ສຕລ ກຽມແຕ່ງຕັ້ງຄູຝຶກທີມຊາດຊຸດໃຫຍ່ທ້າຍອາທິດນີ້

- 43747840 1956927104367214 2964114805377466368 n - ສຕລ ກຽມແຕ່ງຕັ້ງຄູຝຶກທີມຊາດຊຸດໃຫຍ່ທ້າຍອາທິດນີ້
- Untitled design - ສຕລ ກຽມແຕ່ງຕັ້ງຄູຝຶກທີມຊາດຊຸດໃຫຍ່ທ້າຍອາທິດນີ້

ສະຫະພັນບານເຕະແຫ່ງຊາດລາວ (ສຕລ) ກຽມແຕ່ງຕັ້ງຄູຝຶກທີມຊາດຊຸດໃຫຍ່ຄົນໃໝ່ທ້າຍອາທິດນີ້ ເພື່ອກຽມຄວາມພ້ອມເຂົ້າຮ່ວມການແຂ່ງຂັນ ຊຸຊຸກິ ຄັບ 2018 (AFF Suzuki Cup 2018) ໃນເດືອນພະຈິກນີ້.

ການແຕ່ງຕັ້ງຄູຝຶກທີມຊາດຊຸດໃຫຍ່ຄົນໃໝ່ຈະມີຂຶ້ນໃນວັນທີ 12 ຕຸລາ 2018 ທີ່ ສຕລ ເຊິ່ງຄູຝຶກຄົນໃໝ່ທີ່ຈະມາແທນທ່ານ ໄມ ວ໋ອງ ຄູຝຶກເກົ່າປະເທດສິງກະໂປ ແມ່ນທ່ານ ວາຣາດາຣາຈູ ຊັນດຣາມູຣທີ (Varadaraju Sundramoorthy) ປະເທດສິງກະໂປ ອາຍຸ 52 ປີ ອະດີດກອງກາງ ແລະ ກອງໜ້າທີມຊາດສິງກະໂປ, ອະດີດຄູຝຶກທີມຊາດສິງກະໂປ ໂດຍຈະເຊັນສັນຍາຄຸມທີມຊາດລາວຊຸດໃຫຍ່ 3 ປີ ແລະ ຈະເລີ່ມຄຸມທີມຊາດລາວ ເກມອຸ່ນເຄື່ອງກັບ ທີມຊາດມົງໂກລີ ຢູ່ນະຄອນຫລວງວຽງຈັນ ໃນວັນທີ 16 ຕຸລານີ້ ກ່ອນຈະເຂົ້າຮ່ວມແຂ່ງຂັນ AFF Suzuki Cup 2018 ນີ້.

ການແຂ່ງຂັນ AFF Suzuki Cup 2018 ທີມຊາດລາວ ຢູ່ກຸ່ມ ເອ ປະກອບມີ: ທີມຊາດຫວຽດນາມ, ມາເລເຊຍ, ມຽນມາ ແລະ ທີມຊາດກຳປູເຈຍ. ສໍາລັບຕາຕະລາງການແຂ່ງຂັນຂອງທີມຊາດລາວ ຈະລົງສະໜາມ 4 ຄັ້ງຄື: ວັນທີ 8 ພະຈິກ 2018  ພົບ ທີມຊາດຫວຽດນາມ ຢູ່ສະໜາມກິລາແຫ່ງຊາດຫລັກ 16, ວັນທີ 12 ພະຈິກ 2018 ພົບກັບ ທີມຊາດມາເລເຊຍ ຢູ່ສະໜາມກິລາ Bukit Jalil National, Kuala Lumpur, ວັນທີ 16 ພະຈິກ 2018 ພົບ ທີມຊາດມຽນມາ ຢູ່ສະໜາມກິລາແຫ່ງຊາດຫລັກ 16, ວັນທີ 20 ພະຈິກ 2018  ພົບກັບ ທີມຊາດກໍາປູເຈຍ ຢູ່ສະໜາມ National Olympic, Phnom Penh.

- Wave100S AD to Website 2020 0 - ສຕລ ກຽມແຕ່ງຕັ້ງຄູຝຶກທີມຊາດຊຸດໃຫຍ່ທ້າຍອາທິດນີ້
- WhatsApp Image 2020 05 27 at 5 - ສຕລ ກຽມແຕ່ງຕັ້ງຄູຝຶກທີມຊາດຊຸດໃຫຍ່ທ້າຍອາທິດນີ້
- WhatsApp Image 2020 05 27 at 5 - ສຕລ ກຽມແຕ່ງຕັ້ງຄູຝຶກທີມຊາດຊຸດໃຫຍ່ທ້າຍອາທິດນີ້
error: Alert: ເນື້ອຫາຂ່າວມີລິຂະສິດ !!