ນາງ ນິກກີ້ ເຮລີ ລາອອກຈາກຕຳແໜ່ງ ທູດອາເມລິກາປະຈຳ ສປຊ

- advert banner 728 90 728x90 - ນາງ ນິກກີ້ ເຮລີ ລາອອກຈາກຕຳແໜ່ງ ທູດອາເມລິກາປະຈຳ ສປຊ

ທ່ານ ນາງ ນິກກີ້ ​ເຮ​ລີ ລາ​ອອກ​ຈາກ​ຕຳ​ແໜ່​ງທູດ ຜູ້​ແທນ​ຖາວອນ​ຂອງ​ອາ​ເມ​ລິ​ກາ ປະຈຳ​ອົງການ​ສະຫະ​ປະຊາ​ຊາດ ​ໂດຍ​ບໍ່​ມີ​ການ​ແຈ້ງ​ລ່ວງ​ໜ້າ ​ເຊິ່ງຖື​ເປັນ​ເຈົ້າໜ້າ​ທີ່​ລະດັບ​ສູງ​ຄົນ​ຫລ້າ​ສຸດ​ທີ່​ມີ​ການ​ປ່ຽນ​ແປງ​ໃນ​ທີ​ມງານ​ຂອງ​ປະທານາທິບໍດີ ​ໂດ​ນັລ ທຣຳ.

ທ່ານ ທຣຳ ພົບ​ກັບ​ນາງ ​ເຮ​ລີ ຢູ່​ທຳນຽບຂາວ​ໃນ​ວັນ​ທີ 9 ຕຸລາ ​ແລະ ກ່າວ​ວ່າ: ນາງ ​ເຮ​ລີ ​ເຮັດ​ໜ້າ​ທີ່​ໄດ້​ຢ່າງ​ດີ​ຫລາຍ ​ແລະ ຈະ​ເຮັດ​ໜ້າ​ທີ່​ທູດ​ອາ​ເມ​ລິ​ກາ​ປະຈຳ​ສະຫະ​ປະຊາ​ຊາດ​ຕໍ່​ໄປ​ຈົນ​ໝົດ​ປີ​ນີ້. ທ່ານ ທຣຳ ກ່າວ​ວ່າ: ນາງ ​ເຮ​ລີ ​ໄດ້​ແຈ້ງ​ເລື່ອງ​ການ​ຂໍ​ລາ​ອອກ​ຈາກ​ຕຳ​ແໜ່​ງ​ໃຫ້​ທ່ານ​​ເມື່ອ 6 ​ເດືອນ​ກ່ອນ​ໜ້າ​ນີ້ ​ໂດຍ​ບອກ​ວ່າ: ຢາກ​ຈະ​ຂໍ​ພັກ. ຜູ້ນຳ​ອາ​ເມ​ລິ​ກາ ກ່າວ​ວ່າ: ຈະ​ມີ​ການ​ປະກາດ​ຊື່ບຸກຄົນ​ທີ່​ຈະ​ມາ​ດຳລົງ​ຕຳ​ແໜ່​ງ​ແທນ​ນາງ​ໃນ​ອີກ 2-3 ອາທິດ​ຕໍ່ໜ້າ. ນາງ ​ເຮ​ລີ ບໍ່​ໄດ້​ເປີດ​ເຜີຍ​ເຖິງ​ສາ​ເຫດ​ທີ່​ເຮັດ​ໃຫ້​ນາງ​ຕັດສິນ​ໃຈ​ລາ​ອອກ​ຈາກ​ຕຳ​ແໜ່​ງ ​ໂດຍ​ກ່າວ​ພຽງ​ວ່າ: ຈຳ​ເປັນ​ຕ້ອງ​ເຂົ້າ​ໃຈ​ວ່າ: ​ເມື່ອ​ໃດ​​ເຖິງ​ເວລາ​ທີ່​ຈະ​ຕ້ອງ​ຫລີກ​ທາງ ພາຍຫລັງ​ເຮັດ​ວຽກ​ທີ່​ມີ​ຄວາມ​ທ້າ​ທາຍ​ມາ​ໄລຍະ​ໜຶ່ງ​ແລ້ວ. ຂະນະ​ທີ່​ສື່​ມວນ​ຊົນ​ຂອງ​ອາ​ເມ​ລິ​ກາ​ລາຍ​ງານ​ອ້າງ​ແຫ​ລ່ງຂ່າວ​ທີ່​ເປັນ​ເຈົ້າໜ້າ​ທີ່​ອາ​ເມ​ລິ​ກາ ລະບຸ​ວ່າ: ການ​ລາ​ອອກ​ຂອງ​ນາງ ​ເຮ​ລີ ​ເປັນ​ເລື່ອງ​ກະທັນຫັນ, ​ກະທັ້ງທ່ານ ​ໄມ ປອມ​ເປ​ໂອ ລັດຖະມົນຕີ​ຕ່າງປະ​ເທດ​ ຍັງ​ບໍ່​ຮູ້​ເລື່ອງ. ທ່ານ ທຣຳ ກ່າວ​ວ່າ: ທ່ານ​ມີ​ລາຍ​ຊື່​ບຸກຄົນ 5 ຄົນ​ທີ່​ກຳລັງ​ພິຈາລະນາ​ໃຫ້​ດຳລົງ​ຕຳ​ແໜ່​ງ​ແທນ​ນາງ ​ເຮ​ລີ ​ເຊິ່ງລວມທັງ​ທ່ານ ດາ​ນາ ​ໂພ​ເວລ ອະດີດ​ທີ່​ປຶກສາ​ດ້ານ​ຄວາມ​ໝັ້ນຄົງ​ແຫ່ງ​ຊາດ ​ເຊິ່ງ​ເປັນ​ຊາວ​ອາ​ເມ​ລິ​ກາ​ເຊື້ອສາຍ​ເອຢິບ, ​ແຕ່​ທ່ານ​ບໍ່​ໄດ້​ເປີດ​ເຜີຍ​ລາຍ​ຊື່​ອີກ 4 ຄົນ​ທີ່ຢູ່​ໃນ​ໃຈ.

- lattana 1 - ນາງ ນິກກີ້ ເຮລີ ລາອອກຈາກຕຳແໜ່ງ ທູດອາເມລິກາປະຈຳ ສປຊ
- 1 1 - ນາງ ນິກກີ້ ເຮລີ ລາອອກຈາກຕຳແໜ່ງ ທູດອາເມລິກາປະຈຳ ສປຊ
error: Content is protected !!