3 ວິທີລ້າງສານພິດທີ່ອັນຕະລາຍ

- advert banner 728 90 728x90 - 3 ວິທີລ້າງສານພິດທີ່ອັນຕະລາຍ

ໃຜທີ່ຮູ້ຈັກຄຳວ່າ ລ້າງສານພິດ ຫລື ດີທັອກ ອາດຈະເຄີຍໄດ້ຍິນຂໍ້ດີຂອງມັນມາຫລາຍ ເວົ້າງ່າຍໆກໍຄືການລ້າງສິ່ງບໍ່ດີອອກ ຈາກຮ່າງກາຍ ເຮັດແລ້ວເຊື່ອກັນວ່າເຮັດໃຫ້ລະບົບພາຍໃນຮ່າງກາຍໃສສະອາດ, ປາສະຈາກເຊື້ອພະຍາດ, ແບັກທີເຣຍ ຫລື ສິ່ງໝັກໝົມຕ່າງໆທີ່ເຮັດໃຫ້ຮ່າງກາຍເປິເປື້ອນ ຫລື ເຮັດໃຫ້ເປັນພະຍາດຕ່າງໆ ເຮັດແລ້ວສິ່ງບໍ່ດີຕໍ່ຮ່າງກາຍທັງຫລາຍຈະໄຫລອອກມາພ້ອມກັບອາຈົມ.

ຍ້ອນຄວາມເຊື່ອນີ້ ຈຶ່ງເຮັດໃຫ້ຫລາຍຄົນຫັນໄປເຮັດດີທັອກລ້າງສານພິດກັນຫລາຍຂຶ້ນ, ມີສູດດີທັອກລ້າງສານພິດຫລາຍຕາມໂລກອອນລາຍຕ່າງໆ, ມີພືດສະ ໝຸນໄພທີ່ໂຄສະນາວ່າຊ່ວຍດີທັອກ ລ້າງສານພິດໃຫ້ຮ່າງກາຍໄດ້ ຈຶ່ງເຮັດໃຫ້ຫລາຍທ່ານຈື່ສູດມາເຮັດເອງຢູ່ເຮືອນຈົນເປັນອັນຕະລາຍຕໍ່ຊີວິດກໍມີ. ມື້ນີ້ພວກເຮົາມີຄວາມຮູ້ກ່ຽວກັບວິທີດີທັອກລ້າງສານພິດທີ່ຄວນຫລີກເວັ້ນມາແນະນຳ.

- 1 1 - 3 ວິທີລ້າງສານພິດທີ່ອັນຕະລາຍ
- lattana 1 - 3 ວິທີລ້າງສານພິດທີ່ອັນຕະລາຍ
  1. ອົດອາຫານ, ກິນໄດ້ແຕ່ອາຫານບາງປະເພດທີ່ເຊື່ອວ່າຊ່ວຍດີທັອກລ້າງສານພິດໃນຮ່າງກາຍ : ການອົດອາຫານແລ້ວກິນອາຫານຢ່າງໃດໜຶ່ງພຽງຢ່າງດຽວ ເຊັ່ນ : ດື່ມແຕ່ນຳ້ໂຊດາ, ນຳ້ໝາກພ້າວ, ນຳ້ໃບຢານາງ ຫລື ກິນແຕ່ໝາກໄມ້ຢ່າງດຽວ ນອກຈາກຈະບໍ່ໄດ້ຊ່ວຍລ້າງສານພິດຮ່າງກາຍຢ່າງແທ້ຈິງແລ້ວ ຍັງເຮັດໃຫ້ຮ່າງກາຍຂາດສານອາຫານ ທັງຍັງອາດເຮັດໃຫ້ໝົດພະລັງງານ, ບໍ່ມີເຫື່ອແຮງ, ໜ້າມືດ, ລາຍຕາ, ນຳ້ຕານໃນເລືອດຕໍ່າ ຍິ່ງໃຜທີ່ກິນແຕ່ສິ່ງທີ່ເຮັດໃຫ້ຂັບຖ່າຍ ອາດເກີດອາ ການຊັອກຈາກການຂາດນຳ້ຈົນເສຍຊີວິດໄດ້.
  2. ສວນຮູທະວານໜັກ : ໃຜທີ່ມີບັນຫາດ້ານການຂັບຖ່າຍ, ອຶດອັດທ້ອງ, ຢາກຂັບຖ່າຍແຕ່ບໍ່ຖ່າຍ ອາດເລືອກວິທີສວນຮູທະວານ ໂດຍການສອດສາຍນຳ້ເກືອທີ່ບັນຈຸຂອງແຫລວ ເຊັ່ນ : ນຳ້ ຫລື ນຳ້ກາເຟເຂົ້າໄປ ເຊິ່ງຄວາມຈິງແລ້ວການໃຊ້ວິທີນີ້ກໍບໍ່ຖືວ່າຜິດ, ແຕ່ຖ້າຫາກຄົນທີ່ເຮັດບໍ່ມີຄວາມຮູ້ຄວາມເຂົ້າໃຈທີ່ດີພໍ ລວມໄປເຖິງອຸປະກອນຕ່າງໆທີ່ອາດຈະບໍ່ສະອາດພໍ ອາດເຮັດໃຫ້ຕິດເຊື້ອຈົນເຖິງຂັ້ນເສຍຊີວິດໄດ້ເຊັ່ນກັນ.

