ຈະແກ້ໄຂສະພາບສາຍແມ່ກາຝາກ ໃນຕົວເມືອງຫລວງແນວໃດດີ

- advert banner 728 90 728x90 - ຈະແກ້ໄຂສະພາບສາຍແມ່ກາຝາກ ໃນຕົວເມືອງຫລວງແນວໃດດີ

 ໂດຍ: ທ່ຽງທຳ 

ສະບາຍດີ, ເພື່ອນຜູ້ອ່ານທີ່ ຮັກແພງ, ເມື່ອເວົ້າເຖິງການແກ້ ໄຂສະພາບສາຍຕ່າງໆ ທີ່ຢັ່ງ ຢາຍເປັນປຸ່ມເປັນເປົ້າໄປຕາມ ເສົ້າໄຟຟ້າ, ໃນຕົວເມືອງຫລວງ ເຮົາກໍນັບວ່າຫລາຍເຫລືອ ເກີນບໍ່ຈັກວ່າສາຍໄຟຟ້າ, ສາຍ ໂທລະສັບ, ສາຍເຄເບິນທີວີ ແລະ ອື່ນໆ.
ຈົນຜູ້ຂຽນຈະຫາຄຳມາບັນ ລະຍາຍໄດ້ຍາກນອກຈາກຈະ ເອີ້ນວ່າ: “ສາຍແມ່ກາຝາກ” ເພາະໂດຍສ່ວນໃຫຍ່ຜູ້ປະກອບ ການເລົ່ານີ້ຈະອາໄສເກາະຫ້ອຍ ໄປຕາມເສົາໄຟຕ່າງໆ ຕາມ ສອງຝາກທາງຂອງຕົວເມືອງ ເທົ່ານັ້ນ, ບາງຄົນກໍເຮັດດີ, ຈັດ ສັນມີຄວາມເປັນລະບຽບຮຽບ ຮ້ອຍ, ແຕ່ສ່ວນຫລາຍແລ້ວ ແມ່ນບໍ່ງົດງາມໃດເພາະມັດເປັນ ປຸ້ມເປັນເປົ້າໄປເບິ່ງແລ້ວຮ້າຍ ກວ່າໃຍແມງມຸມ ທີ່ສານໄວ້ເພື່ອ ດັກຈັບເຍື່ອເທົ່ານັ້ນ, ແຕ່ນີ້ພັດ ແມ່ນຄົນເຮົາສ້າງຂຶ້ນເບິ່ງ ແລ້ວບໍ່ຄອຍງາມຕາ ແລະ ສ້າງ ຄວາມບໍ່ຈົບບໍ່ງາມໃຫ້ຕົວເມືອງ ຫລວງ, ພ້ອມຍັງມີຄວາມສ່ຽງ ທີ່ຈະກໍ່ໃຫ້ເກີດອັກຄີໄພໄດ້ງ່າຍ, ເພາະຫລາຍຈຸດທີ່ມີສາຍແມ່ ກາຝາກນີ້ຫລາຍນົກກະຈອກ ກໍຈະໄປເຮັດຮັງໃສ່ເພື່ອເກີດມີ ສະພາບໄຟຊອດກໍ່ຈະລຸກໄໝ້ ຂຶ້ນຢ່າງໄວວາດັ່ງເຫດການເກີດ ຂຶ້ນເມື່ອແລງວັນທີ 6 ຕຸລານີ້, ຢູ່ຕໍ່ໜ້າວັດດອນແດງລະຫວ່າງ ເສັ້ນທາງໜອງທາໄປຫາຫ້ວຍ ຫົງໄດ້ສ້າງຄວາມສະເທືອນ ຂວັນບໍ່ໜ້ອຍແກ່ປະຊາຊົນ ຜູ້ຢູ່ໃກ້ເຂດນັ້ນ, ນີ້ກໍເນື່ອງ ຈາກສາຍແມ່ກາຝາກຕ່າງໆ ເລົ່ານັ້ນຊ໋ອດ, ໂຊກດີວ່າສາ ມາດດັບມອດໄວ້ທັນ ແລະ ເມື່ອຮອດຍາມແລ້ງນີ້ ຄວາມ ສ່ຽງທີ່ຈະກໍ່ໃຫ້ເກີດອັກຄີໄພ ຍິ່ງມີຫລາຍ.

ດັ່ງນັ້ນພາກສ່ວນກ່ຽວ ຂ້ອງຄວນມີວິທີແກ້ໄຂໃຫ້ ເໝາະສົມ, ທັງເພີ່ມຄວາມ ສະອາດງົດງາມໃຫ້ຕົວເມືອງ ແລະ ຄວາມປອດໄພໃຫ້ສັງ ຄົມນຳດ້ວຍ ແລະ ກໍໄດ້ຍິນ ຂ່າວວ່າໃນອີກບໍ່ດົນຂະແໜງ ໄປສະນີໂທລະຄົມມະນາຄົມ, ນະຄອນຫລວງວຽງຈັນ ແລະ ພາກສ່ວນກ່ຽວຂ້ອງຕ່າງໆຈະ ມີປະຊຸມເພື່ອປຶກສາຫາລືແກ້ ໄຂບັນຫານີ້ໃຫ້ໝົດໄປ./.

ເບິ່ງຄືນລະບົບສາຍໄຟຟ້າໃນຕົວເມືອງໃຫ້ປອດໄພຈົບງາມ2017/

- 1 1 - ຈະແກ້ໄຂສະພາບສາຍແມ່ກາຝາກ ໃນຕົວເມືອງຫລວງແນວໃດດີ
- lattana 1 - ຈະແກ້ໄຂສະພາບສາຍແມ່ກາຝາກ ໃນຕົວເມືອງຫລວງແນວໃດດີ

ລະດູຝົນຕ້ອງລະວັງສາຍໄຟ ແລະ ຕົ້ນໄມ້2017/

- 2225444 - ຈະແກ້ໄຂສະພາບສາຍແມ່ກາຝາກ ໃນຕົວເມືອງຫລວງແນວໃດດີ

error: Content is protected !!