ເຄັດລັບການອອກກຳລັງກາຍທີ່ຈຳກັດໄຂມັນໄດ້ແນ່ນອນ

- 021010 2018 - ເຄັດລັບການອອກກຳລັງກາຍທີ່ຈຳກັດໄຂມັນໄດ້ແນ່ນອນ
- Untitled design - ເຄັດລັບການອອກກຳລັງກາຍທີ່ຈຳກັດໄຂມັນໄດ້ແນ່ນອນ

ການອອກກຳລັງກາຍເພື່ອກຳຈັດໄຂມັນສ່ວນເກີນອອກໄປນັ້ນບໍ່ແມ່ນເລື່ອງທີ່ຈະເຮັດກັນໄດ້ງ່າຍໆ ເພາະຫາກອອກກຳລັງກາຍບໍ່ຖືກວິທີໄຂມັນສ່ວນເກີນທີ່ເຮົາຢາກກຳຈັດອາດຈະຍັງຢູ່ຄືເກົ່າເຖິງວ່າເຮົາຈະພະຍາຍາມອອກກຳລັງກາຍຢ່າງໜັກຫລາຍກໍຕາມ.

ການອອກກຳລັງກາຍເພື່ອຈະຊ່ວຍຫລຸດໄຂມັນສ່ວນເກີນໃນຮ່າງກາຍຕ້ອງອອກດ້ວຍຄວາມເຂັ້ມຂຸ້ນລະດັບປານກາງ ເຮົາຈຶ່ງ ຈະສາມາດສະຫລາຍໄຂມັນທີ່ຢູ່ໃຕ້ຊັ້ນຜິວໜັງໄດ້.

     ຂໍ້ຄວນລະວັງ : ການອອກກຳລັງກາຍດ້ວຍຄວາມເຂັ້ມຂຸ້ນສູງ, ອອກກຳລັງກາຍໃຫ້ເມື່ອຍສຸດໆ, ແຮງເກືອບຈະໝົດ, ເຫື່ອໄຫລອອກເປັນຈຳນວນຫລາຍ ອາດບໍ່ໄດ້ຊ່ວຍຫລຸດໄຂມັນໃຕ້ຜິວໜັງດັ່ງທີ່ຄິດ ເພາະຮ່າງກາຍຈະບໍ່ໃຊ້ກົດໄຂມັນໃນການເປັນພະລັງງານໃນການອອກກຳລັງກາຍຄືກັບການອອກກຳລັງກາຍດ້ວຍຄວາມເຂັ້ມຂຸ້ນລະດັບປານກາງ ເມື່ອເຮົາເພີ່ມຄວາມໜັກໃນການອອກກຳລັງກາຍ ຮ່າງກາຍຈະປັບຂະບວນການສ້າງພະລັງງານໃໝ່ ຮ່າງກາຍຈະຕ້ອງການນຳ້ຕານກລູໂກສໃນເລືອດ ແລະ ໃນກ້າມຊີ້ນມາເປັນແຫລ່ງພະລັງານໜັກແທນກົດໄຂມັນນັ້ນເອງ.

ຄວາມເຂັ້ມຂຸ້ນຂອງລະດັບການອອກກຳລັງກາຍຂອງແຕ່ລະຄົນບໍ່ເທົ່າກັນ ຄົນທີ່ບໍ່ເຄີຍອອກກຳລັງກາຍເລີຍຈະທົນຕໍ່ຄວາມເຂັ້ມຂຸ້ນຂອງການອອກກຳລັງກາຍໄດ້ໜ້ອຍກ່ວາຄົນທີ່ອອກກຳລັງກາຍເປັນປະຈຳ. ດັ່ງນັ້ນ ສາມາດອອກກຳລັງກາຍແບບຄາດິໂອ (ແລ່ນ, ຖີບລົດຖີບ, ແອໂຣບິກ, ລອຍນຳ້, ຫລິ້ນກິລາ ໆລໆ) ໄດ້ຕາມປົກກະຕິ ພຽງແຕ່ສັງເກດອາການເມື່ອຍຫອບລະຫ່ວາງທີ່ເຮົາຫລິ້ນ ຫາກໃນຂະນະທີ່ກຳລັງອອກກຳລັງກາຍຢູ່ ເຮົາຮູ້ສຶກໄດ້ວ່າເຫື່ອເລີ່ມຊຶມໆອອກມາ ຫາຍໃຈຖີ່ຂຶ້ນ ແລະ ສາມາດເວົ້າໄດ້ພຽງຄຳ ຫລື ປະໂຫຍກສັ້ນໆ ລະດັບນີ້ແມ່ນການອອກກຳລັງກາຍລະດັບເຂັ້ມຂຸ້ນປານກາງ ແລະ ຈະຕ້ອງອອກຢ່າງຕໍ່ເນື່ອງ 30 – 60 ນາທີ ເພື່ອການສະຫລາຍໄຂມັນສ່ວນເກີນໃນຮ່າງກາຍ, ບໍ່ຄວນອອກກຳລັງຢ່າງຕໍ່ເນື່ອງດົນກ່ວາ 90 ນາທີ ຫາກຢາກໄດ້ຮູບຮ່າງງາມສົມສ່ວນ,  ແຕ່ຫາກອອກກຳລັງກາຍຫລາຍ ຫລື ດົນກ່ວານີ້ ອາດເປັນການສ້າງກ້າມຊີ້ນຫລາຍກ່ວາ ວິທີນີ້ເໝາະສົມສຳລັບຄົນທີ່ຢາກໄດ້ກ້າມຊີ້ນຫລາຍກ່ວາຄົນທີ່ຢາກກຳຈັດໄຂມັນເພື່ອໃຫ້ໄດ້ຮູບຮ່າງສົມສ່ວນ.

- Wave100S AD to Website 2020 0 - ເຄັດລັບການອອກກຳລັງກາຍທີ່ຈຳກັດໄຂມັນໄດ້ແນ່ນອນ

     – ເຄັດລັບຫລັງອອກກຳລັງກາຍ : ຫລັງອອກກຳລັງກາຍ ຫາກຫິວສາມາດກິນອາຫານໄດ້, ແຕ່ຄວນຫລີກເວັ້ນອາຫານທີ່ມີ ແປ້ງ ແລະ ນຳ້ຕານເປັນສ່ວນປະກອບຫລາຍ ຄວນເລືອກກິນໂປຣຕິນ, ຜັກ, ໝາກໄມ້ຈະດີກ່ວາ.

- WhatsApp Image 2020 05 27 at 5 - ເຄັດລັບການອອກກຳລັງກາຍທີ່ຈຳກັດໄຂມັນໄດ້ແນ່ນອນ
- WhatsApp Image 2020 05 27 at 5 - ເຄັດລັບການອອກກຳລັງກາຍທີ່ຈຳກັດໄຂມັນໄດ້ແນ່ນອນ
error: Alert: ເນື້ອຫາຂ່າວມີລິຂະສິດ !!