ລວມຍອດບໍລິຈາກໄດ້ 79 ລ້ານກີບ ແລ່ນຜ່ານ 2 ແຂວງ

- 43601429 341923673277548 4875852861050716160 n - ລວມຍອດບໍລິຈາກໄດ້ 79 ລ້ານກີບ ແລ່ນຜ່ານ 2 ແຂວງ
- Untitled design - ລວມຍອດບໍລິຈາກໄດ້ 79 ລ້ານກີບ ແລ່ນຜ່ານ 2 ແຂວງ

ກິດຈະ​ກໍາ​ແລ່ນ​ແຕ່​ໃຕ້​ຫາ​ເໜືອ (ອັດຕະປື-ຜົ້ງສາລີ) ລວມໄລຍະທາງ 1.569 ກິ​ໂລ​ແມັດ ເພື່ອລະດົມທຶນຊື້ອຸປະກອນການແພດທີ່ຈຳເປັນໃຫ້​ແກ່ໂຮງໝໍເດັກ ເພື່ອນລາວ ແຂວງຫລວງພະບາງ ແລະໂຮງໝໍແຂວງອັດຕະປື ​ເຊິ່ງ​ເລີ່​ມ​ແຕ່​ວັນ​ທີ 7 ຕຸລາ​ເປັນ​ຕົ້ນ​ມາ ​ໂດຍ​ລວມຍອດ​ຫລັງ​ຈາກ​ແລ່ນ​ຜ່ານ​ 2 ​ແຂວງ​ໄດ້ 79 ລ້ານ​ກີບ.

​ປັດຈຸບັນ​ມຸ້ງ​ໜ້າ​ມື້ທີ 3 ວັນທີ 9 ຕຸລາ 2018 ເລີ່ມອອກແລ່ນແຕ່ເວລາ 5:15 ​ໂມງ​ເຊົ້າ ອອກຈາກແຂວງຈຳປາສັກມຸ້ງໜ້າໄປແຂວງສາລາວັນ ລະຫວ່າງທາງມີຜູ້ຮ່ວມບໍລິຈາກເປັນໄລຍະ ລວມຍອດບໍລິຈາກມາຮອດ​ເວລາ 10:00 ​ໂມງ ຂອງວັນທີ 9 ຕຸລາ 2018 ແມ່ນ 79.372.000 ກີບ.

ນັກແລ່ນຫລັກປະກອບມີທັງໝົດ 4 ທ່ານ ລວມມີທ່ານ ຄາໂລ ບາຄາລາ, ທ່ານ ອິນທີ ເດືອນສະຫວັນ, ທ່ານ ບັນ ເດີ້ ແລະ ທ່ານ ແດນນຽວ ໂອເຊ. ນອກນັ້ນ ຍັງມີບັນດານັກແລ່ນທີ່ຮ່ວມແລ່ນເພື່ອເປັນກຳລັງໃຈໃຫ້ນັກແລ່ນຫລັກອີກຈຳນວນໜື່ງ.  ການແລ່ນແຕ່​ໃຕ້ຮອດເໜືອໃນຄັ້ງນີ້ ຈະ​ໃຊ້ເວລາທັງໝົດ 16 ມື້ ແຕ່ລະມື້ຜັດປ່ຽນກັນແລ່ນໃຫ້ໄດ້ 100 ກມ ແລະ ຈະເຂົ້າມາຮອດວຽງຈັນຕາມເສັ້ນທາງ 13 ​ໃຕ້ ຄາດວ່າຈະຮອດອານຸສາວະລີເວລາປະມານ 16:30 ຈາກນັ້ນຈະອອກຈາກວຽງຈັນໄປຜົ້ງສາລີ ໃນວັນທີ 16 ຕຸລາ ເວລາ 5:30 ​ໂມງ ເລີ່ມທີ່ອານຸສາວະລີ, ຜູ້ທີ່ສົນໃຈເຂົ້າຮ່ວມແລ່ນເພື່ອຮັບນັກແລ່ນ ຫລື ສົ່ງນັກແລ່ນ ຫລື ສົນໃຈໄປບໍລິຈາກ, ໄປເຊຍສາມາດເຮັດໄດ້.

- Wave100S AD to Website 2020 0 - ລວມຍອດບໍລິຈາກໄດ້ 79 ລ້ານກີບ ແລ່ນຜ່ານ 2 ແຂວງ
- WhatsApp Image 2020 05 27 at 5 - ລວມຍອດບໍລິຈາກໄດ້ 79 ລ້ານກີບ ແລ່ນຜ່ານ 2 ແຂວງ
- WhatsApp Image 2020 05 27 at 5 - ລວມຍອດບໍລິຈາກໄດ້ 79 ລ້ານກີບ ແລ່ນຜ່ານ 2 ແຂວງ
error: Alert: ເນື້ອຫາຂ່າວມີລິຂະສິດ !!