ມາເລເຊຍອາດອອກພາສີໃໝ່ ຂາຍຊັບສິນເພື່ອໃຊ້ໜີ້

- 1539060058360 960x0 - ມາເລເຊຍອາດອອກພາສີໃໝ່ ຂາຍຊັບສິນເພື່ອໃຊ້ໜີ້
- Untitled design - ມາເລເຊຍອາດອອກພາສີໃໝ່ ຂາຍຊັບສິນເພື່ອໃຊ້ໜີ້

ນາຍົກລັດຖະມົນຕີ ມະຫາ​ເທ ​ໂມ​ຮຳ​ໝັດ ຂອງ​ມາ​ເລ​ເຊຍ ​ເປີດ​ເຜີຍ​ໃນ​ວັນ​ທີ 9 ຕຸລາ​ວ່າ: ລັດຖະບານ​ອາດ​ອອກ​ພາສີ​ໃໝ່ ​ແລະ ຈຳໜ່າຍ​ຊັບ​ສິນ​ບາງ​ຢ່າງ ​ເພື່ອ​ຫາ​ເງິນ​ຊຳລະ​ໜີ້​ທີ່​ສູງ​ເຖິງ 1 ຕື້ຣິງກິດ.

ນາຍົກລັດຖະມົນຕີ ມະຫາ​ເທ ກ່າວ​ຕໍ່​ກອງ​ປະຊຸມ​ນັກ​ລົງທຶນ​ວ່າ: ລັດຖະບານ​ອາດ​ອອກ​ພາສີ​ໃໝ່ ​ເພື່ອ​ຫາ​ເງິນ​ຊຳລະ​ໜີ້ ຫລື ອາດ​ຕ້ອງ​ຈຳໜ່າຍ​ຊັບ​ສິນ​ທີ່​ມີ​ຢູ່, ໜຶ່ງ​ໃນ​ນັ້ນຄື​ທີ່​ດິນ ຈາກ​ນັ້ນອາດ​ຈຳໜ່າຍ​ຊັບ​ສິນ​ມີຄ່າ​ອື່ນໆ ​ເພື່ອ​ຫາ​ເງິນ​ຊຳລະ​ໜີ້. ທ່ານ ມະຫາ​ເທ ​ເຊິ່ງ​ເປັນ​ຝ່າຍ​ຄ້ານ​ຊະນະ​ເລືອກ​ຕັ້ງຢ່າງ​ຫລວງຫລາຍ​ໃນ​ເດືອນ​ພຶດສະພາ ກ່າວ​ໂທດ​ລັດຖະບານ​ທ່ານ ນາ​ຈິບ ຣາຊັກ ວ່າ: ​ເປັນສ​າ​ເຫດ​ເຮັດ​ໃຫ້​ປະ​ເທດ​ມີ​ພາລະ​ໜີ້​ສິນ​ມະຫາສານ ລວມທັງ​ກອງ​ທຶນ​ພັດທະນາ​ມາ​ເລ​ເຊຍ (1MDB) ທີ່​ຖືກ​ຫລາຍ​ປະ​ເທດ​ສອບ​ສວນ​ເລື່ອງສຸ​ຈະລິດ ​ແລະ ຟອກ​ເງິນ.

ລັດຖະບານທ່ານ ມະຫາ​ເທ ກຳລັງ​ຄົ້ນຫາ​ແຫ​ລ່ງລາຍ​​ໄດ້​ໃໝ່ໆ ​ເພື່ອ​ທົດ​ແທນ​ລາຍ​ໄດ້​ທີ່​ເສຍ​ໄປ​ຈາກ​ການ​ຍົກ​ເລີກ​ພາສີ​ສິນຄ້າ ​ແລະ ບໍລິການ (GST) ທີ່​ເກັບ​ໃນ​ອັດຕາ 6% ມາ​ແຕ່​ປີ 2015 ​ໂດຍ​ນຳພາ​ສີ​ຂາຍ ​ແລະ ພາສີ​ບໍລິການ (SST) ອັດຕາ 5-15% ກັບ​ມາ​ໃຊ້ ນັບ​ແຕ່​ວັນ​ທີ 1 ກັນຍາ. ທ່ານ ລິ​ມ ກວນ​ເອັງ ລັດຖະມົນຕີ​ການ​ເງິນ ​ກ່າວ​ໃນ​​ເດືອນ​ກ່ອນ​ວ່າ: ມາ​ເລ​ເຊຍ​ຈະ​ພິຈາລະນາ​ເລື່ອງ​ອອກ​ກາສາ​ນໜີ້ ຄຽງ​ຄູ່​ກັບ​ການຈຳໜ່າຍ​ຊັບ​ສິນ ​ເພື່ອ​ຫາ​ເງິນ​ຊຳລະ​ໜີ້​ໄລຍະ​ສັ້ນ.

- Wave100S AD to Website 2020 0 - ມາເລເຊຍອາດອອກພາສີໃໝ່ ຂາຍຊັບສິນເພື່ອໃຊ້ໜີ້
- WhatsApp Image 2020 05 27 at 5 - ມາເລເຊຍອາດອອກພາສີໃໝ່ ຂາຍຊັບສິນເພື່ອໃຊ້ໜີ້
- WhatsApp Image 2020 05 27 at 5 - ມາເລເຊຍອາດອອກພາສີໃໝ່ ຂາຍຊັບສິນເພື່ອໃຊ້ໜີ້
error: Alert: ເນື້ອຫາຂ່າວມີລິຂະສິດ !!