ນອກຈາກນີ້, ການສວນຮູທະວານໜັກຈະເຮັດໃຫ້ມີອາຈົມອອກມາໃນປະລິມານຫລາຍ ບໍ່ໄດ້ໝາຍຄວາມວ່າເປັນການດີທັອກລ້າງລຳໄສ້ຈົນສະອາດກ້ຽງດີດັ່ງທີ່ຄິດ ແຕ່ເປັນການກະຕຸ້ນການບີບໂຕຂອງລຳໄສ້ໃຫຍ່ຫລາຍຈົນເກີນໄປ ແລະ ຫາກລ້າງລຳໄສ້ເລື້ອຍໆອາດເຮັດໃຫ້ລຳໄສ້ສູນເສຍແບັກທີເຣຍໃນກະເພາະອາຫານທີ່ມີປະໂຫຍດໃນການຊ່ວຍຂັບຖ່າຍອອກໄປ ເຮັດໃຫ້ໃນອະນາຄົດຮ່າງກາຍອາດຈະຂັບຖ່າຍດ້ວຍໂຕເອງບໍ່ໄດ້ ຈົນຕ້ອງໃຊ້ວິທີສວນໄປຕະຫລອດ.

  1. ດີທັອກລ້າງສານພິດຕັບດ້ວຍສາລະພັດສູດ : ຕັບເປັນອະໄວຍະວະທີ່ຊ່ວຍກັ່ນຕອງສານພິດເພື່ອໄລ່ອອກຈາກຮ່າງກາຍ, ແຕ່ການລ້າງພິດຕັບໂດຍການກິນອາຫານບາງຢ່າງ ເຊັ່ນ : ນຳ້ມັນໝາກກອກ ແລະ ນຳ້ເກືອ ບໍ່ໄດ້ຊ່ວຍລ້າງພິດໃນຕັບຢ່າງດັ່ງທີ່ເຂົ້າໃຈກັນ ເພາະເກືອຊ່ວຍໃຫ້ຂັບຖ່າຍສະດວກຂຶ້ນ ແລະ ນຳ້ມັນໝາກກອກຈະປະປົນອອກມາກັບອາຈົມ ຈຶ່ງເຮັດໃຫ້ຄົນທີ່ກິນທັງ 2 ຢ່າງ ຄິດວ່າກິນແລ້ວຊ່ວຍດີທັອກເອົາອາຈົມ ແລະ ໄຂມັນອອກມາ ເຊິ່ງເປັນເລື່ອງທີ່ເຂົ້າໃຈຜີດທັງໝົດ.
error: Content is protected !!