ລ່າງ​ໃຫ້​ປະ​ເທດ​ເຮົາ ​ແລະ ທັງ​ຊ່ວຍ​ໃຫ້​ພາກ​ເອກະ​ຊົນ​ມີ​ຄວາມ​ສາມາດ​​ໃນ​ການແຂ່ງຂັນ​ເພີ່ມ​ຂຶ້ນ ​ແລະ ​ເສດຖະກິດ​ຂອງ​ລາວ​ກໍ​ສາມາດ​ເຊື່​ອມ​ໂຍງ​ກັບ​ເສດຖະກິດ​ສາກົນ ​ແລະ ພາກ​ພື້ນ​ໂດຍ​ຜ່ານ​ຕ່ອງ​ໂສ້​ມູນ​ຄ່າ​ເພີ່ມໄດ້ດີຂຶ້ນ.

- Wave100S AD to Website 2020 0 - ລາວ​-ອີ​ຢູ ຮ່ວມຊຸກຍູ້​ສົ່ງ​ເສີມ​ທຸລະ​ກິດ​ SME          
- WhatsApp Image 2020 05 27 at 5 - ລາວ​-ອີ​ຢູ ຮ່ວມຊຸກຍູ້​ສົ່ງ​ເສີມ​ທຸລະ​ກິດ​ SME          
- WhatsApp Image 2020 05 27 at 5 - ລາວ​-ອີ​ຢູ ຮ່ວມຊຸກຍູ້​ສົ່ງ​ເສີມ​ທຸລະ​ກິດ​ SME          
error: Alert: ເນື້ອຫາຂ່າວມີລິຂະສິດ !!